Ri Jeremiy 43:9 - Quiché Bible

⁹ “Chebac'ama' jujun tak abaj nimak, chquiwäch c'u conojel ri winak re Juda, chebamuku' pa ri lilic ulew re t'ac, chuwäch ri oquibal chupam ri rachoch ri ajawinel ri c'o pa ri tinimit.

Ri Jeremiy 43:9 Referans Kwoze

Apocalipsis 18:21

Jun cowilaj tako'n aj caj xuwalijisaj jun abaj jas jun nimalaj ca', xuq'uiak bic pa ri plo, xubij: “Je u q'uiakic wa' ri nimalaj tinimit Babilon cäbanic ruc' chuk'ab, mawi jumul cäriktaj chic.

Hechos 21:11

Xopan c'u kuc', xresaj ri u pas ri Pawl, xebuyut ri rakan u k'ab chbil rib, xubij: “Je cubij wa' ri Ruxlabal ri Dios: ‘Je cäquiban na wa' ri aj judeyib pa Jerusalen che ri achi ri ajchak'e we pas ri', cäquiyut na, cäquijach c'u na pa qui k'ab ri man aj judeyib taj.’ ”

Ri Nahum 3:14

Chac'olo' ja', rech catcuinic cach'ij lak'apupibal chebacowirisaj tak ri to'bal tak awib. Chanima' awib chupam ri xok'ol, chayak'a' ri t'ac, chac'ama' ri banbal tak xan.

Ri Osey 12:10

In xebentzijobej ri e k'axal tak nu tzij xeben q'uiyirisaj ri e cajilabal ri e qui c'utwächinic, cumal tak wa' xebenbij c'ambal tak no'j.

Ri Ezequiel 4:1

“Ri at, winak, chac'ama' jun xan, chaya' chawäch chabana' c'ut ri u wächbal ri Jerusalen puwi'.

Ucab Samuel 12:31

e are' c'u ri winak ri c'ä e c'o na canok pa ri tinimit xebucoj chquij k'atbal che', chquij icäj, xebucoj che qui banic porom xan. Junam xuban chque conojel ri qui tinimit tak ri aj amonib, aretak c'u xbantaj wa' rumal xtzelej pa Jerusalen e rachil conojel ri e rajch'ojab.

Elem 1:14

Sibalaj c'u xban c'ax che ri qui c'aslemal cuc' c'axalaj tak chac. Xetak che u banic xok'ol che u banic xan, xukuje' che qui banic ronojel u wäch chac pa ri juyub. Pa conojel c'u ri chac ri cäquibano cäcoj c'anal paquiwi',

Ri Jeremiy 43:8

Pa Tapnes, ri Ajawaxel xutzijobej ri Jeremiy xubij c'u che:

Ri Jeremiy 43:10

Chabij c'u chque: ‘Ri Ajawaxel ri c'o ronojel u cuinem, u Dios ri Israel, je cubij wa': Quenbana' chi cäpe ri pataninel wech ri Nabucodonosor, ajawinel re Babilon, quentiq'uiba' c'ut ri u tem re ajawibal xukuje' ri u lic'om rachoch ri ajawinel paquiwi' tak we abaj ri' ri e nu mukum waral.

Ri Jeremiy 44:30

In quinjach na ri paraon Opra, ajawinel re Ejipt, pa qui k'ab ri e u c'ulel ri e cämel, je jacha' ri u jachic ri Sedequiy, ajawinel re Juda, pa u k'ab ri Nabucodonosor, ajawinel re Babilon, ri cämelalaj u c'ulel.’ ”

Ri Jeremiy 25:19

Junam xukuje' xinya' che ri paraon, ajawinel re Ejipt, xukuje' chque ri e rach tak k'atal tak tzij xukuje' ri c'amal tak be, xukuje' ronojel ri u tinimit,