Ri Jeremiy 3:8 - Quiché Bible

⁸ xrilo xukuje' chi ri in xinwetzelaj u wäch ri Israel ri man nimanel taj xinjach c'u bic kas xa' rumal ri xriktaj pa mac. Are c'u ri Juda, ri rachalal ri Israel ri man jic taj, man xuxe'j ta rib, xane' xukuje' ri are' xbec xuchaplej u banic ri mac re ri nim ch'utin.

Ri Jeremiy 3:8 Referans Kwoze

U Camulixic ri Pixab 24:1

“We c'o jun ala cuc'am jun ali cäc'uli' c'u ruc', we ne man cäkaj ta chi chuwäch rumal jun jasach ri xurik pa ri u c'aslemal ri man utz taj, cutz'ibaj jun wuj re jachanic cuya' c'u bic che ri ali, cubij che chi quel bic pa ri rachoch.

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Ezequiel 23:9

Rumal ri' xinjach pa qui k'ab tak ri e ranima' rib cuc', ri aj asiriyab, ri benak' ranima' cuc',

Ri Ezequiel 16:47

Xac'am c'u awech ruc', xaban awech ri xojibalalaj tak u banoj. Man c'u xcu'bi ta a c'u'x ruc' wa', c'ax na ri xaban pa ri a c'aslemal chuwäch ri xquiban ri e are'.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

U Camulixic ri Pixab 24:3

we c'u je cäban chi che rumal ri ucab rachajil, cuya' bic jun wuj re jachanic che, cubij che chi quel bic o we ucab rachajil ri' cacämic,

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 33:24

“¿La ma ta a tom chi quecha' ri winak chi wetzelam qui wäch ri cak'at winak ri kas in in chowinak, ri Israel xukuje' ri Juda? ¡Rumal rech wa' man nim ta chic cäquil wi ri nu tinimit, man c'u jun nim tinimit ta chic chquiwäch!

Ri Ezequiel 16:46

Pa ri u wiquiak'ab ri elebal k'ij c'o wi ri awatz, ri tinimit Samar, e rachil ri alaj tak u tinimit; pa ri u mox ri elebal k'ij, c'o wi ri a chak', ri tinimit re Sodom, e rachil ri alaj tak u tinimit.

Ri Ezequiel 16:51

Are c'u ri Samar, man xuban taj mawi ne pa niq'uiaj chque ri e a mac. At e a banom jastak ri e xojibal chquiwäch ri e qui banom e are'; sibalaj e q'ui, we ta catjunamax cuc', ri e are' je ta ne ri ma ta c'o qui mac ri'.

Ucab Tzijobelil 21:11

Xebuyac c'u ne k'ijilabal ri quek'ijilax wi diosib pa tak ri juyub re Juda, are c'u xbanow wa' chi ri aj Jerusalen xemacun chuwäch ri Ajawaxel, xuban c'ut chi xjech'ob ri Juda.

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Ezequiel 23:44

Xepe ruc' ri Ahol xukuje' ruc' ri Aholib, ixokib ri etzokopitalic, jacha' ta ne ri cäbe jun cuc' tak ri quech ri nim ch'utikab.’