Ri Jeremiy 42:11 - Quiché Bible

¹¹ Mixe'j ba' iwib chuwäch ri ajawinel re Babilon, ri sibalaj quixe'j iwib chuwäch. Mixe'j iwib chuwäch, rumal rech chi in c'o iwuc' che i to'tajisaxic xukuje' che iwesaxic chuxe' ri u cuinem. In, ri Ajawaxel, quinjiquiba' u bixic.

Ri Jeremiy 42:11 Referans Kwoze

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

Ri Jeremiy 1:19

Ri e are' quech'ojin na awuc', man c'u catquich'äc ta na quinc'oji' c'u na awuc' che a to'ic. In, ri Ajawaxel, quinya' ri nu tzij.”

Ri Jeremiy 1:8

Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ri Isaiy 43:5

Maxe'j awib, ri in in c'o awuc'. Kas pa ri elebal k'ij c'ä pa ri kajebal k'ij quinban na chi quetzelej ulok ri e a winak che qui mulixic,

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Ri Jeremiy 41:18

rech man querik ta cumal ri aj caldeyib, caquixe'j c'u quib chquiwäch rumal rech chi ri Ismael xucämisaj ri Jedaliy, ri cojom can che k'atal tzij puwi' ri ulew rumal ri ajawinel re Babilon.

Ri Jeremiy 27:17

¡Miya' i xiquin chque! Chicojo' iwib chuxe' ri u takanic ri ajawinel re Babilon quixc'asi' c'u na. ¿Jas ri rajawaxic wi chi we tinimit ri' caq'uextaj pa jumulaj etzeletajic?

Ri Jeremiy 15:20

In quinban na chi chatux che we tinimit ri' jacha' jun tapia re k'an ch'ich', ri man cäban ta cuinem che u ch'äquic. Quech'ojin na awuc' man c'u quecuin ta che a ch'äquic, in c'o c'ut awuc' che a colic xukuje' che a toric. In, ri Ajawaxel, quinya' nu tzij.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”

Ri Josue 1:5

Man c'o ta jun cacuin ta che a ch'äquic pa ronojel ri a c'aslemal, are' c'u ri in quinc'oji' na awuc' jacha' xinc'oji' ruc' ri Moises, man catinya' ta canok mawi jubik' catinwonoba' ta canok.

U Camulixic ri Pixab 20:4

c'o c'u ri Ajawaxel ri i Dios iwuc'; are' cutij na u chuk'ab cuc' ri i c'ulel cuya' c'u na ri ch'äcanic chiwe.’

Ajilanic 14:9

Mixc'ulelan c'u che ri Ajawaxel, mawi mixe'j iwib chquiwäch ri winak re ri ulew ri', rumal rech chi we winak ri' quebux na ka wa; we winak ri' man c'o ta jachin ta queto'wic, are c'u ri uj c'o ri Ajawaxel kuc'. ¡Mixe'j iwib!”

Hechos 18:10

Ri in in c'o awuc'. Man c'o ta jun cäcuin che u banic c'ax chawe. E c'o c'u q'ui nu winak chupam we tinimit ri'.”

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Matey 10:28

Mixe'j ba iwib chquiwäch ri cäquicämisaj ri cuerp, man quecuin ta c'ut cäquicämisaj ri c'aslibal. Are c'u chixe'j na iwib chuwäch ri jun ri cäcuin che u sachic u wäch ri cuerp xukuje' ri c'aslibal chupam ri xibalba.

Ri Jeremiy 27:12

In, Jeremiy, xinbij ronojel wa' che ri Sedequiy, ajawinel re Juda, xinbij c'u che xukuje': “Chicojo' iwib chuxe' ri u cuinem ri ajawinel aj Babilon xukuje' che ri u tinimit, quixc'asi' c'u na.

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Ucab Ajawinelab 25:26

Conojel c'ut ri winak rumal ri qui xe'n ib chquiwäch ri aj caldeyib, xewalijic, xebe pa Ejipt, chinimak chi ch'utik xukuje' chi e qui nimal tak ajch'ojab.

Salmib 118:6

Ri Ajawaxel c'o wuc'; man quinxe'j ta wib. ¿Jas ta ri cäcuin ri winak cuban ta chwe?

Ri Jeremiy 27:11

Are c'u ri nim tinimit, ri cucoj rib chuxe' ri u cuinem ri ajawinel re Babilon, ri in quinya' na che chi cäcanaj chupam ri rulew rech cajeki' chupam cutic c'u u wäch. In, ri Ajawaxel quinjiquiba' u bixic.”