Ri Jeremiy 4:18 - Quiché Bible

¹⁸ Ri a c'aslemal xukuje' tak ri e abanoj e are' ajchak'mac che ri a c'ulmam; ri awetzelal are' yowinak we c'ayilaj wächinic ri' chawe cusoc c'ut ri awanima'.”

Ri Jeremiy 4:18 Referans Kwoze

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Salmib 107:17

Ri man caquicoj ta ri qui no'j quirikom c'u c'ax rumal ri kas quetzelal xukuje' macaj,

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

E C'ambal tak Tzij 1:31

¡Quixukajbej c'u na ri e ratz'amil ri e i c'aslemal! ¡Cäq'uistaj na i c'u'x chque ri itzel tak i chomanic!

Ri Jeremiy 6:19

Chatatabej, ulew: Quinc'am ulok jun quiäkasakil puwi' ri nu tinimit are' c'u wa' ri xequic'am ulok ri e itzel tak qui banoj; rumal rech chi man xeboc ta il che qui tatabexic ri e nu tzij, xane' man nim ta xquil wi ri tijonic ri xinya' chque.

Ri Jeremiy 26:19

¿La xcämisax puch ri Miquey rumal ri Ezequiy xukuje' rumal ronojel ri tinimit Juda? Xane' ri xuban ri ajawinel, xuna' rib chuwäch ri Ajawaxel xtz'onon c'u che chi chutok'obisaj qui wäch. Man xutak ta c'u ulok ri Ajawaxel Dios ri nimalaj c'axc'ol ri u yo'm u bixic. ¿La quekekaj ta c'ut ri uj jun il ri sibalaj nim?”

Ri Jeremiy 5:19

Aretak chi qui c'ot achi': ‘¿Jasche ri Ajawaxel ri ka Dios xuban ronojel wa' chke?’, chatzelej u bixic chque: ‘Je' jacha' ri xibano xitzak can ri Ajawaxel xixoc c'u che qui patanixic qui diosib winak re jun ulew chic chupam ri kas rulew, jeri' xukuje' quequipatanij na winak chupam jun ulew ri man quech taj.’ ”

E C'ambal tak Tzij 5:22

Ri banal etzelal cäkajbex na rumal ri etzelal ri cubano, ri kas u mac are' cäximow na jacha' jun colob.

Ri Jeremiy 5:25

Are c'ut ri i mac ix e qui q'uexom ri jastak, man quixcuin ta c'ut quebiwechbej tak we tewichibal ri'.

Ri Ezequiel 39:24

In je xinban chque jas ri takal chque ri quetzelal xukuje' chi man ch'abexic ta cacaj, xebentzak c'u canok.

Ri Osey 7:2

Man coc ta pa qui jolom chi ri in man quesach ta pa nu jolom conojel ri quetzelal. Camic e lak'aputal c'u cumal conojel tak ri e qui banoj, ri e c'o amak'el chquiwäch ri nu bak'wäch.”

Ri Jeremiy 14:16

Are c'u ri tinimit ri quequibij we jastak ri' chque, xukuje' quecäm na rumal ri ch'o'j xukuje' ri wi'jal, e cachil tak ri quixokil, ri e qui c'ojol xukuje' tak ri e qui mia'l. Ri cäminakib querokilax na xo'l tak ri ja pa Jerusalen, man c'o ta c'u jachin quemukuwic. Jewa' quinban na chque che u tojic ri quetzelal.

Juyuwem 3:15

Ri Ajawaxel in u nojisam chque c'ayil; c'a ri uq'uia' ri u yo'm chwe.