Ri Jeremiy 4:16 - Quiché Bible

¹⁶ “Caquiya' u bixic chque ri nimak tak tinimit xukuje' che ri Jerusalen chi pa jun ulew naj, e petinak c'ulel caquiya' rakoj tak chi'aj aj ch'o'j paquiwi' ri tinimit tak aj Juda.

Ri Jeremiy 4:16 Referans Kwoze

Ri Ezequiel 21:22

Pa ri riquiak'ab xcanaj wi ri ch'ab ri cuc'ut ri Jerusalen, ri quelcubij wa' chi rajawaxic quech'ojin na ruc' quebucoj ch'ojibal chrij che u ch'äquic cuya' c'u takanic che u banic cämisanic, chiquiraka' qui chi' che u banic ri ch'o'j, quibana' c'ax chque tak ri roquibal, chquiwoco jun ak'anibal chquitz'akatisaj u sutixic rij.

Ri Jeremiy 5:15

Ri Ajawaxel cujiquiba' u bixic: “Israel, quinc'am na ulok jun tinimit chawij re naj ri cäpe wi, jun cowilaj tinimit ri sibalaj re ojer. Ri at man aweta'm taj ri u ch'abal mawi cach'ob ri caquibij.

Ri Isaiy 39:3

Xbe c'u ri Isaiy, ri k'axal u tzij ri Dios, che rilic ri Ezequiy, xuc'ot u chi' xubij che: “¿Jawije' xepe wi ri achijab ri', jas c'u ri xulquibij chawe?” Ri Ezequiy xubij: “E petinak pa jun najalaj ulew, pa Babilon e petinak wi.”

Ri Jeremiy 50:2

“Chiya' retamaxic wa', chiya' retamaxic chquixo'l ri nimak tak tinimit. Chiwalijisaj ri etal re u ya'ic tzijol; c'o mic'u' canok. Chibij: ‘¡Ri Babilon xch'äcatajic! ¡Ri dios Bel xcanaj pa q'uixbal, ri dios Marduc xch'äcatajic! ¡Ri e u diosib ri xa' e subunelab tak diosib, xecanaj pa q'uixbal xech'äctajic!’

Ri Jeremiy 39:1

Pa ri ulajuj ic' re ri ubelej junab ri rajawinic ri Sedequiy pa Juda, ri Nabucodonosor, ajawinel re Babilon, xpe che u ch'äquic ri Jerusalen e rachil conojel ri e rajch'ojab xquisutij c'ut rij.

Ri Jeremiy 31:10

Nimak tak tinimit, chitatabej ri u tzij ri Ajawaxel chiya' u bixic pa ri naj tak tak'aj: ‘Ri Ajawaxel xujabuj ri Israel, cumulij c'u na cuchajij c'u na jacha' ri cuban ri ajyuk' che qui chajixic tak ri e u chij.’

Ri Jeremiy 16:6

Chi nimak chi ch'utik quecäm na chupam we ulew ri'; man c'o ta jun quemukuwic, mawi quebok'enic, mawi cuc'ut ta rib chi c'axc'obinak ta chque cusoc ta ri u cuerp o cutolorisaj taj ri u jolom.

Ri Jeremiy 6:18

Rumal ri' cubij ri Ajawaxel: “Chitatabej, nimak tak tinimit, chiwetamaj ri cuc'ulmaj na ri nu tinimit.

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Jeremiy 4:17

Caquisutij na rij ri Juda jacha' ri caquiban ri chajil tak juyub, rumal rech chi xuwalijisaj rib chrij ri Ajawaxel. In, ri Ajawaxel, quinjiquiba' u bixic.

Ri Jeremiy 2:15

¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

Ri Isaiy 34:1

Chixkeb ulok, tak tinimit, che tatabenic; nimak tak tinimit, chixoc il che tatabenic. Chutatabej ri ulew xukuje' ronojel ri c'o chuwäch, ri uwächulew xukuje' ronojel ri cuq'uiyisaj.

Ri Jeremiy 1:15

In, ri Ajawaxel, quinjiquiba' u bixic chiwe chi quebensiq'uij ulok conojel ri ajawibal aj iquiak'ab. Quepe tak na ri ajawinelab quebelquicojo' tak na ri qui tem re ajawibal kas chuchi' ri oquibal pa Jerusalen, chquiwäch conojel tak ri nimak tak tapia ri e sutininak rij xukuje' chquiwäch conojel tak ri tinimit re Juda.

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Jeremiy 6:19

Chatatabej, ulew: Quinc'am ulok jun quiäkasakil puwi' ri nu tinimit are' c'u wa' ri xequic'am ulok ri e itzel tak qui banoj; rumal rech chi man xeboc ta il che qui tatabexic ri e nu tzij, xane' man nim ta xquil wi ri tijonic ri xinya' chque.

Ri Jeremiy 6:22

Ri Ajawaxel cubij: “Kas pa naj tak ulew re ri riquiak'ab ri elebal k'ij cusuc'umaj rib ri u petic jun nim tinimit ri c'o u cuinem.

Ri Jeremiy 6:23

E cuc'am tak qui q'uiakbal ch'ab xukuje' tak qui tz'imaj ch'ich'; man quetok'obisan ta wächaj; ri qui rakoj tak chi'aj e junam ruc' ri u wululem ri plo, e quiejeninak c'u chquij quiej. E suc'umatal che u banic ch'o'j ruc' ri Sion.”