Ri at man a tom ta qui tzijoxic wa', mawi aweta'm qui wäch, rumal rech chi amak'el at uxinak tz'or. In weta'm chi man at jic taj, chi cäbix chawe chi man catniman taj aretak xatalaxic.
Kas chuq'uisbalil ri ulew ka tom cäbixoxic: “¡Chyo'k u k'ij ri suc'!” Are c'u ri in xinbij: Tok'ob nu wäch, c'o nimalaj c'ax, c'o nimalaj c'ax. Ri jachinelab ri quieb qui wäch cäquiban jun itzel jachanic.
¡Queboc c'u na ri e qui c'ulel quequisachisaj c'u qui wäch ri e ticbal tak uva, pune' c'u ronojel caquisachisaj u wäch! ¡Chequijak'ij tak ri qui k'ab man c'u ticbal ta chic nu uva!
¡C'o ta banom wi c'o ta jun nu jekelibal chupam ri chaki'j uwo sak, rech quinbe naj che ri nu tinimit! Rumal rech chi conojel man queniman taj e jupuk jachanelab ri quieb qui wäch.
Ajawaxel, we quinec'ulelan che la, ri lal amak'el are c'o na rumal ri cäbij la; are ta c'u ne quinwaj quinc'ot ta chi' la che ri qui c'ulmatajic jujun jastak. ¿Jasche man c'o ta caquic'ulmaj ri itzel tak winak? ¿Jasche utz e c'olic ri man kas e jic taj?