Ri Jeremiy 44:6 - Quiché Bible

⁶ Xnicow c'ut ri woyowal xukuje' ri nu c'anal, xenicow c'ut jacha' jun k'ak' chquipam ri tinimit tak re Juda xukuje' pa ri u xo'l tak ja pa Jerusalen. E yojyobisam xukuje' e tolobam c'ä camic.

Ri Jeremiy 44:6 Referans Kwoze

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Ezequiel 8:18

Ri in quencojo' ri woyowal. Man quel ta na jubik' nu c'u'x chque. Pune' caquirak quichi' che nu siq'uixic, man quebentatabej taj.”

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 21:5

Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 7:34

Quebenwetzelaj na qui wäch tak ri bix re nimak'ij xukuje' re jajatem ri queban chquipam tak ri tinimit re Juda xukuje' xo'l tak ri ja pa Jerusalen, xukuje' tak ri bix quech c'ulanem; ronojel ri ulew cäq'uextaj na pa jun chaki'j uwo sak.”

Ri Isaiy 51:20

At junam ruc' ri masat ri kajinak chupam ri c'amibal, ri e awal man c'o ta chi qui chuk'ab, xak apachique be chic e popoj wi, e socotajinak rumal ri royowal ri Ajawaxel, rumal ri c'äjisabal wächaj ri cuya' ri a Dios.

Ri Isaiy 51:17

Chatc'astajok, chatc'astajok Jerusalen, chatwalijok. Ri at xach'ij ri royowal ri Ajawaxel jacha' ri winak ri cukumuj ri c'o pa jun kumubal, cukumuj c'u ronojel ri c'o chupam, c'ä cäk'abar na.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Nahum 1:2

Ri Ajawaxel are' Dios achixomanel xukuje' ya'l rajil c'axelal: cuya' rajil c'axelal chque ri quec'ulelan che, cäpe c'u royowal chque ri qui banom qui c'ulel che.

Ri Daniel 9:12

Lal, aretak xtak la ulok jun nimalaj u q'ueyowal pakawi', xtz'akatisaj la ri cojoj xib ri xban la chke uj xukuje' chque ri xetakan pakawi'; mawi jumul bantajinak ta cho ri uwächulew jun c'äjisabal wächaj ri cäjunamataj ta ruc' ri kajinak puwi' ri Jerusalen.

Ri Ezequiel 24:13

Jerusalen, in wajwam a josk'ixic che ri a tz'ilol che ri a tzokopitajic, man c'u ch'ajch'oj ta at c'olic. Xuwi c'u catcanaj ch'ajch'oj aretak chinkasaj ri woyowal pawi'.

Ri Ezequiel 24:8

Ri in quinya' can ri quic' chila', puwi' ri nimalaj abaj, ri man cuya' taj cäch'ukic, rech cät'ikitaj ri woyowal chban c'u ri suq'uilal.’

Ri Ezequiel 20:33

In, ri Ajawaxel, quinban ri chi'nic ri kas cäban na, quincha' rumal ri nu c'aslemal chi quinajawin na puwi' ruc' ri nimalaj u cuinem ri nu chuk'ab xukuje' c'äjisan wächaj ruc' oyowal.

Ri Ezequiel 6:12

Ri naj e c'o wi quecäm na cumal tak ri yabil, ri e c'o nakaj quecäm na rumal ri ch'o'j, are c'u ri quec'asi' canok quecäm na rumal wi'jal. Je quinban na wa' che u tojojexic ri woyowal paquiwi'.

Ri Ezequiel 5:13

Quinkasaj c'u na ri woyowal, quinwesaj na ri woyowal paquiwi', quinjamar c'u na. Aretak c'u kastajinak chic ri woyowal paquiwi', cäquetamaj c'u na chi in ri Ajawaxel are' ri xyo'w u bixic chquipam ri e rachixomanic.

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Aj Levitib 26:28

ri in quintakej i c'ulelaxic ruc' oyowal, quinc'äjisaj chi na i wäch wukub mul u mac rech ri i mac.

Aj Levitib 26:31

Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Ri Isaiy 1:7

Ri iwulew canajinak jacha' jun chaki'j uwo sak, quenicow c'ut ri tinimit pa k'ak'. Ri e i c'ulel quequitij ri quitico. Ronojel canajinak canok jacha' jun chaki'j uwo sak, jacha' ri xuc'ulmaj ri Sodom aretak xsachisax u wäch.

Ri Jeremiy 4:27

Ri Ajawaxel cubij: “Ronojel ri ulew cätolobax na, man c'u quinsachisaj ta na u wäch chnimalaj ronojel.

Ri Jeremiy 7:17

¿La ma ta cawil ri caquiban chquipam tak ri tinimit re Juda xukuje' xo'l tak ri ja pa Jerusalen?

Ri Jeremiy 34:22

Quebentakchi'j chi che tzelej ulok che u banic c'ax che we tinimit ri' chech'ojin c'u ruc', chumajij c'ut chut'ika c'u k'ak' che. Quenbana' c'ut chi ri niq'uiaj tak tinimit chic re Juda che tolobaxok man c'o ta jun winak chcanaj ta chquipam. In, ri Ajawaxel, quinjiquiba' u bixic.”

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Ri Ezequiel 20:34

Ri in quixinwesaj na chquixo'l tak ri tinimit xukuje' chquixo'l ri nimak tak tinimit jawije' ri ix jabutal wi, quintak ri nimalaj nu cuinem xukuje' quinc'äjisan wächaj ruc' oyowal.

Ri Zacariy 1:2

“In, ri Ajawaxel ri c'o ronojel u cuinem, sibalaj xinoyowar cuc' ri e i mam. Rumal ri', chabij camic che ri tinimit chi in quinbinic: ‘Chixtzelej wuc', are c'u ri in quintzelej na iwuc'. In, ri Ajawaxel, quinjiquiba' u bixic.

Ri Zacariy 7:14

Rumal ri' xebenjabuj jacha' ta ne ri rumal jun salc'um chquixo'l conojel ri nimak tak tinimit ri man queta'm ta qui wäch, xcanaj c'u can ri culew chquij ri xq'uextaj pa jun chaki'j uwo sak ri man c'o ta jachin jun ri cacuin taj cäjeki' ta chila'. ¡Jun je'lalaj ulew, are c'u ri e are' xquijalwächij pa jun toloticalaj juyub ri man c'o ta chi cac'am che!”

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Juyuwem 1:1

¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Juyuwem 5:18

Ri juyub aj Sion jumulaj yojyobic; quebinicat tak ri yac paquiwi'.

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”