Ri Jeremiy 3:23 - Quiché Bible

²³ Ri ka bic paquiwi' tak ri juyub man c'o ta cubij chke o ri u rakic ka chi' paquiwi' tak ri juyub; xuwi pa ri Ajawaxel ri ka Dios curik wi ri Israel ri u colotajic.

Ri Jeremiy 3:23 Referans Kwoze

Salmib 3:8

Lal, Ajawaxel, lal ri cujto'tajisan la; ¡tewichi'j ba' la ri tinimit la!

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Xuan 4:22

Ri ix man iweta'm taj ri quik'ijilaj. Ri uj keta'm ri cäkak'ijilaj. Rumal rech chi cuc' ri aj judeyib quel wi na ulok ri colobal ib.

Ri Osey 1:7

Are' c'u quel na nu c'u'x che ri rajawinic ri ri Juda: kas in, ri Ajawaxel ri u Dios, quinto'tajisaj na. Man quebeto'tajisaj ta c'ut rumal ri ch'o'j, xane' quinban na man ruc' ta q'uiakbal ch'ab, mawi ch'ich' re ch'o'j, mawi tak quiej, mawi tak ajquiejab.”

Ri Ezequiel 20:28

Aretak xebencoj chupam ri ulew ri xinban ri chi'nic ri kas cäban na, in chokinak chi quinya' chque, xuwi xtaki' qui wäch che jun juyub ri naj elinak chicaj o juwi' che' ri jewejak u xak, chila' quequichi'j wi tak ri e qui tabal tak tok'ob xukuje' chila' quequiya' wi tak ri qui sipanic ri sibalaj xquiyacbej woyowal, chila' xequiporoj wi tak ri c'oc'alaj tak qui k'ol xukuje' chila' xequijamij wi tak ri qui sipanic re u wa'l uva.

Ri Jeremiy 17:14

Chincunaj la, Ajawaxel, quincunataj c'u na; chincolo' la, quincolotaj c'u na, xuwi c'u ri lal quink'ijilan che la.

Ri Jeremiy 14:8

Eyebal u c'u'x ri Israel, ka Colonel pa tak ri c'axalaj tak k'ijol, ¿Jasche cäban ib la chi man lal ta aj tinimit, jacha' jun binel ri xak xuwi ta cacanaj che roc'owisaxic ri ak'ab?

Ri Jeremiy 3:6

Pa tak ri e u k'ijol ri ajawinel Josiy xubij ri Ajawaxel chwe: “¿La awilom ri xuban ri Israel ri man nimanel taj? Xbec xujach rib che u banic ri cuc'axic quib cuc' achijab ixokib che qui banic macunic puwi' ri juyub ri naj elinak chicaj xukuje' chuxe' ronojel che' ri e jewel u xak.

Ri Isaiy 63:16

Ri lal, lal ka tat. Pune' man cujuc'amowaj ri Abraham, mawi cujnataj ta che ri Israel, ri lal, Ajawaxel, lal ka tat kas ojer ulok lal torol kech.

Ri Isaiy 63:1

“¿Jachin wa' ri elinak ulok pa Bosra, u chuch ri Edom, ri tz'ajom ri ratz'iak ruc' quiäk, ri e u cojom je'lalaj tak ratz'iak petinak, ri cäbin ruc' xibibalalaj chuk'ab? In ri', ri quinya u bixic ri colomal, c'o c'u nimalaj nu cuinem che qui colic ri winak.

Ri Isaiy 45:20

“Chimulij iwib, chixpetok, chixkeb ulok iwonojel ri ix to'tajinak can pa tak ri tinimit. Xa' man c'o ta jas queta'm ri quequiwacatisaj tak ri e qui dios re che', quetz'onon c'u che jun dios ri man cäcuin ta quebucolo.

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Ri Isaiy 45:15

Lal c'u ne jun Dios ri man quilitaj taj, Dios, colol re ri Israel.

Ri Isaiy 44:9

Man c'o ta jun chque ri e banal tak diosib c'o ta jubik' quebajwataj ta wi, xukuje' ri e dios ri sibalaj lok' quequil wi man c'o ta jubik' qui patan. Ri quek'ijilanic e moy xukuje' e nimak tak con, rumal ri' quel na qui q'uixbal.

Ri Isaiy 43:11

Xuwi ri in in Ajawaxel man c'o ta chi jun cäcuinic cäcolonic we ma ta xuwi ri in.

Salmib 62:7

Pa u k'ab ri Dios c'o wi ri nu colotajic xukuje' ri u nimarisaxic nu k'ij; are' ch'ukul wech, xukuje' nu panibal.

E C'ambal tak Tzij 21:31

Ri winak cucolomaj ri quiej rech coc pa ri ch'o'j, are' c'u ri Ajawaxel, are' ri cäyo'w ri ch'äcanic.

Ri Jeremiy 17:2

Ri e awalc'ual quenataj tak ri porobal chque xukuje' ri tastalicalaj tak cuta'm ri que k'ijilaxic ri e c'o chquinakaj ri juwi' tak che' ri k'eku'm tak qui xak xukuje' paquiwi' tak ri juyub ri naj e elinak tak chicaj

Ri Jeremiy 31:7

Cächa ri Ajawaxel: “Chixbixon rumal quicotemal xukuje' jajatem rumal ri u tinimit ri Jacob, ri nim na u k'ij chquixo'l conojel ri nimak tak tinimit. Chibana' chi chtataj ri qui bixoj xukuje' chibij c'ut: ‘Ri Ajawaxel xucol ri u tinimit ri to'tajinak can che ri Israel.’

Ri Isaiy 10:20

Pa ri k'ijol ri', ri e quieb oxib ri e to'tajinak can che ri Israel, ri e u tz'akatil ri u tinimit ri Jacob ri e to'tajinak canok, man cäquito, ta chi na quib ruc' ri xbanow c'ax chque xane' co cäquitok'ej na quib che ri Ajawaxel, ri Tastalicalaj u Dios ri Israel.