Ri Jeremiy 3:6 - Quiché Bible

⁶ Pa tak ri e u k'ijol ri ajawinel Josiy xubij ri Ajawaxel chwe: “¿La awilom ri xuban ri Israel ri man nimanel taj? Xbec xujach rib che u banic ri cuc'axic quib cuc' achijab ixokib che qui banic macunic puwi' ri juyub ri naj elinak chicaj xukuje' chuxe' ronojel che' ri e jewel u xak.

Ri Jeremiy 3:6 Referans Kwoze

Ri Ezequiel 23:11

Ri u chak' ri Aholiab xril wa', c'o c'u ne na ri u wi' ri etzelal ri xubano, chuwäch ri xuban ri ratz, kas xbe na ranima' che ri cäquiban ri quech ri nim ch'utin.

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Ezequiel 16:31

Pa conojel tak ri u xo'l tak ri be pa ronojel c'olbal ri jamalic, xawoc jun porobal ri caya' wi k'ijilanic chque tak ri e diosib cajach c'u awib che u banic ri cäquiban ri quech ri nim ch'utin. Are c'u ri at man caban ta awech jas ri cäquiban ri quech ri nim ch'utin: ¡ri at man c'o ta awajil catok'ij!

Ri Jeremiy 17:2

Ri e awalc'ual quenataj tak ri porobal chque xukuje' ri tastalicalaj tak cuta'm ri que k'ijilaxic ri e c'o chquinakaj ri juwi' tak che' ri k'eku'm tak qui xak xukuje' paquiwi' tak ri juyub ri naj e elinak tak chicaj

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.

Ri Jeremiy 3:8

xrilo xukuje' chi ri in xinwetzelaj u wäch ri Israel ri man nimanel taj xinjach c'u bic kas xa' rumal ri xriktaj pa mac. Are c'u ri Juda, ri rachalal ri Israel ri man jic taj, man xuxe'j ta rib, xane' xukuje' ri are' xbec xuchaplej u banic ri mac re ri nim ch'utin.

Ri Isaiy 57:7

Puwi' jun nimalaj juyub ri nojinak che tak chäj xaya' wi ri a ch'at, chila' xukuje' at pakalinak wi che u ya'ic tabal tok'ob.

Nabe Ajawinelab 14:23

xukuje' c'u ri e are' xequiyac k'ijilabal ri quek'ijilax wi tak diosib xequitac'aba' tak abaj xukuje' tastalicalaj tak cuta'm paquiwi' tak ronojel tac'atak tak juyub xukuje' chquixe' conojel jewejak tak che'.

Ucab Tzijobelil 34:1

Wajxakib u junab ri Josiy aretak xuchaplej ajawinic, juwinak julajuj (31) junab c'ut xajawin pa Jerusalen.

Ri Jeremiy 1:2

Ri Ajawaxel xtzijon ruc' ri Jeremiy aretak ri Josiy, u c'ojol ri Amon, c'o chupam ri roxlajuj u junab ri rajawinic puwi' ri Juda.

Ri Jeremiy 5:11

¡Ri Israel xukuje' ri Juda man e jic ta chwij! In, ri Ajawaxel, quinjiquiba' u bixic.”

Ri Jeremiy 11:10

E tzelejinak che quibanic ri junam tak macaj ri xequiban ri e qui mam, ri xquik'il quib che nu nimaxic, are' c'u xebequiterenej diosib xequik'ijilaj c'ut. Ronojel ri Israel xukuje' ronojel ri Juda quiyojim ri c'ulwächinic ri xinban cuc' ri e qui mam.

Ri Jeremiy 31:22

¿C'ä jampa' xak catwacatilobic, jacha' jun mialaxel ri xak tzokopital u colobal? In, ri Ajawaxel, nu winakirisam jun jasach c'ac' pa we uwächulew ri': jun ixok ri cutaquej jun achi.”

Ri Ezequiel 23:4

Ri nabeal Ahol u bi' (cuq'uexwächij ri Samar), are c'u ri Aholiab ri u chak' (cuq'uexwächij ri Jerusalen). In xebenc'am che wixokil, xequiya' nu c'ojol xukuje' nu mia'l.

Ri Osey 4:13

Pa tak ri qui chicajil tak ri juyub xukuje' chiquitza'm tak ri juyub quequiporoj c'oc' tak k'ol quequichi'j c'u tabal tok'ob, xukuje' c'u chquixe' ri utzalaj tak qui mujal tak bakit, ri sak lemob xukuje' tak ri räx che'. Rumal ri' ri e i mia'l e buxinak jacha ri cäquiban ri quech ri nim ch'utin, xukuje' tak ri e iwalib quekaj pa mac cuc' niq'uiaj chic.

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.

K'atal tak Tzij 2:17

Are c'u ri aj israelib man xeniman ta chque we c'amal tak be ri', man xquitakej ta u k'ijilaxic ri Ajawaxel, niq'uiaj diosib chic xequik'ijilaj. Ri e qui mam xequinimaj tak ri e u takanic ri Ajawaxel, ri e are' c'ut man je ta xquibano.

Salmib 106:39

xequitz'iloj c'u tak quib cumal tak ri e qui banoj xca'n ri cäcan ri quech ri nim ch'utin.

Ri Isaiy 57:3

Chixkeb ulok ix ri ix ral ri itzinel, ix rija'l jun achi ri xak cäkaj pa mac cuc' ixokib, xukuje' ri i nan ri quech nim ch'utin:

Ri Ezequiel 16:35

Rumal ri', quech nim ch'utin, chatatabej ri nu tzij: