Ri Jeremiy 48:3 - Quiché Bible

³ Chupam ri Horonaim quebel ulok rakoj tak chi'aj: ‘¡Etzeletajic xukuje' nimalaj yojyobic!’

Ri Jeremiy 48:3 Referans Kwoze

Ri Isaiy 15:5

Ri wanima' cutz'onoj chi quet'oy ri aj Moab ri winak quebanimajic, quebe c'ä pa Zoar, c'ä pa Eglat-selisiy. Quebok'ic quepaki' cho ri tac'atic juyub re Luhit pa ri be re Horonaim cäquirak qui chi' rumal ri c'axc'ol ri cätajin cäquiriko.

Ri Jeremiy 48:34

Ri winak re Esbon caquirak qui chi' rumal ri k'oxomal, ri qui rakoj tak chi'aj quebopan c'ä pa Eleal xukuje' pa Jahaz, kas c'u pa Zoar c'ä pa Horonaim xukuje' c'ä pa Eglat-selisiy, e tzajtzobinak c'u ne tak ri e u q'uiyibal tak ja' ri e c'o pa Nimrim.

Ri Jeremiy 48:5

Cuc' u wa'l tak wächaj chi' tak bak'wäch, quepaki' puwi' ri juyub re Luhit; caquirak qui chi' rumal re k'oxomal chuwäch ri c'ulmatajic ri quekaj bic pa Horonaim.

Ri Jeremiy 47:2

“In, ri Ajawaxel, quinbij: Pa ri riquiak'ab elebal k'ij cäpe wi na jun bik'tajic jacha' jun nima' ri capulinic; cubik' na ri ulew xukuje' ronojel ri c'o chupam, ri tinimit tak xukuje' conojel ri e jekel chquipam. Conojel ri e u winakil ri ulew caquirak qui chi', ri winak quejuyuw na rumal ri k'oxom.

Ri Isaiy 22:4

Rumal ri' xinbij: “Chitasa' iwib chwij, are quiwaj quinq'uis wib che ok'ej mitzucuj u cu'bisaxic nu c'u'x rumal ri cuc'ulmaj na ri nu tinimit.

Ri Isaiy 15:8

Pa ronojel ri ulew re Moab cätataj wi rakoj chi'aj ri ok'ej cätataj pa Eglaim xukuje' c'ä pa Beer-elim.

Ri Isaiy 15:2

Ri winak aj Dibon quepaki' che u banic ok'ej chupam ri cachoch ri qui dios ri c'o puwi' ri juyub. Ri Moab xrok'ej ri Neb xukuje' ri Medeb aretak xsach qui wäch. Conojel qui banom tol che ri qui jolom xukuje' quikopim ri quismachi'.

Ri Jeremiy 20:16

¡Chi we winak ri' chuxok jacha' ri tinimit tak ri kas xa' jumul xsachisax u wäch rumal ri Dios! ¡Chi pa ri u sakaric chebutatabej rakoj tak chi'aj re c'axc'olil. Wululem c'ut re ch'o'j pa tiq'uil k'ij,

Ri Jeremiy 48:4

Ri Moab c'o pa etzeletajic; ri rakoj tak chi'aj re k'oxomal quebopan c'ä pa Zoar.

Ri Jeremiy 51:54

Kas pa Babilon quel wi ulok rakoj tak chi'aj re k'oxomal, kas pa ri culew ri aj caldeyib quebel wi ulok jun nimalaj tininem.