Ri Jeremiy 4:19 - Quiché Bible

¹⁹ ¡Quinbak'atij wib che k'oxomal! ¡Ri wanima' cätic na ruc' aninakil! ¡Quinelch'u'j, man cuya' taj quitz'apij ri u pa nu chi'! Xinta' jun rok'ibal trompet, jun rakoj chi'aj re ch'o'j.

Ri Jeremiy 4:19 Referans Kwoze

Ri Habacuc 3:16

Aretak xinta' ronojel wa' xinxe'j wib. Ri e nu chi' xequichaplej birbitem, ri e nu ch'ec man caquich'ij ta chic quetaq'ui'c' ronojel c'ut ri nu cuerp xchukchubic. In c'u ne jewa', man quinel ta na ch'u'j che reyexic ri k'ij aretak ri Dios quebucoj pa c'axc'olil ri cajch'ojab ri e banal tak c'ax chke.

Ri Isaiy 22:4

Rumal ri' xinbij: “Chitasa' iwib chwij, are quiwaj quinq'uis wib che ok'ej mitzucuj u cu'bisaxic nu c'u'x rumal ri cuc'ulmaj na ri nu tinimit.

Ri Isaiy 16:11

Cayicopitaj ri wanima' jacha' jun arp che u bisoxic ri Moab xukuje' ri Quir-areset.

Ri Jeremiy 9:10

Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Isaiy 21:3

Cäbirbob ri nu cuerp, quinbak'tila' wib rumal k'oxom jacha' jun yawab ixok, ri c'axc'ol cutz'apij ri nu xiquin, man quinca'y ta chi rumal ri xibriquil.

Gálatas 4:19

Alaj tak walc'ual, jumul chic quebencoch' k'oxomal u mac iwech, jacha' jun nanaxel ri quebucoch' k'oxomal aj alc'ualanic; quintakej c'u na qui coch'ic c'ä cawinikir na ri Crist pa ri ix.

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Ri Daniel 7:15

Ri in Daniel, xinna' chi xoc ri xe'n ib chwe; sibalaj xinoc il che ronojel ri xinwilo,

Ri Isaiy 15:5

Ri wanima' cutz'onoj chi quet'oy ri aj Moab ri winak quebanimajic, quebe c'ä pa Zoar, c'ä pa Eglat-selisiy. Quebok'ic quepaki' cho ri tac'atic juyub re Luhit pa ri be re Horonaim cäquirak qui chi' rumal ri c'axc'ol ri cätajin cäquiriko.

Salmib 116:7

Camic, quinna' chi utz chic in c'olic, rumal chi ri Ajawaxel u banom utz wuc'.

Romanos 10:1

Wachalal, cäraj ri wanima' xukuje' quinbochi'n che ri Dios paquiwi' ri aj israelib, rech quecolotajic.

Ri Amos 3:6

we cok' ri trompet chupam ri tinimit, ri winak caquina' quib; we c'o jun lawaloyil cäc'ulmataj chupam ri tinimit, xa' are' ri Ajawaxel ri' takowinak.

Ri Daniel 7:28

Are wa' ri u q'uisbalil ri tzijobelil. Are c'u ri in Daniel, sibalaj xinoc can il xukuje' xinsakmaquic; man c'o ta c'u jun jasach re ri c'utwächinic xinbij ta che jachin jun.”

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Juyuwem 1:16

We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Ri Jeremiy 23:9

Tzijol ri cäya' u bixic chquij ri e k'axal tzij: kas sibalaj in sachinak; ronojel ri nu cuerp cabirbitic, je ta ne quinpe jun k'abarel, jun a chi ri ramatajinak rumal ri u wa'l uva, rumal rech ri Ajawaxel xukuje' cumal c'u tak ri e suc'alaj tak u tzij.

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 4:21

¿Joropa' k'ijol quintakej na rilic ri etal elinak chicaj xukuje' quintatabej na ri rok'ibal trompet?

Ri Jeremiy 4:5

“Chiya' u bixic wa' pa Jerusalen xukuje' pa Juda, chijabuj u bixic ruc' rok'ibal trompet pa ronojel ri ulew, co chiraka' i chi' che u bixic: ‘¡Jo'! ¡Kamulij kib! ¡Pa tak ri tinimit ri e c'o tapia chquij!’

Salmib 146:1

Chyo'k u k'ij ri Ajawaxel. Quinya' u k'ij ri Ajawaxel ruc' ronojel ri nu c'aslibal.

Salmib 119:136

Nima' quech u wa'l wächaj queturuw tak chque ri nu bak'wäch, rumal rech chi man nim ta quil wi ri tijonic la.

Salmib 119:53

Ri e banal tak etzelal ri cäquixutuj ri tijonic la, cäquiyac woyowal.

Salmib 103:1

Quintewichi'j na ri Ajawaxel ruc' ronojel ri nu c'aslibal; quintewichi'j ruc' ronojel ri wanima' ri tastalicalaj u bi'.

Salmib 16:2

Nu bim c'u che la: “Lal ri Wajaw, ri wutzil; man c'o ta ri cajunamataj ta wi la.”

K'atal tak Tzij 5:21

ri nima', ri ojer nima', ri nima' re Sison xebumes bic conojel. ¡At caxak'alej na ri qui kul ri c'o qui chuk'ab!

Ajilanic 10:9

Aretak cawalij ulok jun c'ulel che u banic ch'o'j iwuc' chupam ri kas iwulew quixel c'u na bic che u banic ch'o'j, chebiwok'isaj ri trompet chebirakakej tak i chi'. Jeri' ri in ri Ajawaxel ri i Dios, quixnataj na chwe quixinto'tajisaj c'u na pa qui k'ab ri e i c'ulel.

Chapletajic 49:6

¡Mawi jubik' quinwaj quinc'oji' ta pa ri c'olbal ri caquimulij wi tak quib! aretak c'u e oyowarinak xequicämisaj winak, xak che u banic ri cäcaj xequik'ajisaj ri cakan ri ama'ib tak wacax.

1 Corintios 14:8

We ta ri trompet ma ta k'alaj ri rok'ebal, ¿jachin ta lo cusuc'umaj rib ri' che ri ch'o'j?

Ri Jeremiy 6:24

Ri winak pa Jerusalen caquibij: “Ka tom ri tzijol, uj u tuktubisam c'ut ri xe'n ib; cakana' ri elemch'u'j xukuje' ri k'oxomal, jacha' jun ixok ri cac'oji' ral.

Ri Jeremiy 8:21

Quinrik c'ax ruc' ri u rikoj c'ax ri nu tinimit; ri bis xukuje' ri xibin ib in ch'äcatajinak cumal.

Ri Jeremiy 42:14

je c'u quibij wa': ‘are utz na chke chi cujejekel pa Ejipt, ri man quekil ta wi ch'o'j, mawi cakata' rok'ebal su', mawi cujecäm ta che wi'jal’,

Ri Jeremiy 49:2

Je ba' ri', in, ri Ajawaxel, quinjiquiba' u bixic: Chi copan na ri k'ij chi quinban na chi ri tinimit Amon aj Raba cutatabej na rakoj chi'aj re ch'o'j; cux c'u na pa jun jumulaj yojyobic, e are tak c'ut ri e u tinimit quenicowisax na rumal k'ak'. Chi' c'ut ri Israel quebutokij chi na ri u tinimit tak. In, ri Ajawaxel, quinjiquiba' u bixic.

Ri Jeremiy 50:22

Chupam ri ulew cätataj u tininem tijoj chuk'ab, re nimalaj yojinic.

Ri Daniel 4:19

Are c'u ri Daniel, ri cäbix Beltsasar che, xcanaj jok'otaj che chomanic, u xibim rib cumal tak ri chomanic ri xepe pa u jolom. Are c'u ri in, ri ajawinel xinbij che ri Beltsasar, ‘matoc il che ri ichic' ri nu banom, mawi che ri quel cubij.’ Ri Beltsasar xubij che ri ajawinel: ‘¡Ay, ronojel ta ri quel cubij ri ichic', chkaj ta paquiwi' ri e c'ulel la!

Ucab Ajawinelab 4:19

xuchaplej u rakic u chi' che ri u tat: “¡C'ax, nu jolom! ¡C'ax ri nu jolom!” Xubij c'ut ri u tat che jun pataninel: “Chac'ama' bic ruc' ri u nan.”

Ucab Ajawinelab 8:11

Ri Elisey sibalaj co xuca'yej ri Hazael, ri xbanowic chi man utz ta xrilo. Man xuna' ta c'ut ri k'axal tzij xpe rok'ej,

Ri Isaiy 21:4

Sachinak ri nu chomanic, quinbirbob rumal ri nimalaj xe'n ib. Ri u jororemal ri benabal k'ij ri sibalaj cäkaj chnuwäch nabe, uxinak jun xibibal chwe.

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Juyuwem 1:20

¡Ajawaxel, chila la, ri c'axcolil ri in c'o wi! ¡Quinna' chi carokopij ri uwo nu c'u'x! Ri c'axc'ol cuxuculej ri wanima' aretak quinchomaj chi man coc ta ri tzij pa ri nu jolom. Jela' pa ri be ri ch'ich' re ch'o'j quebucämisaj tak ri e walc'ual, are c'u ri in c'o wi xukuje' c'o cämical.