Ri Jeremiy 44:8 - Quiché Bible

⁸ ¿Jasche quinic'axc'obisaj cumal tak ri e i banoj quebichi'j c'u c'oc' k'ol chque tak ri diosib ri e c'o waral pa Ejipt, ri ix petinak wi che jekelem? Ruc' wa' qui nimatajisaj ri kas u sachisaxic i wäch, quixux c'u na c'utbal re c'okobal xukuje' mach'irisam ib chquixo'l conojel ri nimak tak tinimit re ri uwächulew.

Ri Jeremiy 44:8 Referans Kwoze

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 44:3

qui mac quech tak ri etzelal ri xequibano, xinquic'axc'obisaj c'ut xequik'ijilaj jule' tak diosib xequichi'j c'u c'oc' k'ol chquiwäch; mawi ri e are' mawi ri ix mawi ri e i mam c'o ta xupatanij chque.

Ri Jeremiy 18:16

U mac rech wa' u banom chi ri ulew uxinak jun chaki'j uwo sak, pa jun mayijinem amak'el. Ronojel ri coc'ow chupam cuxibij na rib cusutisa' na ri u jolom.

Ucab Tzijobelil 7:20

quixinbok na bic ri ix chupam ri ulew ri nu yo'm chiwe, quinq'uiak na bic ri wachoch chnuwäch ri nu tasom quinban c'u na chi cätzex i wäch amak'el chquixo'l conojel tak ri winak.

Hebreos 3:16

¿Jachin tak ri xquiyac royowal ri Dios pune' xquita' ri u tzij? Are' conojel ri xebesax ulok pa Ejipt rumal ri Moises.

Ri Jeremiy 44:12

Quinban na chi ri xecanaj pa Juda ri xukuje' xquiya' qui tzij chi quebeljekel pa Ejipt, chq'uis ta u sachic qui wäch chila'. Conojel kas ruc' ri sibalaj ch'utin c'ä ruc' ri sibalaj nabeal, na, quecäm na rumal ri ch'o'j o ri wi'jal, quebux c'u na c'utbal re c'okonic xukuje' mach'irisam ib, pa jun jasach ri cuya' xibriquil.

Ri Jeremiy 44:7

Je ba' ri', in, ri Ajawaxel ri c'o ronojel u cuinem, ri u Dios ri Israel, quinbij: ¿Jasche qui c'am ulok kas piwi' ix we nimalaj etzelal ri'? ¿Jasche quibano chi quecäm conojel ri winak re Juda, achijab, ixokib xukuje' ac'alab, xukuje' ri c'äte xebalaxic, jeri' chi ma ta c'o jachin cäcanajic?

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Ri Isaiy 3:8

Ri Jerusalen cätajin cäwulijic, ri Juda cäyojyob na, chila' c'u quebix wi xukuje' queban wi ri jastak ri quec'ulelan ri Ajawaxel, jastak ri quec'axc'obisan ri are'.

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Ri Jeremiy 11:12

E are c'u ri winak ri e aj Juda xukuje' ri e jekel pa Jerusalen quebe na che u tz'onoxic to'banic chque ri diosib chque ri xquichi'j wi c'oc' k'ol, man quecuinta c'u wa' che qui to'ic aretak e c'o chupam ri u c'axc'ol.

Ri Jeremiy 11:17

In, ri Ajawaxel ri c'o ronojel u cuinem, ri xintiq'uiba', nu yo'm c'u takanic chi cape ri u q'ueyowal puwi' qui mac quech tak ri etzelal ri xebuban ri Israel xukuje' ri Juda, in quic'axc'obisam aretak caquichi'j c'oc' k'ol che ri Baal.”

Ri Osey 4:13

Pa tak ri qui chicajil tak ri juyub xukuje' chiquitza'm tak ri juyub quequiporoj c'oc' tak k'ol quequichi'j c'u tabal tok'ob, xukuje' c'u chquixe' ri utzalaj tak qui mujal tak bakit, ri sak lemob xukuje' tak ri räx che'. Rumal ri' ri e i mia'l e buxinak jacha ri cäquiban ri quech ri nim ch'utin, xukuje' tak ri e iwalib quekaj pa mac cuc' niq'uiaj chic.

Ri Habacuc 1:16

Rumal ri' ri chapal cär quebuya' qui k'ij tak ri u c'at xukuje' tak ri e u xoc, quebuchi'j c'u tabal tak tok'ob xukuje' cuporoj c'oc' k'ol che u ya'ic qui k'ij, rumal rech chi c'o cäquitijo utz xukuje' tz'ebem.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

Ri Jeremiy 32:30

Kas pa ri chaplebal, ri tinimit Israel xukuje' ri tinimit Juda qui banom ulok amak'el ri man cäkaj ta chnuwäch; ri aj israelib man qui tanabam ta u yaquic woyowal cumal tak ri diosib ri kas e are' xebanow chque. In, ri Ajawaxel Dios, quinjiquiba' u bixic.

Ri Ezequiel 33:11

Are' c'u ri in, ri Ajawaxel, quinban ri chi'nic ri kas cäban na rumal ri nu c'aslemal chi man quinwaj taj ri u cämical ri banal etzelal, xane' chuq'uexa' ri u c'aslemal c'asal c'ut. Israel, chaya' can we c'aslemal ri' ri awuc'am. ¿Jas ta c'u che catcämic?’