Ri Jeremiy 5:6 - Quiché Bible

⁶ Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Jeremiy 5:6 Referans Kwoze

Ri Soponiy 3:3

Ri e c'amal tak qui be xak e junam cuc' tak ri coj ri quewu'nic; ri e qui k'atal tzij xak e junam cuc' tak ri utiw ri e c'o pa ri chaki'j uwo sak ri man c'o ta jun bak ri caquiya' ta can che re chwek.

Ri Habacuc 1:8

Ri e qui quiej c'o na ri qui xiq'uinem chquiwäch tak ri leopard, c'o na ri qui ch'ujilal chquiwäch tak ri utiw ri e c'o pa ri chaki'j uwo sak. Ri e cajquiejab pa tak mulaj quepetic, naj c'u e c'o wi caquiq'uiak ulok quib che u banic ch'o'j, jacha' ri cuban ri cot cuq'uiak rib che u chapic ri u ti'.

Ri Jeremiy 4:7

Ri coj elinak ulok chupam ri u c'olbal, ri cusachisaj qui wäch ri nimak tak tinimit petinak; elinak ulok pa ri u jekelibal che u sachisaxic u wäch ri awulew, che qui tolobaxic xukuje' qui yojixic tak ri e a tinimit.

Ri Ezequiel 22:27

Ri e c'amal tak u be we ulew ri' xak e junam cuc' ri utiw ri quequiban ch'akatak chque ri quekaj pa qui k'ab, ri xak e suc'umatal che u turuwisaxic quic' xukuje' qui cämisaxic winak rech quek'inomaric.

Apocalipsis 13:2

Ri awaj ri xinwilo, are junam ruc' jun balam, ri rakan je jas ri rakan ri os, ri u pa u chi' je jas ri u pa u chi' ri coj. Ri dragon xuya' ri u cuinem, xuya' ri u tem re ajawibal, xukuje' nimalaj takanic che.

Ri Osey 5:14

Jacha' ri cuban jun coj cuq'uiak rib je quinban na in aretak quinq'uiak wib chrij ri Eprain xukuje' chrij ri Juda; kas in quebenmuch tak canok, quinbextax c'ut; quebenmajij tak na, man c'o ta c'u jun jachin ta quebesan pa nu k'ab.

Ri Daniel 7:6

Ri urox cäjunamataj ruc' jun leopard, e c'o c'u quiejeb u xic' cho rachak xukuje' xinwilo chi e c'o quiejeb u jolom xjach c'u ri cuinem pa u k'ab.

Ri Daniel 7:4

Ri nabe je ta ne u banic jun coj, e c'o c'u u xic' re cot. Nu yo'm c'u nu wäch che u ca'yexic, xebok ri u xic', xtac'abax cho ri ulew xtac'abax paquiwi' ri quieb rakan, xtac'abaxic jacha' jun achi, xq'uextaj c'u ri u chomabal xux jacha' ri u chomabal jun winak.

Ri Ezequiel 23:19

Xa' c'u sibalaj xuban re ri cäquiban ri quech ri nim ch'utin chi na, xnataj c'ut ri rac'alal che, aretak xux jacha ri cäquiban ri quech ri nim ch'utin pa Ejipt.

Ri Ezequiel 16:25

Pa conojel tak ri u xo'l tak be xebawoc wi tak we c'olbal ri', xajalwächij c'ut ri a je'lical pa jun xojibalalaj jasach xachi'j c'u ri a cuerp che ronojel ri coc'owic, amak'el c'ut xatux junam cuc' ri quech ri nim ch'utin.

Juyuwem 1:5

Ri e qui banom qui c'ulel chque quetakan paquiwi', ri quebetzelan qui wäch quek'inomaric. Are' c'ut ri Ajawaxel u banom c'ax che qui mac quech tak ri macaj ri e u banom. Ri e qui c'ojol tak xec'am bic pa ri qui c'aslemal ri lok'om pataninelab xec'am bic rumal ri c'ulel.

Ri Jeremiy 49:19

Xäk c'ätetal quinpe na, jacha' jun coj ri quel ulok chquipam tak ri patzapak tak k'ayes ri e c'o chuchi' ri Jordan cuq'uiak c'u rib pa tak ri c'olbal ri e c'o wi echa' ri amak'el quetojtatic, quinban c'u na chi quebanimaj ri aj Edom ri e c'o chi', quinban c'u na chi are cajawin na ri winak ri quincha' na. ¿Jachin ta c'ut ri cäcuinic ri cujunamaj ta rib wuc'? ¿Jachin ta ri cäcuinic quinuc'ulelaj taj? ¿Jachin ta ri yuk'unel ri cäcuin ta che u k'atixic nu wäch?

Ri Jeremiy 30:24

Ri royowal ri Ajawaxel man cätani' ta na c'ä cabantaj na ri u chomam qui banic. Cäpe c'u na ri k'ij aretak ri ix quebich'ob na we jastak ri'.

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Ri Jeremiy 25:38

Xel ulok jacha' jun coj pa ri u c'olbal are c'u ri culew xetzeletaj canok, xnicow c'ut ri royowal ri Ajawaxel xutak c'u ulok jun xibibalalaj ch'o'j.

Ri Jeremiy 14:7

¡Ajawaxel, pune' cujquitzujuj ri ka mac, chtok'obisaj la ka wäch rech cäya' u k'ij ri bi' la! Sibalaj q'ui mul man uj uxinak ta jic chwäch la, uj macuninak chwäch la.

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Ri Jeremiy 2:15

¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

Ri Isaiy 59:12

Ri uj sibalaj ka yacom oyowal la, e are' c'ut ri e ka mac cujtzujunic e c'o ri e ka mac pa ka jolom, cakacoj kib chuxe' ri ketzelal.

Salmib 104:20

Cälic' la ri k'ekumalaj chak'ab, cäquichaplej c'u quelic ulok ri awaj pa tak ri c'ache'laj.

Ri Esdras 10:10

Are c'u ri cojol tabal tok'ob ri Esdras xtaq'ui'c xubij c'u chque: “Ix ix macuninak u mac rech chi xixc'uli' cuc' ixokib ri man e i winakil taj, i nimatajisam c'ut ri u mac ri Israel.

Ri Esdras 9:6

je c'u xinbij wa': “Nu Dios, nu Dios, quinna' wib chi elinak nu q'uixbal, man quinch'ob ta c'ut jas ta ri quinban na quintzijon ta uc' la. Ri etzelal ri e ka banom e oc'owinak qui wi', ri e ka macunic tak e opaninak c'ä chicaj.

Ajilanic 32:14

Are c'u ri ix camic ri ix qui c'ojolaxelab ri tataxelab aj maquib, quiwaj u banic ri xquiban ri e i tat, che u walijisaxic chi jumul ri royowal ri Ajawaxel chrij ri Israel.

Salmib 80:13

Ri juyubal ak cupatz'alej; ¡ri juyubal tak awaj caquiwako!

Ri Jeremiy 8:5

Israel, ¿jas c'u che man kas ta at jic chwij? ¿Jas c'u che, Jerusalen kas xa' jumul xinaxutuj? ¿Jas c'u che xacoj a chuk'ab che nu c'ulelaxic a ma ta c'u cawaj cattzelejic?

Ri Jeremiy 30:15

¿Jasche carak a chi' cumal tak ri e a socotajic? Ri a k'oxomal man c'o ta u cunatajic. U mac rech ri jumulaj awetzelal xukuje' tak ri e a mac ri man e ajilatal taj, je nu banom wa' chawe.

Ucab Tzijobelil 36:14

Xukuje' conojel ri e c'amal tak be pa Juda, ri e cojol tabal tok'ob xukuje' ri tinimit sibalaj c'u xebuxic man e jic taj, xequitakej ri itzel tak qui banoj ri nimak tak tinimit ri e k'ijilal diosib xquitz'iloj c'ut ri rachoch ri Ajawaxel ri u cha'om jacha' che k'ijilabal pa Jerusalen.

Ri Job 10:16

We quinc'ut wib chi man in c'o ta je' ri lal lal jacha' jun coj, quintakej la pa wakan queban c'u ne la mayibal che u sachisaxic nu wäch.

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ri Jeremiy 8:7

Ri siguenya ri cabin cho ri caj reta'm c'u ne jampa' rajawaxic catzelejic. Ri palomax ri xipicar xukuje' ri chiochi queta'm jampa' rajawaxic quebe pa jun c'olbal chic. Are c'u ri at, nu tinimit, man e a weta'm taj ri e nu pixab.