Ri Jeremiy 3:16 - Quiché Bible

¹⁶ Aretak c'u ri ix ix q'uiyirinak chic chupam ri ulew, e q'ui chi c'ut ri e iwalc'ual e c'olic, man c'o ta chi c'u jun c'o ta chi jas cubij chrij ri caxa rech ri u c'ulwächinic ri Ajawaxel; man c'o ta chi c'u jun cachoman ta chi che mawi canataj ta chi che; man cajwataj ta chi c'ut mawi cäban ta chi jun c'ac'. In, ri Ajawaxel, quinya' ri nu tzij.

Ri Jeremiy 3:16 Referans Kwoze

Ri Ezequiel 37:26

Quinban na jun c'ulwächinic cuc' che u jiquibaxic ri ruc'axic jun c'aslemal pa utzil. Jun junalic c'ulwächinic wa'. Quinban na chi sibalaj caq'uiyir ri cajilabal, quincoj c'u na ri tastalicalaj wachoch pa qui niq'uiajil.

Ri Isaiy 65:17

Chiwilampe', in quinban na jun c'ac' caj xukuje' jun c'ac' ulew. Ri re ojer man cänatax ta chi na, man c'o ta chi jun cänatan chi na.

Ri Matey 3:9

Michomaj u bixic pa iwanima': ‘Ri Abraham are' ri ka mam.’ Quinbij c'u chiwe, chi ri Dios cäcuinic cuban rija'l ri Abraham chque tak we abaj ri'.

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Ri Jeremiy 30:19

Chque c'ut quebel wi na ulok tak bix chque re maltioxinic xukuje' tak tze' re quicotemal. Man c'u cäbe ta qui q'uisic, quinban c'u na in chi queq'uiyiric. Man quetzelax ta na qui wäch rumal rech chi quinya' na qui k'ij.

Ri Isaiy 61:4

Caban chi na qui banic ri e k'e'l tak yojyobic, queyac chi na nimak tak ja ri sibalaj ojer chic e tzakinak, cäban chi na qui banic ri tinimit tak ri e etzelatajinak.

Ri Isaiy 60:22

We ch'utinalaj jumuk' ri' cäq'uiyir na pa jun mil; we quieb oxib ri' quebux na jun nimalaj nimak tak tinimit. In ri' ri Ajawaxel, quinban na chi cäbantaj wa' chanim kas pa ri u k'ijol.”

Ri Matey 1:11

Ri e u c'ojol ri Josiy are' ri Jeconiy, xukuje' ri e rachalal, pa ri k'ijol aretak xebek'axex ri aj Israel pa Babilon.

Ri Soponiy 3:11

Pa ri k'ijol ri', nu tinimit, man catnoj ta chi na che q'uixbal che ta jun chque tak ri banoj ri xebac'ululebej wech, quebenwesaj c'u na chawe ri nimarisabal tak ib xukuje' ri banoj tak nimal, mawi chi c'u jumul quebac'ut ta chi na ri qui banic nimal chupam ri tastalicalaj nu juyub.

Ri Amos 9:9

Quenya' takanic chi ri rachoch ri Israel cäseyic jacha' ri caban che ri u seyic ri trico pa jun seyebal, man c'o ta c'u jun u bak'wäch trico cätzak ta pa ulew.

Ri Jeremiy 31:27

Ri Ajawaxel cujiquiba' u bixic: “Cäpe na jun k'ij aretak quinban na chque pok'colij ri winak xukuje' tak ri awaj pa Israel xukuje' pa Juda.

Ri Jeremiy 7:4

Mijiquiba' i c'u'x chquij tak ri quixsubuwic je caquibij wa': ¡Waral c'o wi ri rachoch ri Ajawaxel, waral c'o wi ri rachoch ri Ajawaxel!

Ri Jeremiy 3:17

Ri Jerusalen cabinax c'u na u tem re ajawibal ri Ajawaxel; conojel c'ut ri nimak tak tinimit caquimulij na quib chila' che u ya'ic nu k'ij, man caquitakej ta chi na ruc' taquil ri e itzel tak qui chomanic tak ri canima'.

Ri Ezequiel 15:5

We aretak c'ä wocolic man c'o ta jas u patan, ¡e ta chi c'u lo ri camic ri c'atinak chic jas ta chi cupatanij!