Biblia Todo Logo
Bib sou entènèt

- Piblisite -




Ri Jeremiy 4:13 - Quiché Bible

13 Chiwila', ri c'ulel canakajinic jacha' jun sutz', ri e u carwaj re ch'o'j e je ta ne qui banic jun ulrakan, ri qui quiej tak aninak na quexiq'uin chquiwäch tak ri cot. ¡Tok'ob ka wäch, uj ch'äcatajinak!

Gade chapit la Kopi




Ri Jeremiy 4:13
28 Referans Kwoze  

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.


Rumal rech chi ri Ajawaxel c'o pa u niq'uiajil ri k'ak' aretak copanic, ri e u carwaj jeri' quepe sutinelalaj tak quiakik' cutzokopij c'ut ri u k'ak'al ri royowal xukuje' ri e rak' tak k'ak' ri quenicowic re ri c'äjisabal wächaj ri cuyao.


Ri e qui quiej c'o na ri qui xiq'uinem chquiwäch tak ri leopard, c'o na ri qui ch'ujilal chquiwäch tak ri utiw ri e c'o pa ri chaki'j uwo sak. Ri e cajquiejab pa tak mulaj quepetic, naj c'u e c'o wi caquiq'uiak ulok quib che u banic ch'o'j, jacha' ri cuban ri cot cuq'uiak rib che u chapic ri u ti'.


C'o na ri canibal chquiwäch tak ri cot ri querapin cho ri caj ri uj okataninak; cuj qui terenej pa kakan pa tak ri juyub, ¡quequicoj c'amibal chkawäch pa ri chaki'j uwo sak!


Sibalaj t'ist'ak u wi' tak ri qui ch'ab, conojel ri qui q'uiakbal ch'ab sibalaj e utz qui tanixic qui banom. Ri quixq'uiak ri qui quiej sibalaj e co jacha' ri abaj, ri quetet rech ri qui carwaj e junam ruc' jun sulc'um:


Ri Ajawaxel coch'onel c'o c'u ne ronojel u cuinem, man cuya' ta c'u can ri ajchak'mac chi ma ta cuc'äjisaj u wäch. Ri Ajawaxel cäbin puwi' ri cakulja, e are c'u ri sutz' e are u puc'uq'uil ulew che ri rakan.


Pa jun najalaj ulew e elinak wi ulok c'ä jela' che ri elebal k'ij. Are' ri Ajawaxel ri e uc'aninak ulok ri e u chaconisan ri royowal, ri petinak che u sachic u wäch ronojel ri uwächulew.


Kas pa ri ulew ri sibalaj naj c'o wi cho ri uwächulew, ri Ajawaxel cutak na ulok chawij jun nim tinimit ri man aweta'm ta ri qui ch'abal, quepe na ruc' aninakil jacha' ri raninakil jun cot ri cärapapic;


Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”


Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.


C'äte ri' quil na chila' chicaj ri retal ri Rija'l winak. Ri winak c'ut ri e c'o pa tak conojel tinimit cho ri uwächulew cäquiq'uis na quib che ok'ej. Cäquil c'u na ri Rija'l winak petinak pa tak ri sutz' chicaj, petinak ruc' chuk'ab, nim u k'ij cäpetic.


“Chawok'isaj ri trompet, jacha' yuxlenel ri cächajin puwi' ri u tinimit ri Ajawaxel. Rumal rech chi man qui tz'akatisam taj u banic ri nu c'ulwächinic quiwalijisam quib che u c'ulelaxic ri nu tijonic.


Ri nabe je ta ne u banic jun coj, e c'o c'u u xic' re cot. Nu yo'm c'u nu wäch che u ca'yexic, xebok ri u xic', xtac'abax cho ri ulew xtac'abax paquiwi' ri quieb rakan, xtac'abaxic jacha' jun achi, xq'uextaj c'u ri u chomabal xux jacha' ri u chomabal jun winak.


¡Tok'ob nu wäch, in c'o c'ut chupam ri etzeletajic! ¡Ri e nu socotajic man c'o ta qui cunaxic! ¡Xinchomaj c'ut in chi quincuin ri' che u coch'ic we k'oxomal ri'!


Ri Saul xukuje' ri Jonatan, ri sibalaj quebajwaxic, mawi aretak e c'aslic mawi aretak e cäminak chic xquitas ta quib. ¡Ri e c'o na ri qui rapinic chquiwäch ri cot! ¡Ri c'o na ri qui chuk'ab chquiwäch ri coj!


Ri Jerusalen cätajin cäwulijic, ri Juda cäyojyob na, chila' c'u quebix wi xukuje' queban wi ri jastak ri quec'ulelan ri Ajawaxel, jastak ri quec'axc'obisan ri are'.


ri quiakik' ri quinbano chi cäpe na sibalaj nim na ri u chuk'ab che wa', are c'u ri camic quinya' na u bixic ri cuc'ulmaj na.”


Quetataj c'u rakoj tak chi'aj xukuje' tak juyuwem pa Sion: ¡Tok'ob ka wäch, che wa' we etzeletajic ri uj c'o wi! ¡Elinak nimalaj ka q'uixbal! Cäkatzak na canok ri kulew, ri e kachoch e etzeletajinak.


Ri c'ulel cuq'uiak na rib chrij ri Bosra jacha' jun cot ri e u liq'uiq'uem ri u xic', chupam c'ut ri k'ij ri' ri e banal tak u ch'o'j aj Edom quebirbit na jacha' jun yawab ixok.”


Aretak choc ri rajawinel ri Babilon chquipam tak ri e awoquibal je cäbanic aretak cäban oquem pa jun tinimit ri man c'o ta cänabexic cäch'aquic, sibalaj q'ui tak ri quiej, chi catmukutaj can chupam ri puc'uc' ulew ri caquiwalijisaj; ri e a nimak tak tapia queyicop na rumal ri qui tininem tak ri carwaj xukuje' tak ri ajquiejab;


Ri at catopan na, jacha' jun nimalaj sutz' ri sibalaj k'ek che u ch'ukic ri ulew, catkaj c'u na puwi' jacha' jun rikoj c'ax junam cuc' conojel ri e a wäch banal tak ch'o'j xukuje' q'uialaj winak.


Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.


Pa ri k'ij ri' quebixox tak na bix chiwe re juyuwem. Cäbix c'u na chiwe: ‘Q'uisnak tzij pakawi'; ri ka tinimit, ri rech ri Ajawaxel, u q'uexom rajaw ri man c'o ta c'u jachin ta cak'atinic; ri e kulew e qui jachom tak chquiwäch ri e ch'äcal tak kech.’ ”


E cuc'am tak qui q'uiakbal ch'ab xukuje' tak qui tz'imaj ch'ich'; man quetok'obisan ta wächaj; ri qui rakoj tak chi'aj e junam ruc' ri u wululem ri plo, e quiejeninak c'u chquij quiej. E suc'umatal che u banic ch'o'j ruc' ri Sion.”


In, chi in ri ajawinel, Ajawaxel c'ut ri nu bi' ri c'o ronojel u cuinem, quinban ri chi'nic ri kas cäban na rumal ri nu c'aslemal: Jacha' ri Tabor ri walijinak chquixo'l tak ri juyub, xukuje' jacha' ri Carmel, walijinak puwi' ri plo, je u banic wa' ri c'ulel ri cäpe na.


Ri Ajawaxel je cubij wa': “Ri u c'ulel ri Moab cuq'uiak rib chrij jacha' jun cot ri e u liq'uiq'uem ri e u xic'.


Xc'utun chic jun c'utwächinic chnuwäch. Xinwilo chi xebel ulok quiejeb carwaj re ch'o'j chquixo'l quieb juyub re k'an ch'ich'.


Swiv nou:

Piblisite


Piblisite