Ri Jeremiy 42:5 - Quiché Bible

⁵ Xquibij c'u che ri Jeremiy: “Are' ba' ri Ajawaxel ri a Dios are' chux kas jicalaj k'alajisanel chkij, we man cäkabano ri cubij chawe chi cabij chke.

Ri Jeremiy 42:5 Referans Kwoze

Chapletajic 31:50

We cäban c'ax chque ri nu mia'l o we catc'uli' chi cuc' niq'uiaj ixokib pune' e c'o ri nu mia'l awuc', pune' man c'o jun cujilowic, ri Dios kas are' cujilowic.”

K'atal tak Tzij 11:10

Ri tako'n xquijiquiba' u bixic che: “Ri Ajawaxel are' ka k'alajisanel chi cäkaban na ronojel ri a bim.”

Apocalipsis 3:14

“Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij:

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Malaquiy 2:14

¿La c'ä quixc'otow c'u chi'aj ix jasche? Rumal c'u rech chi ri Ajawaxel are' k'alajisanel chi ri at man a tz'akatisam taj ri chi'nic ri xaban che ri awixokil ri xat c'uli' ruc' aretak c'ä at ac'al. ¡Are' c'u awachil canok, a re c'u ri at xachi'j jiquil che!

Ri Miquey 1:2

Tinimit tak iwonojel, chitatabej wa'; ri e u winakil conojel ri ulew, kas chixtatabenok: Ri Ajawaxel c'ä pa ri tastalicalaj rachoch, cuya' na k'alajisanic che i c'ulelaxic.

Romanos 1:9

Are ri Dios quinpatanij ruc' ronojel wanima', quintzijoj ri utzalaj tzij re ri u C'ojol. Ri Dios quinrilo chi ronojel k'ij quinban ch'awem ruc' are' piwi'.

Ri Jeremiy 5:2

E c'o jachin tak quequiban ri chi'nic ri kas cäban na rumal ri u c'aslemal ri Ajawaxel, xak c'u lok' quequiban ri chi'nic ri kas cäban na.”

Nabe Samuel 20:42

Xubij ri Jonatan che ri David: “Jät c'o mabisoj, are c'u ri chi'nic ri kas cäban na ri kabin ka cabichal ka banom pa ri u bi' ri Ajawaxel, ka bim c'ut chi chc'ol amak'el chkaxo'l ka cabichal xukuje' kas chquixo'l ri awija'lil cuc' xukuje' ri wech in.” Aretak c'u xbitaj wa' cumal, ri David xutakej u be, are' c'u ri Jonatan xtzelej pa ri tinimit.

Nabe Samuel 12:5

“Ri Ajawaxel xukuje' ri ajawinel ri cha'om rumal e k'alajisanel chi man in i rikom ta chi in uxinak ta ajchak'mac che jun jasach,” xcha' ri Samuel. “Je wa',” xecha' ri aj israelib.

Elem 20:19

Xquibij che ri Moises: “At chujach'abej, cujniman c'u na; mujch'abex c'u rumal ri Dios, mujcäm ne konojel.”

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Ri Jeremiy 43:2

ri Azariy, u c'ojol ri Osaiy, ri Joanan, u c'ojol ri Carey, xukuje' niq'uiaj achijab chic ri e banal tak nimal xquibij che ri Jeremiy: “¡Ri cabij xa' banoj tzij! Ri Ajawaxel ri ka Dios man u bim ta chawe chi mujejekel ta pa Ejipt.

Ri Jeremiy 43:4

Je c'u ri', mawi ri Johanan mawi ri e c'amal tak qui be ri ajch'ojab mawi ri winak xecanaj ta can chupam ri ulew Juda, man xquinimaj ta c'ut ri takanic ri xuya' ri Ajawaxel chque.

Ri Jeremiy 42:20

Ix quiban jun c'axalaj sachinakil, kas c'u ix xitz'onoj tok'ob chwe chi quinoc chuwäch ri Ajawaxel i Dios, xibij c'u chwe: ‘Chabochi'j ri Ajawaxel ri ka Dios pakawi', chaya' ba' retamaxic chke ronojel ri takanic ri cuyao, rech cäkabano.’