Ri Jeremiy 44:4 - Quiché Bible

⁴ Q'uimul c'ut xebentak ri pataninel tak wech ri e k'axal tak tzij rech quequibij chiwe chi man quebiban taj we jastak ri' ri man cuyatajel taj ri e itzel quebenwilo.

Ri Jeremiy 44:4 Referans Kwoze

Ri Jeremiy 26:5

mawi chiquiya' qui xiquin chque tak ri e qui pixbenic tak ri e pataninelab wech ri e k'axal tak nu tzij, ri quieb oxib mul e nu takom ulok chiwe ri mawi c'u ne ix nimaninak ta chque,

Ri Jeremiy 7:25

Kas aretak xebel ulok ri e i mam pa Ejipt c'ä camic, in e nu takom ulok chiwe, jun chrij jun chic, conojel ri e pataninelab tak wech ri e k'axal nu tzij.

Ri Jeremiy 7:13

Pune' c'u jumul xukuje' camul nu yo'm u bixic ri i c'aslemal chiwe, ri ix man i wajwam ta nu nimaxic, mawi c'u ne c'o jas i tzelem u bixic chwe. In, ri Ajawaxel, quinjiquiba' u bixic.

Ri Zacariy 7:7

¿La xa' ma ta e are' junam tak tzij wa' ri xuya' u bixic ri Ajawaxel cumal ri ojer tak e k'axal tzij, aretak ri Jerusalen c'o pa jamaril nojinak c'u chque winak, xukuje' tak c'u e qui banom ri tinimit tak ri e c'o tak che u c'ulja xukuje' tak ri rulewal ri Negueb xukuje' ri lianic?

Ri Ezequiel 16:47

Xac'am c'u awech ruc', xaban awech ri xojibalalaj tak u banoj. Man c'u xcu'bi ta a c'u'x ruc' wa', c'ax na ri xaban pa ri a c'aslemal chuwäch ri xquiban ri e are'.

Ri Ezequiel 8:10

Xinoc bic, che ronojel ri u rabic ri nimalaj tapia, xebenwil ronojel qui wäch tz'ilalaj tak awaj ri e k'obisam chuwäch, cumätz, xpek, xukuje' niq'uiaj tak awaj chic ri e je tak wa', xukuje' ronojel qui wäch tak ri qui diosib che ri tinimit Israel.

Ri Jeremiy 29:19

Rumal rech chi man xquiya' ta qui xiquin chque tak ri pixbenic ri xinban chque cumal ri e pataninelab wech ri e k'axal tak tzij, ri xibentak ulok quieb oxib mul chiwe, man c'u xiwaj taj xebitatabej. In, ri Ajawaxel, quinjiquiba' u bixic.

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ucab Tzijobelil 36:15

Ri Ajawaxel, ri qui Dios ri e qui mam, amak'el xutak u bixic chque cumal tak ri e u tako'n jas ri rajawaxic u banic cumal, rumal rech chi quel u c'u'x che ri u tinimit xukuje' che ri u c'olbal ri u jekelibal.

1 Pedro 4:3

Chubana' c'u chiwe ri i chac pa tak ri k'ij ri xeboc'ow canok, aretak xiban ri jastak ri cäquirayij ri man e cojonelab taj. Xiban ronojel ri xiwaj, xiban ronojel ri itzel i rayibal, xixk'abaric, xiban nimalaj mac aretak ximulij iwib che nimak tak wa'im, ximulij iwib che u tijic tzam, xebik'ijilaj tak diosib ri e tz'il.

Ri Ezequiel 16:36

In, ri Ajawaxel quinbij chawe: Ri at a ch'anabam ri a cuerp, man c'o ta jubik' a q'uixbal che ri cuban jun quech ri nim ch'utin cuc' ri quekaj chawäch xukuje' cuc' tak ri e xojibal tak a diosib, a turuwisam c'ut ri qui quiq'uel tak ri e awalc'ual ri xebachi'j che tabal tak tok'ob.

Ri Jeremiy 35:17

Rumal ri' in, ri Ajawaxel ri c'o ronojel u cuinem xukuje' u Dios ri Israel, quinbij: Quenbana' chi quekaj puwi' ri Juda xukuje' paquiwi' ri winak ri e c'o pa Jerusalen conojel ri c'axc'ol ri nu yo'm u bixic chi cäpe paquiwi'. Ix nu tzijobem c'ut, are c'u ri ix man xiwaj taj xitatabej taj ri xinbij chiwe; ix nu siq'uim, are c'u ri ix man c'o ta jas i tzelem ta u bixic chwe.’ ”

Ri Jeremiy 32:33

Quiyo'm can ri quij chnuwäch, man are ta c'ut ri qui palaj. Man c'o ta c'u ne jok'otaj ri nu tanabam ta qui pixbexic, man e nimaninak ta chwe mawi cajawam quic'amowaj ta ri pixbenic.

Ri Jeremiy 32:34

C'ä cawasim ne ri wachoch ri tasom chwe, e quicojom chila' ri e qui diosib ri e xawebal.

Ri Jeremiy 32:35

Xukuje' xequiyac tak porobal che ri Baal chupam ri u Beya' ri Ben-inom, che qui kawisaxic tak ri qui c'ojol xukuje' tak ri qui mia'l che u ya'ic tabal tok'ob che ri Moloc, xquikasaj c'u ri Juda pa macaj, jun jasach wa' ri xawebal ri man xebentak ta wi ri mawi ne xoc'ow pa ri nu chomanic.”

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Daniel 9:6

Man xkaya' ta ka xiquin chque tak ri e k'axal tzij la ri e pataninel tak ech la, ri xequich'abej ri kajawinelab pa ri bi' la, c'amal tak be, xukuje' ri e ka mam, xukuje' ronojel ri tinimit Israel.

Ri Nehemiy 9:30

Q'ui junab c'ut xecoch' la, xepixbej c'u la rumal ri uxlabal la, xukuje' cumal tak ri e k'axal tak tzij la; man c'u xeboc ta il, rumal ri' xejach la pa xquicowirisaj c'u quib qui k'ab tak ri nimak tak tinimit ri e c'o cho ri uwächulew.

Ri Nehemiy 9:34

Mawi tak ri e kajawinelab, c'amal tak ka be xukuje' tak ri e ka cojol tabal tok'ob, mawi ri e ka mam, xquitz'akatisaj taj ri pixab la, mawi xeboc ta il che qui nimaxic tak ri e takomal la xukuje' tak ri e pixbenic la chque.

Ri Jeremiy 7:17

¿La ma ta cawil ri caquiban chquipam tak ri tinimit re Juda xukuje' xo'l tak ri ja pa Jerusalen?

Ri Jeremiy 7:18

Ri alabom caquimol ri si', ri tataxelab caquitzij ri k'ak', ri ixokib caquisuc'umaj ri k'or che qui banic tak ri lej ri caquichi'j c'u che ri ixok dios ri cäbinax ajawinel ixok re ri caj che cumal. Quinquic'axc'obisaj, quequichi'j c'u ne u wa'l uva chque tak diosib.

Ri Ezequiel 18:31

Chebiya' can conojel ri etzelal ri e i banom che nu c'ulelaxic, chux xa' jun iwanima' xukuje' xa' jun uxlabal c'ac'. ¿Jas ta che catcämic, tinimit Israel,