Ri Jeremiy 48:10 - Quiché Bible

¹⁰ (¡C'okom ri xak quieb ranima' cuban ri chac ri takom che u banic rumal ri Ajawaxel Dios! ¡C'okom ri man cuya' u tzij che u banic ri cämisanic!)

Ri Jeremiy 48:10 Referans Kwoze

Nabe Ajawinelab 20:42

Xubij c'ut ri k'axal tzij che: “Are' jewa' ri cubij ri Ajawaxel: ‘Rumal c'u rech chi xatzopij bic ri achi ri c'okom u cämisaxic rumal, ruc' ri a c'aslemal catoj na ri rech, xukuje' ruc' ri a tinimit catoj na ri u c'aslemal ri u tinimit.’ ”

Nabe Samuel 15:3

Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”

K'atal tak Tzij 5:23

Are' c'u ri aj cajalaj u tako'n ri Ajawaxel xuya' u bixic: ‘¡Chakaj jun cowilaj c'okobal puwi' ri Meroz xukuje' paquiwi' ri e u winak!’ Man xebopan ta c'ut jacha' ri c'o qui chuk'ab che ri to'banic aj Ajawaxel.

Ucab Ajawinelab 13:19

Ri k'axal tzij xoyowar ruc' xubij c'u che: “We ta omul o wakmul xsoc ta la ri ulew, xcuin ta la ri' che qui ch'äquic ri aj Siriy c'ä xq'uis ta na la tzij paquiwi'; are c'u ri camic xa' oxmul quech'äc na la.”

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.

Ri Jeremiy 50:25

Ri Ajawaxel xujak ri c'olbal ri e c'o wi tak ri e u ch'ojibal xeresaj c'u ulok tak ri e u ch'ojibal ri royowal, rumal rech chi ri Ajawaxel ri c'o ronojel u cuinem c'o jun chac chuwäch ri cuq'uis na u banic chupam ri nim tinimit ri aj caldeyib.

Ri Jeremiy 47:6

¡Ay u ch'ich' re ch'o'j ri Ajawaxel! ¿Jampa' cak'il awib? ¡Chatoc chic chupam ri c'olbal awib, chatmatzalok xak jun chatc'ol wi!

Nabe Ajawinelab 20:39

Aretak c'u cätajin coc'ow ri ajawinel, co xurak u chi' xubij che: “We pataninel ech la ri' are' jun xnabej chuwäch ri ch'o'j, xel ulok jun ajch'o'j chquixo'l ri niq'uiaj chic, xujach jun c'ulel pa nu k'ab. Xubij chwe chi quinchajij, xuya' c'u u bixic chwe chi we quintzokopij bic, quintoj na ruc' ri nu c'aslemal o quintoj na oxib mil (3,000) ch'akatak sak puak che.

Nabe Ajawinelab 20:40

Are' c'u we pataninel ech la xbe u c'u'x che qui banic jule' jastak chic, xutzokopij c'u bic ri ajpache'.” Ri ajawinel re Israel xutzelej u bixic che: “Kas at a k'alajisam awib chi at ajchak'mac a yo'm c'u u bixic ri cakajbej.”

Ri Jeremiy 11:3

chabij c'u chque chi ri in, ri Ajawaxel, ri u Dios ri Israel, quink'alajisaj chi c'okotajinak ri man cunimaj taj u banic ri u q'uisbalil ri c'ulwächinic ri'.

Ri Jeremiy 47:7

¿Jas ta c'ut ri cubano cacuinic cämatzic we are' ri Ajawaxel yowinak ri takanic che, we u yo'm u takquil chi cäch'ojin ruc' ri Ascalon xukuje' ronojel ri tak'aj?”

Ri Jeremiy 50:27

¡Chebicämisaj conojel tak ri e rajch'ojab, chixtakan che qui c'amic bic pa ri cämisabal! ¡Tok'ob qui wäch! ¡Xopan ba' ri qui k'ij, ri k'ijol re ri u c'äjisaxic qui wäch!

Ri Josue 10:19

Xak c'u mik'il iwib waral. Jix chquij ri c'ulel chebicämisala' pa cakan. Miya' c'olbal chque chi quetzelej pa tak ri qui tinimit, e u jachom c'ut ri Ajawaxel ri i Dios pa i k'ab.”