Ri Jeremiy 47:6 - Quiché Bible

⁶ ¡Ay u ch'ich' re ch'o'j ri Ajawaxel! ¿Jampa' cak'il awib? ¡Chatoc chic chupam ri c'olbal awib, chatmatzalok xak jun chatc'ol wi!

Ri Jeremiy 47:6 Referans Kwoze

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Xuan 18:11

Xubij ri Jesus che ri Lu': “Chanima' ri a ch'ich' chupam ri rij. Ri kumubal re c'axc'olil ri u yo'm ri Tataxel chwe, ¿la ma ta quinkumuj na?”

Ri Ezequiel 21:30

¡Ch'ich' re ch'o'j chattzelej chupam ri c'olbal awib! In quinc'äjisaj na a wäch chila' jawije' ri xatintzuc' wi, pa ri ulew ri xatalax wi,

Ri Ezequiel 14:17

We ta c'u quinc'am ulok ri ch'o'j puwi' we ulew ri' quinya' ta c'u ri takanic chquecämisax ri achijab xukuje' ri awaj,

Ri Jeremiy 25:27

Xubij c'ut ri Ajawaxel chwe: “Chabij chque in, ri Ajawaxel ri c'o ronojel u cuinem, ri u Dios ri Israel, quixintako chi chixuq'uianok c'ä chixk'abar na chixxaw c'ut chixtzak c'u cho ri ulew rech man quixwalij ta chic u mac rech ri ch'o'j ri quintak na piwi'.

Ri Jeremiy 15:3

In, ri Ajawaxel, quinjiquiba' u bixic: quebentak ulok quiejeb jalan tak c'äjisabal wächaj: quecämisax na pa ri ch'o'j, quejurux na cumal tak ri tz'i', quet'ubix na cumal tak ri c'uch quet'okopix na cumal tak ri juyubal tak awaj.

Ri Jeremiy 12:4

¿C'ä jampa' cutakej chaki'jaric ri ulew quechaki'jar c'ut ri' ri k'ayes ri c'o pa tak ri juyub? Ri awaj xukuje' tak ri chicop ri e c'o qui xic' cätajin quecämic u mac quech ri quetzelal ri e u winakil cho ri ulew, are c'u pa qui c'u'x chi man cäil ta la ri caquibano.

Ri Jeremiy 4:21

¿Joropa' k'ijol quintakej na rilic ri etal elinak chicaj xukuje' quintatabej na ri rok'ibal trompet?

Ri Isaiy 10:15

¿La cäcuin ta c'u lo ri icäj cuchomaj rib chi nim na u k'ij chuwäch ri cäcojowic? ¿Ri ramibal chuwäch ri casalabisanic? ¡Jacha' ri ch'ämiy ri xa' jun che' are ta cäsalabisan ri achi ri c'amowinak bic!

Ri Isaiy 10:5

“¡Ri ajawinel re Asiriy, are ri che' ri c'o pa nu k'ab ri quincoj che u ya'ic c'äjisabal wächaj aretak c'o woyowal! are xic'ay wa' ri quincojo aretak cäpe woyowal.

Salmib 17:13

Walija la, Ajawaxel, ¡chk'atij la qui wäch!, ¡chemejmobisaj la ri qui ch'ec! Ruc' ri ch'ich' re ch'o'j la chinto'tajisaj la rech man quinkaj ta pa u k'ab ri banal etzelal;

Nabe Tzijobelil 21:27

Xuya' c'u takanic ri Ajawaxel che ri tako'n chi chuc'olo' ri u ch'ich'.

Ucab Samuel 2:26

Ri Abner xurak u chi' che ri Joab: “¿La man c'o u q'uisic we cämisanic ri'? ¿La ma ta cach'obo chi xa c'ayil cuc'am ulok wa' chke? ¿Jampa' caya' takanic chque ri a winak chi chiquitanaba' cokataxic ri cachalal?”

K'atal tak Tzij 7:20

ri oxib k'at achijab junam xcok'isaj ri cuc'a' ri ama'ib tak chij xequipaxij c'u ri k'ebal. Xquic'am bic ri chäj pa ri qui mox k'ab ri cänicowic, ri cuc'a' ri ama'ib tak chij cuc'am pa qui wiquiak'ab, cäquirak c'u qui chi' cäquibij: “¡Ch'o'j rumal ri Ajawaxel xukuje' rumal ri Jedeon!”

Ri Jeremiy 48:10

(¡C'okom ri xak quieb ranima' cuban ri chac ri takom che u banic rumal ri Ajawaxel Dios! ¡C'okom ri man cuya' u tzij che u banic ri cämisanic!)

Ri Jeremiy 50:35

Ri Ajawaxel je cubij wa': “¡Ch'o'j che ri Babilon xukuje' chque ri e u winak! ¡Chque ri c'amal tak qui be xukuje' chque ri cajno'jab!

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!