Ri Jeremiy 30:3 - Quiché Bible

³ rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Jeremiy 30:3 Referans Kwoze

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Ri Jeremiy 16:15

xane' caquibij na: ‘Rumal ri u c'aslemal ri Ajawaxel ri xebesan ulok ri aj israelib chupam ri ulew ri c'o pa ri iquiak'ab xukuje' chquipam ri niq'uiaj tak ulew chic ri e u jabum tak wi'’. In quinban na chi quixtzelej chupam ri iwulew, chupam ri ulew ri xinya' chque ri e i mam.

Ri Ezequiel 20:42

Aretak c'u chinya' chiwe chi quixoc pa Israel, pa ri ulew ri xinban ri chi'nic ri kas cäban na, xincha' chi quinya' chque ri e i mam, c'äte ri' quich'ob na chi in ri' ri Ajawaxel.

Ri Jeremiy 30:18

Cächa ri Ajawaxel: “Quinq'uex na ri cutaklebej ri u nim tinimit ri Jacob, quintok'obisaj na u wäch ri rulew; ri tinimit tak queyac na paquiwi' tak ri qui tac'alibal e aretak c'ut ri rachoch ri ajawinel kas pa tak ri qui c'olbal.

Ri Soponiy 3:20

Pa ri k'ijol ri' quixinc'am na ulok ix, quixinmulij na; quinban na chi caq'uextaj ri qui taklebej, quinya' c'u na utzalaj i tzijol xukuje' nim iwilic chquixo'l tak ri tinimit ri e c'o chuwäch ri uwächulew. In, ri Ajawaxel, nu bim.”

Ri Jeremiy 33:26

mawi jubik' chinwetzelaj ta na qui wäch ri e rija'lil ri Jacob xukuje' ri e rech ri David ri pataninel wech, mawi quinya' ta c'olbal chi quebesax ta chquixo'l ri quetakan paquiwi' ri e rija'lil ri Abraham, ri Isaac xukuje' ri Jacob. Rumal rech chi ri in quel na nu c'u'x chque quinban c'u na chi caq'uextaj ri caquitaklebej.”

Ri Jeremiy 32:44

Quelok' na quetz'ibax c'u na ri c'ulwächinic ri quequibano, ruc' t'ikbal xukuje' quequitz'ibaj tak ri qui bi' ri k'alajisanelab chuxe'. Queban c'u je tak wa' pa ri rulew ri Benjamin, pa tak u xcut ri Jerusalen xukuje' chquipam ri tinimit tak re Juda, je queban wa' pa tak ri ulew ri e c'o wi c'ache'laj jacha' xukuje' pa ri lianic, xukuje' chquipam ri tinimit tak ri e c'o pa ri Negueb, quinban c'u na chi cuq'uex ri cutaklebej ri nu tinimit. In, ri Ajawaxel, quinjiquiba' u bixic.”

Hebreos 8:8

Xubij c'u ri Dios aretak xuk'alajisaj ri qui mac ri winak: “Cächa' ri Ajawaxel: ‘Chiwilampe', quepe na ri k'ij, aretak quinban na jun c'ac' c'ulwächinic ruc' ri Israel xukuje' ruc' ri Juda.

Ri Joel 3:1

Cächa' ri Ajawaxel: “Aretak chopan we jok'otaj ri' quinban na chi cäq'uextaj ri u taklebem ri Juda xukuje' ri Jerusalen.

Ri Ezequiel 36:24

In quixinwesaj na chquixo'l tak we nimak tak tinimit ri' xukuje' tak ulew; quixinmulij na quinban na chiwe chi quixtzelej pa ri iwulew.

Salmib 53:6

¡C'o ta banom wi chi pa ri juyub Sion quel ta wi na ulok ri cäcolow ri Israel! Aretak ri Ajawaxel cuq'uex ri u wäch u k'ij ri u tinimit, cubano chi quequicot na ri e rija'lil ri Jacob, ronojel ri u tinimit ri Israel.

Ri Lucax 21:6

“We jastak ri' ri quiwilo, quepe na k'ij aretak man cäya' ta can jun abaj puwi' jun chic, xane' ronojel cäwulix na.”

Ri Lucax 19:43

Quepe c'u na k'ij pawi', aretak ri e a c'ulel cäquiyac na jun k'atibal chawij, cäquisutij na awij, catquilatz'obisaj na pa ronojel c'olbal.

Ri Lucax 17:22

Xubij chque ri u tijoxelab: “Quepe na k'ij, aretak sibalaj quirayij na rilic jun chque ri u k'ij ri Rija'l Winak, man quiwil ta c'ut.

Ri Ezequiel 47:14

Quinban ri chi'nic ri kas cäban na xincha' in chi quinya' we ulew ri' chque ri e i mam. Chijacha' chiwäch junam chibana' che. We ulew ri' are iwechbal wa'.

Ri Jeremiy 32:37

Quebenmulij ri e u winakil chquixo'l tak ri ulew jawije' tak ri xebenjabuj wi aretak xinnoj che c'anal, oyowal xukuje' k'ak'al, quebentzelej c'u na ulok chupam we c'olbal ri' rech quec'oji' pa utzil chupam.

Ri Jeremiy 31:38

Ri Ajawaxel cujiquiba' u bixixic: “Cäpe na jun k'ij aretak ri nu tinimit cäban chi na u yaquic, cachaptaj kas ruc' ri tac'atic ja re Hananeel c'ä chuchi' ri Oquibal pa ri Xquina.

Ri Jeremiy 31:31

Ri Ajawaxel cujiquiba' u bixic: “Cäpe na jun k'ij aretak quinban na jun c'ac' c'ulwächinic ruc' ri Israel xukuje' ruc' ri Juda.

Ri Jeremiy 31:27

Ri Ajawaxel cujiquiba' u bixic: “Cäpe na jun k'ij aretak quinban na chque pok'colij ri winak xukuje' tak ri awaj pa Israel xukuje' pa Juda.

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Jeremiy 27:22

‘Quec'am na bic pa Babilon, chila' c'u quecanaj wi na c'ä jampa' ri quinwaj queben c'am na ulok quebentzelej c'u pa we c'olbal ri'. In, ri Ajawaxel, quinjiquiba' u bixic.’ ”

Ri Jeremiy 27:11

Are c'u ri nim tinimit, ri cucoj rib chuxe' ri u cuinem ri ajawinel re Babilon, ri in quinya' na che chi cäcanaj chupam ri rulew rech cajeki' chupam cutic c'u u wäch. In, ri Ajawaxel quinjiquiba' u bixic.”

Ri Jeremiy 23:5

Ri Ajawaxel cujiquiba' u bixic: “Cäpe na jun k'ij aretak quinban na chi ri David cac'oji' na jun kas rija'lil, jun ajawinel ri cajawin na ruc' no'j cuban c'u na ri suq'uilal xukuje' ri colomal chupam ri ulew.

Ri Esdras 3:12

E q'ui c'ut chque ri e cojol tabal tok'ob, aj levitib xukuje' ri e c'ämal qui be jujun tak ja winak, ri e ri'jab tak winak chic ri quilom can ri nabe Rachoch Dios xquitzokopij ok'ej ruc' rakoj chi'aj rumal rech chi caquilo chi cächaplex u yaquic we c'ac' Rachoch Dios ri'. E q'ui chi c'u na ri xukuje' caquirak qui chi' rumal quicotemal.

Ri Esdras 3:8

Ri Zorobabel, u c'ojol ri Salatiel, xukuje' ri Jexu, u c'ojol ri Josadac, junam cuc' tak ri e cachil ri e cojol tabal tok'ob xukuje' ri aj levitib, xukuje' conojel ri xec'am bic pa Babilon ri xetzelej pa Jerusalen, xquichaplej chi jumul u banic u yaquic ri Rachoch ri Dios pa ri ucab ic' re ri ucab junab che ri copanic pa Jerusalen, xjach c'ut ri u c'amic ri qui be ri chac pa qui k'ab ri aj levitib ri oc'owinak chi juwinak qui junab.

Ri Esdras 3:1

Aretak xurik ri uwuk ic', ri aj israelib e jekejoj chi c'ut chquipam ri kas qui tinimit, ronojel ri tinimit xumulij rib pa Jerusalen,

U Camulixic ri Pixab 30:3

are' c'u ri Ajawaxel ri i Dios cuq'uex na ri i taklebem quel c'u na u c'u'x chiwe; quixumulij chi na ulok chquipam tak ri ulew ri ix urokim wi bic.

Ri Jeremiy 31:23

Ri Ajawaxel ri c'o ronojel u cuinem, ri u Dios ri Israel, cacha': “Aretak chenq'uexa' ri caquitaklebej ri winak aj Juda, e c'o chi c'u jumul chupam ri culew xukuje' chquipam tak ri qui tinimit, caquibij chi c'u na jumul: ‘¡Chtewichi'x we juyub ri' ri tasom rumal ri Ajawaxel jawije' ri jekel wi ri suq'uilal!’

U Camulixic ri Pixab 30:5

Ri Ajawaxel cuban na chque chi quetzelej chi ulok jumul chupam ri ulew ri xejeki' wi can ri e i mam ix, quixec'ol chi c'u na chupam; cuban c'u na chiwe chi quixpok'colitajic quebuya' c'u na tinimit qui c'ojol chquiwäch ri e qui mam.

Ri Jeremiy 3:18

Aretak chopan ri k'ij ri', ri Juda cujunaj na rib ruc' ri Israel, junam c'ut quetzelej na ulok caquiya' can ri ulew ri c'o pa ri riquiak'ab ri elebal k'ij, queboc chupam ri ulew ri xinya' jacha' che echbal chque ri e i mam ix.”

Ri Jeremiy 29:10

Ri Ajawaxel cubij: ‘Aretak chetz'akat ri oxc'al lajuj (70) junab che ri Babilon, quinya' na ri to'banic chiwe ix quintz'akatisaj c'u na ri nu chi'nic chiwe ri sibalaj man c'o ta c'o wi chi quinban chiwe chi quixtzelej chupam we c'olbal ri'.

Ri Jeremiy 30:4

We tzijol wa' ri cuya' ri Ajawaxel are wa' ri curik na ri Israel xukuje' ri Juda.

Ri Jeremiy 31:16

Cächa c'ut ri Ajawaxel che: “Raquel, chatanaba' ok'ej; mebatix ri e u wa'l tak a wäch, ri e a c'ax caquirik na tojbal quech: ri e a awal quetzelej na ulok caquitzak na canok ri ulew c'ulel. In, ri Ajawaxel, quinjiquiba' u bixic.

Ri Jeremiy 51:60

Ri Jeremiy u tz'ibam pa jun wuj ronojel ri etzelal ri cäpe na puwi' ri Babilon ri u bixic, ronojel ri tz'ibatalic che ri cuc'ulmaj na,

Salmib 126:4

¡Ajawaxel, bana' la chi cuq'uex rib ri ka taklebem, jacha' ri u q'uextajic ri chaki'j uwo sak cumal ri jäb!

Ri Ezequiel 34:13

Quebenwesaj na ulok pa tak ri ulew ri man e culew taj, quebenmulij na, quebenc'am na bic chupam ri kas culew. Quebenc'am na bic, quebewok na pa tak ri u juyub ri Israel, chquichi' tak ri nima', xukuje' pa conojel tak ri c'olbal pa ri ulew ri utz c'olem chquipam.

Ri Soponiy 2:7

Ri queto'taj can che ri tinimit Juda queboc na che rechbexic we ulew ri' aretak chpe ri Ajawaxel ri qui Dios che qui to'ic cuq'uex c'u na ri qui taklebem. Chila' quequichajij wi na tak ri qui jumulajaj, quebuxlan c'u na chak'ab chquipam tak ri ja re Ascalon.