Ri Jeremiy 43:10 - Quiché Bible

¹⁰ Chabij c'u chque: ‘Ri Ajawaxel ri c'o ronojel u cuinem, u Dios ri Israel, je cubij wa': Quenbana' chi cäpe ri pataninel wech ri Nabucodonosor, ajawinel re Babilon, quentiq'uiba' c'ut ri u tem re ajawibal xukuje' ri u lic'om rachoch ri ajawinel paquiwi' tak we abaj ri' ri e nu mukum waral.

Ri Jeremiy 43:10 Referans Kwoze

Ri Jeremiy 1:15

In, ri Ajawaxel, quinjiquiba' u bixic chiwe chi quebensiq'uij ulok conojel ri ajawibal aj iquiak'ab. Quepe tak na ri ajawinelab quebelquicojo' tak na ri qui tem re ajawibal kas chuchi' ri oquibal pa Jerusalen, chquiwäch conojel tak ri nimak tak tapia ri e sutininak rij xukuje' chquiwäch conojel tak ri tinimit re Juda.

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Salmib 31:20

Ruc' ri u wächbal la quech'uc la chquiwäch ri qui chomanic ri e itzel tak winak; quech'uc' la chuxe' ri u xotil ri achoch la chquiwäch ri qui yok'onic ri e qui c'ulel.

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 18:11

Ri nimalaj k'ekumal ri sutininak rij xucoj che c'ubal rib xukuje' ri k'ekalaj sutz' ri nojinak che ja'.

Ri Matey 22:7

Ri ajawinel, aretak xuto, xpe royowal. Xebutak bic ri rajch'ojab, xequicämisaj ri cämisanelab ri', xequiporoj ri qui tinimit.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Nabe Ajawinelab 20:16

Xebel bic pa tiq'uil k'ij, are' c'u ri Ben-adad xukuje' ri juwinak cablajuj (32) ajawinelab ri qui junam qui wäch ruc' quitakem k'abaric pa tak ri qui cäbal ri xak aninak qui yaquic banom,

Nabe Ajawinelab 20:12

Aretak xeyok ri tzelebal wächaj che ri Ben-adad, cätajin cak'abar cuc' niq'uiaj tak ajawinelab chic chquipam tak ri cäbal ri xak aninak qui yaquic banom. Xubij chque ri e qui nimakil tak ri rajch'ojab: “¡Jix che ch'o'j!” Conojel c'ut xquisuc'umaj quib che u banic ch'o'j ruc' ri tinimit.

Ri Isaiy 45:1

Ri Ajawaxel cucoj ri Sir che ajawinel, xuc'am che ri u k'ab rech cajawin paquiwi' ri nimak tak tinimit, xukuje' qubuch'äc tak ri ajawinelab. Ri Ajawaxel cubano chi chuwäch ri Sir quejaktaj ri coquibal tak ri tinimit man c'o ta c'u jun cäcuinic quebutz'apij ta chic. Cubij c'u che camic:

Ri Jeremiy 43:9

“Chebac'ama' jujun tak abaj nimak, chquiwäch c'u conojel ri winak re Juda, chebamuku' pa ri lilic ulew re t'ac, chuwäch ri oquibal chupam ri rachoch ri ajawinel ri c'o pa ri tinimit.

Ri Jeremiy 46:13

Ri Ajawaxel xutzijobej ri Jeremiy, k'axal tzij, aretak ri Nabucodonosor, ajawinel re Babilon, chpe che u banic ch'o'j ruc' ri Ejipt:

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Ri Jeremiy 49:38

Quincoj na ri nu tem re ajawibal pa Elam, quinban na chi quecäm tak ri e rajawinelab xukuje' ri e c'ämal tak u be. In, ri Ajawaxel quinjiquiba' u bixic.