Ri Jeremiy 5:12 - Quiché Bible

¹² Ri Israel xukuje' ri Juda qui xutum ri Ajawaxel; quibim: “Man c'o ta cuban ri Dios. Man c'o ta lawaloyil quekataklebej, man cäpe ta ch'o'j pakawi' mawi wi'jal.”

Ri Jeremiy 5:12 Referans Kwoze

Ucab Tzijobelil 36:16

Ri e are' xa' xquitze'j qui wäch ri e u tako'n ri Dios, man nim ta xquil wi ri xutak u bixic chque xa' c'u xequetz'bej qui wäch ri e k'axal tzij, xyactaj c'u na ri royowal ri Ajawaxel puwi' ri u tinimit, ri man c'o ta chi cunabal che.

Nabe Samuel 6:9

Kas c'u are chiwila' wa': we ri caret cabe che u suq'uil ri Bet-sems ri kas rulew, are' ba' ri u Dios ri Israel yowinak ri nimalaj c'ax chke ri ka rikom; we c'u man je cubano, keta'm ba' ri' chi man are' taj xbanow ri c'ax chke ri ka rikom, xak ba' xkataklebej wa'.”

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

1 Juan 5:10

Apachin ri cäcojon che ri u C'ojol ri Dios, ruc'am we k'alajisanic ri' pa ri ranima'. Apachin ri man cäcojon taj, u banom chi ri Dios are banal tzij, rumal rech chi man cojoninak ta che ri u tzij ri Dios aretak xuk'alajisaj ri u C'ojol.

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ri Miquey 2:11

We c'o jachin jun cuban banoj tzij, cubij c'ut: “In quinya' u bixic u wa'l uva xukuje' tzam”, are' k'axal tzij wa' ri takal che we tinimit ri'.

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Ri Jeremiy 28:4

Quinban c'u na xukuje' chi quetzelej ulok chupam we c'olbal ri' ri Jeconiy, u c'ojol ri Joasim ajawinel re Juda, xukuje' conojel ri niq'uiaj winak chic ri xebesax bic pa Juda xec'am c'u bic pa Babilon. Je, in quinc'äjij na ri reka'bal ri ajawinel re Babilon. In, ri Ajawaxel, quinjiquiba' u bixic.’ ”

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Jeremiy 4:10

In xinbij: “¡Ay, Ajawaxel, e subum la ri winak re Jerusalen! Xchi'j la jamaril chque, are c'u ri c'o chque jun cuchilo chi qui kul.”

Salmib 10:6

Cuchomaj chi man c'o ta jun cäch'äcan puwi', chi mawi jubik' curik ta c'ax.

E C'ambal tak Tzij 30:9

we c'u ne c'o u wi' cäto'tajic wuc'; cuya' ri' cäsach la pa nu jolom, quinbij ta c'ut chi man weta'm ta wäch la; we c'u man cubana' chwe cuya' ri' quineläk'ic, quinya' c'u ri tastalicalaj bi' la pa yok'ic.

Ri Jeremiy 14:22

¿La c'o ta pu lo chquixo'l ri diosib ri quequik'ijilaj ri e k'ijilal tak diosib jun ri cäcuintaj cukasaj ri jäb? ¿La xak ta pa u lo pa rech wi ri caj quebutak ulok ri jäb? ¡Jayi', Ajawaxel, ka Dios! Lal ri' quebetak la ulok, lal ri' ri cäbanow la conojel we jastak ri'; ¡rumal ri' cujeyem che la!

Ri Jeremiy 43:1

Aretak ri Jeremiy xuq'uis u ya'ic u bixic che ri tinimit ronojel ri xubij ri Ajawaxel ri qui Dios che chi chuya' u bixic chque,

Salmib 14:1

Ri man c'o ta qui no'j cäquichomaj chi man c'o ta Dios: conojel quetzelam quib; qui banom xibibalalaj tak jastak; ¡man c'o ta chi jun cuban ta utzil!

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Jeremiy 6:14

Xak quequimalama' ri qui socotajic ri nu tinimit; “Jamaril, jamaril,” quecha'; ronojel c'ut c'ax u banom.