Ri Jeremiy 48:11 - Quiché Bible

¹¹ Ri Moab amak'el c'olinak pa jamaril, mawi jumul c'amom bic pa jun ulew chic. Xak junam ruc' ri u wa'l uva ri cäya' c'olbal che cäkaj u xe', ri man cäjamix taj pa jun c'olbal chic, rumal ri' mawi jubik' cutzak ta ri u na'il mawi ri u c'oc'al.

Ri Jeremiy 48:11 Referans Kwoze

Ri Soponiy 1:12

Pa ri k'ijol ri' quinc'am na jun chäj quintzucun c'u na chupam ri Jerusalen. Quinc'äjisaj c'u na u wäch ri winak ri xak cat'uyic ri man cubisoj taj jacha' ta ne ri u wa'l uva ri xak chemelic, ri cubij c'u chbil rib: ‘¡Ri Ajawaxel man c'o ta jas cubana', mawi utzilal mawi etzelal!’

Ri Zacariy 1:15

Rumal ri' nicowinak ri nu c'anal che u banic c'ax chque tak we nimak tak tinimit ri', ri man c'o ta jas queboc ta wi il chi, aretak ri in man nimatajinak taj ri woyowal, xetoban che u nimatijisaxic ri etzelal.

Ri Nahum 2:2

Rumal rech chi ri Ajawaxel cutzelej chi na jumul ri nimarisabal rib ri Jacob, ri nimarisabal rib ri Israel, jacha' ri u banom nabe aretak xtolobaxic xya' c'u canok jacha' juwi' uva ri man e c'o ta chi u k'ab.

Ri Jeremiy 48:29

Keta'm ri nimalaj nimal ri cac'amow ri Moab: chi man c'o ta jun jacha' ri are man cakaj ta jubik.

Ri Isaiy 24:3

Ri uwächulew kas cäsachisax na u wäch, kas cätolobax na canok ronojel. Are c'u wa' ri u bim ri Ajawaxel.

Ri Isaiy 16:6

Keta'm ri nimalaj nimal ri cuban ri Moab, cuban rib chi man c'o ta chi jun jas ri are', cunimarisaj rib, man cäkaj ta jubik' ri rij u wi', xukuje' conojel tak ri tzij ri cubij man c'o ta qui patan.

Salmib 123:4

¡oc'owinak u wi' ri c'ax ri ka rikom rumal ri retz'bexic ka wäch cumal ri k'inomab xukuje' ri retzelaxic ka wäch cumal ri e banal tak nimal!

Salmib 55:19

Ri Dios ri cajawin chbe k'ij sak, cutatabej na ri nu ch'awem quebukasaj c'u na ri e nu c'ulel; man cäquiq'uex ta c'u ri qui no'j mawi cäquixe'j ta quib chuwäch ri Dios.

Ri Jeremiy 51:34

Jewa' cubij ri Jerusalen, ri tinimit re Sion: “Ri Nabucodonosor, ri ajawinel re Babilon, xuban xerexak chwe xinubik' c'ut; xinuya' canok jacha' jun lak ri tolonic. Jacha' jun jilijic awaj aj plo xinubik'o; xunojisaj rib ruc' ri sibalaj xkaj na chuwäch ri c'o wuc', are c'u ri xto'tajic xuq'uiak canok. ¡Chutojo' ri Babilon ri tokinic ri xuban chwe! ¡Chequitojo' ri aj caldeyib ri e nu winak ri xebucämisaj!”

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

E C'ambal tak Tzij 1:32

Ri man c'o ta quetamabal, quebe pa ri cämical, e are' tak c'ut ri man c'o ta qui no'j cäsachisax na qui wäch rumal ri man qui oquem ta il;

Ri Nahum 2:10

Sachisam u wäch, tz'inowirisam, tolobam canok, jewa' ri u c'ulmam ri Ninibe. Ri animaaj quelebelob che xe'n ib, quebirbit tak ri ch'ecaj, conojel man e c'o ta chic qui chuk'ab quesakmaqui c'ut.

Ri Jeremiy 22:21

In xatinch'abej pa ri k'ijol aretak utz at c'olic, man xawaj ta c'ut xinatatabej. Je a banom ulok wa' kas pa ri walc'alal: ¡Man a yo'm ta a tzij che u tatabexic ri quinbij chawe!

Ri Jeremiy 48:12

Are' c'u ri Ajawaxel cujiquiba' u bixic: “Copan na ri k'ij chi quebentak winak chi chquijamij ri u wa'l uva chquipam jule' tak c'olbal chic, e are tak c'ut ri c'olbal ri e jamajobinak canok chequimuchu'.