Ri Jeremiy 48:12 - Quiché Bible

¹² Are' c'u ri Ajawaxel cujiquiba' u bixic: “Copan na ri k'ij chi quebentak winak chi chquijamij ri u wa'l uva chquipam jule' tak c'olbal chic, e are tak c'ut ri c'olbal ri e jamajobinak canok chequimuchu'.

Ri Jeremiy 48:12 Referans Kwoze

Ri Nahum 2:2

Rumal rech chi ri Ajawaxel cutzelej chi na jumul ri nimarisabal rib ri Jacob, ri nimarisabal rib ri Israel, jacha' ri u banom nabe aretak xtolobaxic xya' c'u canok jacha' juwi' uva ri man e c'o ta chi u k'ab.

Ri Jeremiy 48:38

“Paquiwi' conojel tak ri ja re Moab xukuje' pa conojel ri e u xo'l tak ri ja xak xuwi juyuwem quetatajic, rumal rech chi xinmuch ri Moab jacha' jun lak ri man c'o ta cajwataj wi. In, ri Ajawaxel quinjiquiba' u bixic.”

Ri Isaiy 30:14

cäsach na i wäch jacha' jun k'ebal re ulew, ri cämuchmub ronojel man cäcanaj ta can jun ch'akap chquixo'l ri ch'akatak ri utz taj cäya' ta rachak k'ak' chupam o cäpac'abex ta ja' pa ri c'ua'.”

Salmib 2:9

Ruc' bara' re ch'ich' quebaban na ch'akatak chque tak ri ajawinelab; ¡quebaban na ch'akatak chque jacha' ri cäban chque tak ri bo'j re t'ac!”

Ri Jeremiy 48:15

Opanem cuban ri yojil rech ri Moab xukuje' tak ri e u tinimit; ri e u c'ojolab ri kas e je'l na quec'am na. Cujiquiba' u bixic ri Ajawinel, ri are u bi', ri Ajawaxel ri c'o ronojel u cuinem.

Ri Jeremiy 48:11

Ri Moab amak'el c'olinak pa jamaril, mawi jumul c'amom bic pa jun ulew chic. Xak junam ruc' ri u wa'l uva ri cäya' c'olbal che cäkaj u xe', ri man cäjamix taj pa jun c'olbal chic, rumal ri' mawi jubik' cutzak ta ri u na'il mawi ri u c'oc'al.

Ri Jeremiy 48:8

Ri yojyobic copan na pa conojel ri tinimit tak, mawi ta c'u ne jun cato'taj ta canok; ri beya' xukuje' ri u wi juyub quecanaj pa etzeletajic. In, ri Ajawaxel, quinjiquiba' u bixic.

Ri Jeremiy 25:34

¡Chiraka' i chi', ajyuk'ab, chiraka' i chi' rumal ri k'oxomal! ¡Ix, ri qui c'am qui be ri jumulaj, chi wolkotela' iwib cho ri ulew! Opaninak ri k'ij re ri cämisanic are c'u ri ix quixecämisaxok jacha' ri e k'obisam ama'ib tak chij.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Jeremiy 19:10

Aretak cabitaj wa', chabana' ch'akatak che ri k'ebal chquiwäch conojel ri achijab ri at achilaninak,

Ri Jeremiy 14:3

Ri k'inomab quequitak ri qui pataninelab che u c'amic ja'; quebe wa' chi' tak ri c'ua' man quequirik ta c'ut, quetzelej c'u ulok e cuc'am tak ri qui k'ebal man c'o ta c'o chquipam; sachinak qui c'u'x e nojinak che q'uixbal, quequich'ukula' tak ri qui jolom.

Ri Isaiy 16:2

Ri aj Moab e c'o pa ri k'axbal re Arnon jeri' quepe alaj tak chicop ri e c'o qui xic' ri e xibim, ri quebanimaj bic pa ri qui soc.

Ri Jeremiy 48:13

Are c'u ri Moab cuch'ob na rib chi xa xäsub rumal ri u dios Quemos, jacha' ri xuban ri Israel chi xa xäsub rumal ri Betel, ri u jiquiban u c'u'x chrij.