Ri Jeremiy 49:5 - Quiché Bible

⁵ Chaweyej na, pa ronojel c'olbal quintak ulok xibriquil pawi'. In, ri Ajawaxel, ri Ajawaxel ri c'o ronojel u cuinem quinjiquiba' u bixic chi chijujunal ix quixanimaj na pa apachique c'olbal ri qui riko, man c'o ta c'u jachin jun ri quixmulin ta chic.

Ri Jeremiy 49:5 Referans Kwoze

Ri Jeremiy 49:29

Chibana' iwech chque tak ri qui lic'om ja xukuje' tak ri e qui tzobaj, ri e u tz'akatil tak ri qui lic'om ja xukuje' conojel tak ri qui chaconisan. Chebitokij tak ri camey chibij c'u chque ruc' rakoj chi'aj: ‘¡C'o xibriquil pa conojel c'olbal!’

Ri Jeremiy 46:5

¿Jas c'ut ri cätajin quinwilo? Quetzelej chquij e nojinak che xibriquil. Ri e rajch'ojab caquijabula' tak quib e ch'äcatajinak; quexiq'uinic quebanimajic, man queca'y ta can chquij. ¡C'o xibriquil pa conojel tak ri c'olbal! In, ri Ajawaxel, quinjiquiba' u bixic.

Ri Amos 4:3

Quebel na bic pa tak jul caquichololej quib, queq'uiak c'u na bic chupam ri juyub Hermon.” Ri Ajawaxel cujiquiba' u bixic.

Ri Jeremiy 20:4

Ri Ajawaxel je cubix wa': ‘Catin jalwächij pa xibriquil chawe chbil awib xukuje' chque conojel ri awachil awib cuc'; chquiwäch ri e a bak'wäch, ri awachil awib cuc' quekaj na chuxe' ri qui ch'ich' re ch'o'j ri qui banom qui c'ulel chawe. Quebenjach na conojel ri winak ri e c'o pa Juda pa u k'ab ri ajawinel re Babilon, ri quixresaj na bic quebuc'am c'u na bic pa Babilon o ch'ich' re ch'o'j cucämisabej quech.

Ri Jeremiy 15:8

C'o na ri qui q'uiyal ri malca'nib ri xebenya' can chquixo'l chuwäch ri sanyeb re ri plo. Kas tiquil k'ij xinbano chi xkaj ri cämical paquiwi' ri nanaxelab ri e c'o tak cal c'ojolab; xak c'ätetal xinbano chi xkaj ri c'axc'ol xukuje' ri xibriquil paquiwi'.

Ri Isaiy 16:3

Cäquibij c'u che ri Sion: “Chachomaj jas caban che ka to'ic, chujato'. Chujamu'jaj pa tiq'uil k'ij, jacha' ta ne chak'ab uj c'olic chaya' c'ubal quib ri e okatatalic, maq'uis u banic c'ax chque ri e animajinak ulok.

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ri Job 15:21

Quebuta' tararem ri cuxe'j rib cumal; aretak man c'o ta latz' c'o wi man c'o ta cunabej cakaj pa qui k'ab ri eläk'omab.

Ucab Ajawinelab 19:7

In quenbana' chi copan jun xibin ib ri cäbanow che chi cätzelej pa ri rulew, quinban c'u na che chi xa' cacämisax chila'.’ ”

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

Ri Jeremiy 16:16

In, ri Ajawaxel, quinjiquiba' u bixic, quenbana' chi quepe q'ui tak caranelab rech quequicarij ri aj israelib. Quenbana' c'u na chi quepe q'ui tak tzucunelab che quitzucuxic quequesaj c'u ulok pa conojel tak ri c'ache'laj xukuje' paquiwi' tak ri juyub xukuje' c'ä pa tak ri pec ri e c'o xo'l tak ri tzac'atzak tak abaj.

Juyuwem 4:15

Ruc' rakoj chi'aj xbix chque: “¡Chitasa' iwib, chitasa' iwib; e ch'uluj tak winak, mebinako! Xak e wacatelab ri man quejeki' taj, man ya'tal ta chque chi caquitakej c'aslem waral, quecha' ri e k'ijilal tak diosib.”

Ri Jeremiy 6:25

¡Mixbe pa ri juyub, mixbe pa tak ri be! ¡Ri c'ulel e ruc'am tak ri e u ch'ojibal; C'o nimalaj xibin ib pa conojel tak ri c'olbal!”