Ri Jeremiy 32:2 - Quiché Bible

² Pa ri k'ijol ri' ri e rajch'ojab ri ajawinel re Babilon cätajin quech'ojin ruc' ri Jerusalen, are c'u ri Jeremiy ri k'axal tzij tz'apital cho ri uwo ja rech ri rachoch ri ajawinel ri e c'o wi ri chajinelab.

Ri Jeremiy 32:2 Referans Kwoze

Ri Jeremiy 37:21

Are c'u ri ajawinel Sedequiy xuya' takanic chi chtz'apix ri Jeremiy cho ri ja ri e c'o wi ri chajinelab chi ronojel c'u k'ij chc'am ulok jun u caxlanwa re pa be ri caquiban ri banal tak wa je c'u xtakex u banic wa' c'ä xq'uis na ri caxlanwa ri c'o chupam ri tinimit. Je c'u wa' ri u canajic ri Jeremiy cho ri ja ri e c'o wi ri chajinelab.

Ri Nehemiy 3:25

Ri xtaken chrij are', are' ri Palal, u c'ojol ri Uzay, xuban u banic ri nimalaj tapia ri c'o chuwäch ri xquina xukuje' xuban u yaquic ri tac'atic ja ri coc'ow na ri u taq'ui'c chuwäch ri rachoch ri ajawinel, ri c'o chuwäch ri ja ri e c'o wi ri chajinelab. Ri ch'akap chic xuban u yaquic ri Pedaiy, u c'ojol ri Pars,

Ri Jeremiy 38:6

We winak ri' xquichap ri Jeremiy xquiya' chupam ri u c'ua' ri Malquiy, u c'ojol ri ajawinel, ri c'o cho ri ja ri e c'o wi ri chajinelab. Xequicoj tak colob che, che u kasaxic bic, man c'o ta c'u ja' chupam ri c'ua' xane' xok'ol, xbik'taj c'ut ri Jeremiy chupam ri xok'ol.

Ri Jeremiy 33:1

C'ä tz'apil c'u ne na ri Jeremiy cho ri uwo ja ri e c'o wi ri chajinelab, ri Ajawaxel xutzijobej chi jumul ri Jeremiy, xubij c'u che:

Ri Jeremiy 32:8

Je c'u xelic jacha' ri xubij ri Ajawaxel chwe, ri wachalaxic Hanameel xpe che wilic cho ri uwo ja ri e c'o wi ri chajinelab xubij c'u chwe chi chinlok'o' ri rulew ri c'o pa Anatot, ri c'o pa ri rulewal ri ramak' ri Benjamin, ya'tal c'u chwe chi in ri quinlok'owic cäcanaj c'u can wuc', rumal rech chi in ri rachalaxic ri nakaj in c'o wi che. Aretak c'u xinch'obo chi u takanic ri Ajawaxel Dios wa',

Ri Matey 5:12

Chixquicot ruc' nimalaj quicotemal, chiquic'am c'u na jun nimalaj tojbal iwech pa ri caj; je c'u c'axc'olil wa' xban chque ri e k'axal tzij ri xepe can nabe chiwäch ix.”

Ri Jeremiy 36:5

Xebuya' c'ut ri Jeremiy we pixbenic ri' che ri Baruc: “Chawila' ri nu c'ulmam cuk'atij ri nu benam chupam ri rachoch ri Ajawaxel.

Ri Jeremiy 32:3

Xtak c'u u tz'apixic rumal ri ajawinel Sedequiy, rumal rech chi u bim ri Jeremiy: “Cächa ri Ajawaxel: ‘Quenbana' chi we tinimit ri' cakaj pa u k'ab ri ajawinel re Babilon,

Salmib 88:8

Banom la chi xinquiya' can tak ri e wachil; banom la chi man cäquicuy ta chi nu mac. ¡In junam ruc' jun ajpache' ri man cäcuin taj quel bic!

Ri Jeremiy 34:1

Aretak ri Nabucodonosor, rajawinel re Babilon, e rachil conojel ri rajch'ojab e re conojel qui wäch winak e re conojel ri nimak tak tinimit re ri ulew ri e c'o chuxe' ri u takanic, cätajin quech'ojin ruc' ri Jerusalen xukuje' cuc' conojel ri c'ulja nimak tak tinimit, ri Ajawaxel xutzijobej ri Jeremiy, xubij c'u che:

Ri Jeremiy 37:4

C'ä majok c'u chcoj ri Jeremiy pa che', c'ä cäbinicat c'u chquixo'l tak ri winak.

Ri Jeremiy 38:13

Xequijic' c'ut ri achijab ri colob xquesaj c'u ulok chila'. Xuwi c'u xesetaj ulok, ri Jeremiy xcanaj can cho ri ja ri e c'o wi ri chajinelab.

Ucab Ajawinelab 25:1

Chupam ri lajuj rajilabal ri lajuj ic' re ri ubelejeb junab ri rajawinic ri Sedequiy, ri ajawinel Nabucodonosor xopan che u banic ch'o'j ruc' ri Jerusalen e rachil conojel ri rajch'ojab, xusutij c'u rij. Xaya' rib chuwäch, xebuwalijisaj c'u tak ak'anisabal chrij che u banic ch'o'j ruc'.

Ri Jeremiy 37:15

Wa' xquiban coyowal che ri Jeremiy, xetakanic chi ch'ayok chcoj c'u pa che' chorachoch ri Jonatan, ri tz'ibal tzijol, ri banom u pa che' che.