Ri Jeremiy 33:4 - Quiché Bible

^4-5 In, ri Ajawaxel, ri u Dios ri Israel, c'o jun tzijol wuc' chque ri caquic'ulmaj na ri ja ri e c'o pa Jerusalen xukuje' chque tak ri cachoch tak ri ajawinelab re Juda ri quebewilixok. Ri elem bic che u banic ch'o'j che qui cojic tak ch'ich' re ch'o'j chque ri aj caldeyib ri quequiyac tak ak'anibal che u banic c'ax che ri tinimit, xuwi cajwataj che qui nojisaxic chque cäminakib. In, pa ri xibibalalaj woyowal, quinban na chque chi quecämic, man quebenca'yej ta chi c'u we tinimit ri' qui mac quech ri jumulaj etzelal ri e qui banom.

Ri Jeremiy 33:4 Referans Kwoze

Ri Habacuc 1:10

Quequitze'j qui wäch tak ri ajawinelab xukuje' tak ri winak ri nimak qui k'ij. Quequit tak qui wäch ri nimak tak tapia, quequiwalijisaj ak'anibal chquiwäch quequichap c'ut ruc' tokinic.

Ri Ezequiel 4:2

Chebacojo' ajch'ojab chrij, ch'ojibal ri cajwataj che u ch'äquic ri tinimit, chacojo' jun nim tapia chrij, xukuje' jun ak'anibal, rech je quelic jacha' jun tinimit ri sutim rij.

Ri Jeremiy 32:24

Are c'u ri aj caldeyib e qui banom ak'anibal che u banic c'ax che ri tinimit, ri ch'o'j, ri wi'jal ri cämisanel yabil caquiban na chi ri tinimit cäkaj pa qui k'ab ri e banal tak c'ax. Ajawaxel, quil la chi cätajin cätz'akat ri xya' la u bixic.

Ri Ezequiel 21:22

Pa ri riquiak'ab xcanaj wi ri ch'ab ri cuc'ut ri Jerusalen, ri quelcubij wa' chi rajawaxic quech'ojin na ruc' quebucoj ch'ojibal chrij che u ch'äquic cuya' c'u takanic che u banic cämisanic, chiquiraka' qui chi' che u banic ri ch'o'j, quibana' c'ax chque tak ri roquibal, chquiwoco jun ak'anibal chquitz'akatisaj u sutixic rij.

Ri Ezequiel 26:8

U pu chi' ch'ich' re ch'o'j casachow na qui wäch ri e u k'ab tak a tinimit pa cowilaj ulew; cuyac na jun nim tapia chawij, quebuwoc na ak'anibal che u banic ch'o'j awuc' quebutak na ajch'ojab chawij ri e cuc'am ri e qui quetecak tak ch'ich'.

Ri Isaiy 32:13

Q'uix xukuje' juyubal tak k'ayes ri c'o qui q'uixo'l queq'uiy na chupam ri wulew, pa conojel tak ri ja ri c'o wi quicotemal chupam ri tinimit, ri cäkaj ri nimak'ij chquiwäch.

Ri Isaiy 32:14

Ri ja re k'atbal tzij cäwoni na canok; ri tinimit, ri e c'o wi q'uialaj winak, cäcanaj na chaki'j uwo sak; ri pimak tak tapia, xa jumul quewonobax na canok; chila' quequicot wi na ri juyubal tak bur, xukuje' cuya' cäquitij na qui k'ayes ri wacax chila'.

Ri Jeremiy 6:6

Ri Ajawaxel ri c'o ronojel u cuinem yowinak we takanic ri': “¡Chebikasaj tak che' chi woco' jun pakalibal che u banic ch'o'j ruc' ri Jerusalen! Ri tinimit c'okotajinak che u c'äjisaxic u wäch, rumal rech chi nojinak che u banic c'ax.

Juyuwem 2:7

Ri Ajawaxel u xutum ri u porobal wi tabal tok'ob che, retzelam u wäch ri cäk'ijilax wi; e u jachom tak pa u k'ab ri c'ulel ri e nimak tapia ri e k'atibal rij ri tinimit. ¡E c'o jun rakoj tak chi'aj chupam ri Rachoch ri Ajawaxel, je ta ne jun k'ij re nimak'ij!

U Camulixic ri Pixab 20:20

Ri che' ri cuya' quebit'akij are ri man cäquiya' ta qui wäch, quebajwataj c'u wa' chiwe che u woquic ak'anibal chrij ri tinimit ri cätajin quixoc che u ch'äquic, c'ä cäkaj na pa i k'ab.”

Ri Isaiy 22:10

xequinic'oj tak ri ja ri e c'o pa Jerusalen, xequiwulij c'u jujun che u c'ojoxic ri nimalaj tapia.