Ri Jeremiy 30:5 - Quiché Bible

⁵ Cächa ri Ajawaxel: “¡Quetataj rakoj tak chi'aj re nimalaj xibriquil, re xe'n ib xukuje' elemch'u'j!

Ri Jeremiy 30:5 Referans Kwoze

Ri Amos 8:10

Quebenq'uex na tak ri nimak'ij pa cok'exic cäminakib, ri e tak bix pa bit'oj tak ib cuc' cäminakib; quinban na chi quebicoj tak atz'iak re bis, quebitolorisaj c'ut ri i jolom che u c'utic ri c'axc'ol. Quejuyuw c'u na jacha' ri cuban ri xutzak jun u c'ojol ri xa' jun c'olic ronojel c'ut cäq'uis na pa c'ayil.”

Ri Isaiy 5:30

We nim tinimit ri', aretak copan ri k'ij ri c'utum, quejinin na jacha' ri plo, chrij ri Israel; we c'u c'o jun cäca'y che ri uwächulew cäril na chi ronojel c'o pa k'eku'm, k'ekumarinak c'u ri sakil cumal ri sutz'.

Ri Jeremiy 46:5

¿Jas c'ut ri cätajin quinwilo? Quetzelej chquij e nojinak che xibriquil. Ri e rajch'ojab caquijabula' tak quib e ch'äcatajinak; quexiq'uinic quebanimajic, man queca'y ta can chquij. ¡C'o xibriquil pa conojel tak ri c'olbal! In, ri Ajawaxel, quinjiquiba' u bixic.

Ri Jeremiy 25:36

Ri ajyuk'ab caquirak qui chi', caquirak qui chi' rumal k'oxomal, ri quec'amow qui be ri jumulaj, rumal rech chi ri Ajawaxel u sachom qui wäch tak ri echa'.

Ri Jeremiy 9:19

Quetataj c'u rakoj tak chi'aj xukuje' tak juyuwem pa Sion: ¡Tok'ob ka wäch, che wa' we etzeletajic ri uj c'o wi! ¡Elinak nimalaj ka q'uixbal! Cäkatzak na canok ri kulew, ri e kachoch e etzeletajinak.

Ri Jeremiy 8:19

Ri qui rakoj tak chi'aj ri nu tinimit cätataj pa ronojel ri ulew: “¿La man c'o ta chic ri Ajawaxel pa Sion? ¿La man c'o ta chic ri rajawinel chi'?” Ri Ajawaxel cutzelej u bixic: “¿Jasche xiban c'ax chwe xebik'ijilaj tak diosib, diosib ri man c'o ta qui patan xukuje' man etamatal ta qui wäch?”

Ri Isaiy 59:11

Konojel cujjininic jacha' ri cäquiban ri os, cujch'ikowic jacha' ri palomax keye'm jampa' cujcolotajic, man cul ta c'ut ri colol kech keye'm chi cujtortajic, naj c'u c'o wi ri cujtorowic.

Ri Jeremiy 8:16

¡Petem cuban ri c'ulel! ¡Catataj chic ri ruxlabic u pa qui tza'm ri quiej kas pa Dan! Aretak quewojonic cäyicop ronojel ri ulew. Quepe che u sachisaxic u wäch ri ulew xukuje' ronojel ri e u k'inomal, ri tinimit tak xukuje' ri e jekel chquipam.”

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 30:4

We tzijol wa' ri cuya' ri Ajawaxel are wa' ri curik na ri Israel xukuje' ri Juda.

Ri Jeremiy 6:22

Ri Ajawaxel cubij: “Kas pa naj tak ulew re ri riquiak'ab ri elebal k'ij cusuc'umaj rib ri u petic jun nim tinimit ri c'o u cuinem.

Ri Jeremiy 6:26

¡Nu tinimit, chebacojo' wakwoj tak atz'iak che u c'utic ri k'oxomal; chawolkotij awib pa chaj, chacojo' k'ek awatz'iak chatok'ok ruc' c'ayil, jacha' ri cabanic aretak cäcäm ri xa jun chi c'ojolaxel; rumal rech chi ri quelsachow ka wäch man cäbeytaj taj ri u petic che u banic c'ax chke!

Ri Habacuc 1:6

Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj.

Ri Habacuc 1:10

Quequitze'j qui wäch tak ri ajawinelab xukuje' tak ri winak ri nimak qui k'ij. Quequit tak qui wäch ri nimak tak tapia, quequiwalijisaj ak'anibal chquiwäch quequichap c'ut ruc' tokinic.