Ri Jeremiy 4:11 - Quiché Bible

¹¹ Aretak chopan we jok'otaj ri', cäbix na che ri tinimit Jerusalen: “Jun quiakik' c'atan ri petinak pa ri chaki'j uwo sak cajich'ich che ri u suq'uil ri nu tinimit. Man are ta ri quiakik' ri cajwataj che u jopixic ri pajo che ri trico;

Ri Jeremiy 4:11 Referans Kwoze

Ri Osey 13:15

Pune' ta ne ri Israel cäwächinic jacha' ri k'ayes, cäpe na ri quiakik' re ri elebal k'ij, ri cowilaj quiakik' ri elinak ulok pa ri chaki'j uwo sak, quebuchaki'jarisaj c'u na xukuje' quebutzajisaj na tak ri e q'uiyibal xukuje' ri e u bulbuxil tak ja'. Ri c'ulel cutokij na ri u k'inomal ri e je'lic ri e c'o ruc'.

Ri Ezequiel 17:10

Pune' c'u cäban chi u tiquic, man cätux ta chic; cächaki'jar na aretak cäjabux rumal ri quiakik' ri cape pa elebal k'ij; cächaki'jar na pa ri c'olbal ri cätux ta wi na.’ ”

Ri Lucax 3:17

C'o ri u jopibal pa u k'ab, cujosk'ij na ri rera, cumulij na ri u trico pa ri u c'uja, cuporoj na ri pajo pa k'ak' ri man chupel taj.”

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Osey 13:3

Rumal ri' quebux jacha' ri mayul re ak'abibal, jacha' ri räxk'ab re ri sakaribal, ri xak cäsakaric cäsachic, jacha' ri pajo ri cac'am bic rumal ri quiakik', jacha' ri sib ri quel chupam ri jul.

Ri Ezequiel 19:12

Xbok c'ut, ruc' nimalaj oyowal xbujix c'u cho ri ulew. Ri quiakik' ri cäpe pa elebal k'ij xchak'ijirisanic xepulpub tak c'ut ri uva; xechaki'jar c'ut ri cowilaj tak u k'ab xeq'uiak c'u pa ri k'ak'.

Juyuwem 4:6

Ri retzelal ri u chuch ri nu u tinimit c'o na chuwäch ri macaj ri xuban ri Sodom, ri xa' pa jok'otaj xsachisax u wäch man c'o ta c'u jun ri xelch'ojin ta ruc'.

Juyuwem 4:3

Xukuje' ne ri catitab ri xexalaj tak awajib caquiya' ri qui tu' quequitubisaj c'u ne ri alaj tak cal, are c'u ri u chuch ri nu tinimit co ranima', c'o ranima' jacha' jun abestrus aj chaki'j uwo sak.

Juyuwem 3:48

Nima' re u wa'l tak wächaj quebel ulok chque ri e nu bak'wäch chuwäch ri u sachisaxic u wäch ri lok'alaj ka tinimit.

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Ri Jeremiy 23:19

Ri royowal ri Ajawaxel jacha' jun salc'um, jacha' jun k'ekal jäb ri e c'o cakulja chupam ri cäkaj tak paquiwi' ri e banal tak etzelal.

Ri Jeremiy 14:17

Chabij che ri tinimit ri quinbij chawe: ‘Cheturuw u wa'l tak nu wäch chi pa k'ij chi chak'ab, ri ma ta che tanic, rumal ri xibibalalaj u q'ueyowal ri c'o wi ri nu tinimit, rumal ri u socotajic ri sibalaj nimatajinak.

Ri Jeremiy 9:7

Rumal ri', in, ri Ajawaxel ri c'o ronojel nu cuinem, quinbij: ¿Jas ta chic ri jun jasach ri quincuin ta chi che u banic che ri nu tinimit, we man are ri u cojic pa ri k'ak' che u ch'ajch'ojirisaxic?

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Isaiy 64:6

Konojel uj xak uj junam ruc' jun ch'uluch'ujalaj winak; conojel ri utzalaj tak chac xak e junam ruc' jun atz'iak tz'il konojel uj tzakinak uj jacha' ri chaki'j tak u xak che', ri il patan ri e ka banom cujquicharchatej bic e jacha' ri quiakik'.

Ri Isaiy 41:16

Quebajopij na, quec'am c'u na bic rumal ri quiakik' quejabux na rumal ri quiakik' jäb. Catquicot c'u na ruc' ri Ajawaxel, canimarisaj na u k'ij ri Tastalicalaj u Dios ri Israel.

Ri Isaiy 27:8

Ri Dios xuc'äjisaj u wäch ri u tinimit xutak c'u bic pa jun tinimit chic, ruc' ri xibibalalaj ruxlab xupakchi'j bic jacha' ri cuban ri quiakik' ri cäpe pa elebal k'ij.

Ri Isaiy 22:4

Rumal ri' xinbij: “Chitasa' iwib chwij, are quiwaj quinq'uis wib che ok'ej mitzucuj u cu'bisaxic nu c'u'x rumal ri cuc'ulmaj na ri nu tinimit.

Juyuwem 4:10

Cuc' tak ri kas qui k'ab, ixokib ri ch'uch'uj canima' xequitzacala' tak ri cal; ri kas e cal xebajwataj che qui wa cuq'uia' aretak xsach u wäch ri u chuch ri nu tinimit.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Ri Jeremiy 4:12

ri quiakik' ri quinbano chi cäpe na sibalaj nim na ri u chuk'ab che wa', are c'u ri camic quinya' na u bixic ri cuc'ulmaj na.”

Ri Jeremiy 13:24

Rumal ri' ri ix quixinjabuj na jacha' ri pajo ri cacharchatex bic rumal ri quiakik' aj chaki'j uwo sak.

Ri Habacuc 1:6

Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj.

Ri Habacuc 1:11

Queboc'owic jacha' jun quiakik' jäb, man c'o ta dios caquiya' ta u k'ij xane' xuwi ri qui chuk'ab.”

Ri Osey 4:19

¡Jun quiakik' quec'amow na bic cumal tak ri e u xic', queq'uix c'u na che qui k'ijilaxic tak ri diosib!”