Ri Jeremiy 3:19 - Quiché Bible

¹⁹ “Israel, in xinya' nu tzij che a c'amowaxic jacha' che walc'ual xinya' c'u jun ulew chawe ri carayixic, ri ulew ri sibalaj je'l na pa ronojel ri uwächulew. Xinchomaj c'ut chi quinbinaj na tataxel awumal chi mawi ta jumul xanajtajisaj ta awib chwe.

Ri Jeremiy 3:19 Referans Kwoze

Ri Jeremiy 3:4

Maja' naj oc'owinak xabij chwe: ‘Nu tat, rachil ri walc'alal,

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Isaiy 63:16

Ri lal, lal ka tat. Pune' man cujuc'amowaj ri Abraham, mawi cujnataj ta che ri Israel, ri lal, Ajawaxel, lal ka tat kas ojer ulok lal torol kech.

Hebreos 10:39

Ri uj c'ut man uj ta jun cuc' ri quetzelej chquij che u sachic qui wäch. Xane' uj jun cuc' ri c'o qui cojonic che u colic ri canima'.

Efesios 1:5

Ri Dios cujulok'ok'ej, u chomam c'u ulok ojer chi cujoc che ralc'ual ri are' rumal ri Jesucrist, are wa' ri u rayibal, xkaj c'u chuwäch chi je cubano.

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Daniel 11:45

quebujekeba' c'u ri kajebal aj ajawinel chuxo'l ri plo ruc' ri tastalic juyub re ri je'lical. Chila' c'ut copan wi na ri k'ijol re ri u cämical, man c'o ta c'u jachin jun cäto'wic.’ ”

Ri Daniel 11:41

Xukuje' coc na pa ri Ulew re ri Je'lical quebucämisaj c'u na q'uialaj winak; queto'taj c'u na ri e jekel pa Edom xukuje' ri e c'o pa Moab, q'ui c'u na ri cäto'taj na che ri rulewal ri Amon.

Ri Daniel 11:16

Ri ch'äcanel cuban na jachique ri cäraj cuc' ri e ch'äctajinak, man c'o ta c'u jachin cäcuin ta che qui k'atexic, cäcanaj c'u na can pa ri Ulew re ri Je'lical, cusachisaj c'u u wäch ronojel ri curik pa ri u be.

Ri Daniel 8:9

Che jun chque we uc'a' ri' xel chi ulok jun alaj uc'a', ri sibalaj xq'uiy apan che ri u mox elebal k'ij, che ri elebal k'ij xukuje' che ri Ulew ri re ri Je'lical.

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ri Jeremiy 12:10

E q'ui c'ämal tak be ri e c'ulel qui sachisam u wäch ri nu ticbal uva, qui xak'alem ri nu juyub. Xquiban jun tolotic chaki'j uwo sak che ri ulew ri sibalaj lok' na chnuwäch.

Ri Jeremiy 5:7

Ri Ajawaxel je cubij wa': “¿Jas ta che quensacha' a mac che ronojel wa'? Ri e awalc'ual in qui tzakom canok, cäquiban c'ut ri chi'nic ri kas cäban na pa qui bi' ri diosib ri man c'o ta qui cuinem. Xintz'ebej ri caquitijo man c'u jic taj xebin chnuwäch pa tak mulaj c'ut xquijach quib che u banic ri mac tak ri nim ch'utin.

Ri Isaiy 64:8

Pune' c'u jewa' banom la chke, lal ri lal ka tat, Ajawaxel; uj ri uj t'ac, lal, ri lal banal lak; konojel uj bantajinak umal la.

E C'ambal tak Tzij 3:35

Ri nimarisabal k'ij are ri caquich'äc ri ajno'jab, ri man c'o ta qui no'j are caquich'äc ri qui q'uixbal.

Salmib 106:24

Chumatam chic, man nim ta xquil wi jun je'lalaj ulew, man c'u xecojon ta che tak ri e u chi'nic ri Dios;

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

Salmib 16:6

Je'lalaj c'olbal nu rikom; ¡utzalaj echbal xya'taj chwe!

Salmib 89:26

Ri are' cubij na chwe: ‘Lal ri lal nu tat; lal nu Dios ri quincolowic xukuje' quinuch'uku.’

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Ri Jeremiy 33:9

Ri Jerusalen cux na chwe che jun yabal quicotemal, nimarisabal k'ij, xukuje' juluwem chquiwäch conojel ri nimak tak tinimit ri e c'o cho ri uwächulew. Aretak ri e are' chequita' qui tzijoxic conojel tak ri utzalaj tak jastak ri quinc'am na ulok paquiwi' ri winak ri e c'o pa Jerusalen, xukuje' ronojel ri telechinic ri quenya' na che, quebirbob na rumal xe'n ib.”

U Camulixic ri Pixab 14:1

“Ix ri ix ralc'ual ri Ajawaxel ri i Dios. Misoc iwib, mawi miban tol che ri i jolom chiwäch aretak c'o jachin cäcämic.