Ri Jeremiy 39:8 - Quiché Bible

⁸ Ri aj caldeyib xquit'ik k'ak' che ri rachoch ri ajawinel xukuje' chque tak ri ja ri e c'o chupam ri tinimit, xebequit'akij tak ri e u tapia ri Jerusalen.

Ri Jeremiy 39:8 Referans Kwoze

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Ri Jeremiy 38:18

We c'u man cäjach ib la pa qui k'ab ri aj caldeyib cäk'ax na ri tinimit pa qui k'ab caquit'ik c'u na k'ak' che, are c'u ri lal man cato' taj ta na la.’ ”

Ri Jeremiy 21:10

Xa' c'u ne jumul nu bim chi quinc'am ulok ri etzelal che u q'uexwäch utzil puwi' we tinimit ri'. Quinjach na pa u k'ab ri ajawinel re Babilon, cut'ik c'u na k'ak' che. In, ri Ajawaxel, quinjiquiba' u bixic.’

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Amos 2:5

Rumal ri' quincoj na k'ak' pa Juda, we k'ak' ri' cusachisaj na qui wäch ri nimak tak ja ri e c'o pa Jerusalen.”

Juyuwem 2:7

Ri Ajawaxel u xutum ri u porobal wi tabal tok'ob che, retzelam u wäch ri cäk'ijilax wi; e u jachom tak pa u k'ab ri c'ulel ri e nimak tapia ri e k'atibal rij ri tinimit. ¡E c'o jun rakoj tak chi'aj chupam ri Rachoch ri Ajawaxel, je ta ne jun k'ij re nimak'ij!

Juyuwem 2:2

Ri Ajawaxel man xutac'aba' ta can mawi jun chque ri e rachoch ri Jacob; chupam jok'otaj royowal u yojim ri e to'bal rib ri je'lalaj Juda; e u t'akim pa ulew, e u mach'irisam, ri ajawibal xukuje' tak ri e u k'atal tak tzij.

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Ri Jeremiy 37:10

Pune' ta c'u ne ri ix quixcuin ta che qui ch'äquic conojel ri ajch'ojab aj caldeyib ri cätajin quech'ojin iwuc' man c'o ta chi c'u ri queto'taj ta chi can chque xane' jujun achijab ri e socotajinak ri e canajinak canok ri e c'o chupam ri kajebal, we achijab ri' quewalij na caquit'ik c'u na k'ak' che ri tinimit.”

Ri Jeremiy 34:22

Quebentakchi'j chi che tzelej ulok che u banic c'ax che we tinimit ri' chech'ojin c'u ruc', chumajij c'ut chut'ika c'u k'ak' che. Quenbana' c'ut chi ri niq'uiaj tak tinimit chic re Juda che tolobaxok man c'o ta jun winak chcanaj ta chquipam. In, ri Ajawaxel, quinjiquiba' u bixic.”

Ri Jeremiy 34:2

“In, ri Ajawaxel, ri u Dios ri Israel, catintako chi catbe ruc' ri Sedequiy, ajawinel re Juda: ‘Je' wa' cubij ri Ajawaxel: Quenbana' chi we tinimit ri' cak'ax pa u k'ab ri ajawinel aj Babilon, cut'ik c'u na k'ak' che.

Ri Jeremiy 17:27

We c'u ri ix man qui nimaj taj ri nu takanic chi quitas ri k'ij re uxlanem xukuje' chi man quebicoj ta tak eka'n pa ri k'ij ri' pa tak ri oquibal pa ri Jerusalen, quincoj c'u na k'ak' chque tak ri oquibal chupam ri tinimit, jun k'ak' ri cusachisaj na qui wäch tak ri e cachoch tak ri ajawinelab ri e c'o pa Jerusalen man c'o ta c'u jachin ta jun ri cäcuinta che u chupic.’ ”

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Ri Isaiy 5:9

Ri Ajawaxel ri c'o ronojel u cuinem xuban ri chi'nic ri kas cäban na chwe: “E q'ui ja queyojyob na; pune' ta ne e nimak xukuje' e je'lic, man c'o ta chi jun caraj cäc'oji' ta chquipam.

Ucab Tzijobelil 36:19

Xquiporoj c'u ne ri rachoch ri Dios, xquit'akij ri u tapia ri Jerusalen, xquit'ik k'ak' chque tak ri e rachoch ri ajawinel xquisachisaj u wäch ronojel ri c'olic ri pakal rajil.

Ucab Ajawinelab 25:8

Pa ri uwuk rajilabal ri ro' ic' re ri ubelejlajuj (19) u junab ri rajawinic ri Nabucodonosor, ajawinel re Babilon, ri Nabuzaradan, rach k'atal tzij ri ajawinel xukuje' takanel paquiwi' ri chajil tak rech ri ajawinel, xopan pa Jerusalen

Salmib 79:7

E are' c'ut xebik'ow ri Jacob, xequiyojij c'ut ri c'o pa ri rulew.

Ri Jeremiy 32:29

Ri aj caldeyib cätajin caquiban c'ax che ri tinimit queboc c'u na chupam caquit'ik c'u na k'ak' che; caquiporoj na junam cuc' tak ri ja ri queporox tak wi c'oc' k'ol paquiwi' rachil u wa'l uva che ri Baal xukuje' quecoj wi tak tabal tak tok'ob chque tak diosib chic.

Ri Ezequiel 16:41

Caquit'ik na k'ak' chque tak ri awachoch caquiya' c'u na ri c'äjisabal wächaj chawe chquiwäch ri tinimit ixokib. Quinsach na u tza'm ri quebabano jacha ri cäquiban ri quech ri nim ch'utin, man catakej taj qui tojic tak ri e awanima' awib cuc'.

Ri Ezequiel 23:47

Checämisax c'u che abaj rumal ronojel ri tinimit chquijulupij c'u cuc' tak ri e qui ch'ich' re ch'o'j; chequicämisaj c'ut ri calc'ual chi e alabom chi e alitomab chequiporoj ri cachoch.

Ri Ezequiel 33:21

Pa ri uro' rajilabal ri ulajuj ic' rech ri ucablajuj junab rech ri kesaxic ulok pa ri kulew, jun winak animajininak ulok pa Jerusalen xulic xutzijoj c'u chwe chi ri tinimit kajinak pa u k'ab ri c'ulel.

Ri Jeremiy 5:10

¡Queboc c'u na ri e qui c'ulel quequisachisaj c'u qui wäch ri e ticbal tak uva, pune' c'u ronojel caquisachisaj u wäch! ¡Chequijak'ij tak ri qui k'ab man c'u ticbal ta chic nu uva!