Ri Jeremiy 4:15 - Quiché Bible

¹⁵ Kas pa Dan xukuje' paquiwi' tak ri juyub aj Eprain quebopan wi ri itzel tak tzijol:

Ri Jeremiy 4:15 Referans Kwoze

Ri Jeremiy 8:16

¡Petem cuban ri c'ulel! ¡Catataj chic ri ruxlabic u pa qui tza'm ri quiej kas pa Dan! Aretak quewojonic cäyicop ronojel ri ulew. Quepe che u sachisaxic u wäch ri ulew xukuje' ronojel ri e u k'inomal, ri tinimit tak xukuje' ri e jekel chquipam.”

Ri Jeremiy 6:1

Winak ri ix aj rulew ri Benjamin, ¡chitzucuj c'ubal iwib, chixanimaj chiya' can ri Jerusalen! Chiwok'esaj ri trompet pa Teco, chiwalijisaj jun etal pa Bet-aquerem, rumal rech chi jun u q'ueyowal, jun nimalaj c'axc'obic, caxibin ulok kas pa ri riquiak'ab ri relebal k'ij.

K'atal tak Tzij 20:1

Conojel ri aj israelib, cächapletaj ulok pa Dan c'ä pa Beerseb xukuje' pa Galaad, xquimulij quib pa Mizpa e jacha' xa jun winak chuwäch ri Ajawaxel.

K'atal tak Tzij 18:29

Pune' Lais u bi' ri tinimit nabe, ri e are' xquicoj Dan che u bi', che u ya'ic u k'ij ri qui mam ri Dan u bi', ri u tat ri Dan are' ri Israel.

Ri Josue 20:7

Ri aj israelib xequicha' c'ut we tak tinimit ri' che to'bal ib ri Seds pa Galiley, pa tak ri u c'ache'laj ri Neptali, ri Siquem pa tak ri u juyub ri Eprain, xukuje' ri Quiriat-arba, ri xukuje' cäbix Hebron che, pa tak ri u juyub ri Juda.

Ri Josue 17:15

Ri Josue xutzelej u bixic chque: “Sibalaj c'u ya' quixbuchcaric man cubana' ta chi c'u ne ri juyub re Eprain chiwe, jix jebikasaj ri c'ache'laj ri e c'o pa ri culew ri perezeyib xukuje' ri repaitab.”

Ri Isaiy 52:7

¡Sibalaj je'l rilic ri ropanem tza'm tak ri juyub ri e ruc'am ulok utzalaj tak tzijol, ri e ruc'am ulok utzalaj tak tzijol aj jamaril, ri cuya' u bixic ri u torotajic ri Sion, cubij c'u che ri Sion: “Ri a Dios are' Ajawinel!”

Ri Jeremiy 10:22

¡Chixtatabenok! ¡Cul jun tzijol! Re jun ulew ri c'o pa ri iquiak'ab petinak jun nimalaj tininem ri quebujalwächij tak ri tinimit tak ri e re Juda pa jun chaki'j uwo sak ri xuwi xex tak awaj quec'oji' na chupam.”