Ri Jeremiy 3:12 - Quiché Bible

¹² Jät jaya' u bixic wa' ri xinbij chawe cäbe a wäch pa ri riquiak'ab ri elebal k'ij: ‘Ri Ajawaxel cujiquiba' u bixic: ¡Chattzelej ulok wuc', Israel c'ulelanel! Man xak ta c'ax chwe catinc'amowaj mawi quinjekeba' ri woyowal amak'el chbe k'ij sak, rumal rech chi in aj utzil. In ri Ajawaxel, quiya' ri nu tzij.

Ri Jeremiy 3:12 Referans Kwoze

Ri Ezequiel 33:11

Are' c'u ri in, ri Ajawaxel, quinban ri chi'nic ri kas cäban na rumal ri nu c'aslemal chi man quinwaj taj ri u cämical ri banal etzelal, xane' chuq'uexa' ri u c'aslemal c'asal c'ut. Israel, chaya' can we c'aslemal ri' ri awuc'am. ¿Jas ta c'u che catcämic?’

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Ri Jeremiy 33:26

mawi jubik' chinwetzelaj ta na qui wäch ri e rija'lil ri Jacob xukuje' ri e rech ri David ri pataninel wech, mawi quinya' ta c'olbal chi quebesax ta chquixo'l ri quetakan paquiwi' ri e rija'lil ri Abraham, ri Isaac xukuje' ri Jacob. Rumal rech chi ri in quel na nu c'u'x chque quinban c'u na chi caq'uextaj ri caquitaklebej.”

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Jeremiy 3:18

Aretak chopan ri k'ij ri', ri Juda cujunaj na rib ruc' ri Israel, junam c'ut quetzelej na ulok caquiya' can ri ulew ri c'o pa ri riquiak'ab ri elebal k'ij, queboc chupam ri ulew ri xinya' jacha' che echbal chque ri e i mam ix.”

Ri Jeremiy 30:11

In, ri Ajawaxel, quinjiquiba' u bixic chi in c'o awuc' che a to'tajisaxic. Quebensachisaj na qui wäch ri nimak tak tinimit ri xatinjabuj chquixo'l. Man c'u quinsachisaj ta na a wäch at; xuwi quinc'äjisaj a wäch jas ri takal chawe: man catinya' ta canok we ta mat quinc'äjisaj a wäch.”

Ri Jeremiy 23:8

xane' queban na chi'nic ri kas cäban na, quecha': ‘Rumal ri u c'aslemal ri Ajawaxel, ri xebesan ulok ri e rija'lil ri Israel, pa ri ulew re ri riquiak'ab ri elebal k'ij xukuje' pa conojel ri jule' tak ulew chic jawije' tak ri xeben jabuj wi' tak.’ Quejeki' c'u na chupam ri kas culew.”

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Jeremiy 3:5

¿la amak'el c'o oyowal la? ¿La cäbeytaj ri oyowal la chbe k'ij sak?’ C'ä cätajin cabij wa', cätajin c'u caban ronojel ri etzelal ri catcuin che u banic.”

Salmib 145:8

Ri Ajawaxel ch'uch'uj xukuje' quel u c'u'x; c'o u coch'onic, ronojel c'ut lok'ok'ebal c'uxaj.

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Ucab Ajawinelab 18:1

Pa ri urox junab re ri rajawinic ri Osey, u c'ojol ri Ela, ajawinel re Israel, ri Ezequiy, u c'ojol ri Acaz, ajawinel re Juda, xuchaplej ajawinic.

Ucab Ajawinelab 17:23

Chuq'uisbalil c'ut ri Ajawaxel xresaj na ri Israel chuwäch, jacha' ri u yo'm u bixic cumal conojel tak ri e k'axal u tzij, ri e pataninel tak rech, je c'u ri' ri e aj Israel e yutuyuj xec'am bic pa Asiriy, ri c'ä e c'o chila' camic.

U Camulixic ri Pixab 30:2

we c'u quixtzelej ruc' ri Ajawaxel, quixniman che ruc' ronojel iwanima' xukuje' ruc' ronojel ri i c'aslibal ri ix xukuje' tak ri e iwalc'ual, quiban c'ut jas ri takanic ri nu yo'm chiwe camic,

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Ri Ezequiel 39:25

Rumal ri' in, ri Ajawaxel, quinbij: Camic quel na nu c'u'x che ronojel ri tinimit Israel, ri e rija'lil ri Jacob. Quenbana' chi cuq'uex ri cutaklebej, che u cojic chuk'ab chi chyok u k'ij ri tastalicalaj nu bi'.

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Ri Jeremiy 3:14

Ri Ajawaxel cujiquiba' u bixic: “Chixtzelej ulok walc'ual c'ulelanelab, in c'ut ri in Iwajaw. Quinmajij na jun pa jujun tak tinimit xukuje' cacab c'ut pa jujun tak ja winak, quinban c'u chque chi quetzelej na pa Sion.

Ri Jeremiy 3:7

In xinchomaj chi, chwi' ronojel ri u banom, cätzelej na ulok wuc'; man c'u xtzelej taj. Ri rachalal, ri man jic taj ri Juda, xril wa';

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Isaiy 44:22

Ri in e nu sachom chi tak ri a sachinakil xukuje' tak ri a mac, jas ri cuban ri sutz' cäsachic. Chattzelej ulok wuc', at nu torom c'ut.”

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

Salmib 103:17

Are c'u ri u lok'ok'ebal c'u'x ri Ajawaxel re chbe k'ij sak chque ri queyo'w u k'ij; ri u suq'uil man c'o ta u q'uistajic chque pa conojel ri ija'lil,

Salmib 103:8

Ri Ajawaxel ch'uch'uj xukuje' quel u c'u'x; c'o u coch'onic xukuje' nojinak che lok'ok'ebal c'uxaj.

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Ucab Tzijobelil 30:9

We ri ix quixtzelej ruc' ri Ajawaxel, ri e c'ulel ri e c'o ri e iwachalal ri e c'o chuxe' ri qui takanic camic xukuje' tak ri e i c'ojol cätok'obisax na qui wäch cumal quequitzokopij na ulok rech quetzelej ulok pa we ulew ri', rumal rech chi ri Ajawaxel, ri i Dios, cätok'ok'obisan wächaj xukuje' quel u c'u'x man c'u quixuxutuj taj, we ri ix quixtzelej ruc'.”

Ucab Ajawinelab 17:6

Chuq'uisbal, pa ri ubelej junab ri rajawinic ri Osey, ri ajawinel re Asiriy xuban rech che ri Samar, aretak c'ut ri e aj israelib xebuc'am bic pa Asiriy xebujekeba' c'ut pa Halah pa ri rulew ri Habor, nima' re Gozan, xukuje' pa ri qui tinimit tak ri aj Medib.

Ucab Ajawinelab 15:29

Pa ri k'ijol aretak ri Pek are' ajawinel pa Israel, xopan ri Tiglat-pileser, ajawinel re Asiriy, xuch'äc ri Ijon, ri Abel-bet-maac, ri Jano, ri Seds, ri Azor, ri Galaad, ri Galiley xukuje' ronojel ri rulew ri Neptali, xukuje' ri winak ri e chupam xebuc'am bic che patanijic pa Asiriy.

Chapletajic 4:7

We ta utz ri cäbano, catcuin ta ri' cawalijisaj ri a palaj; we c'u man utz ri cabano, ri mac xak at reyem jampa' cätkaj pa u k'ab. Catcuin c'u ne che ch'äcanic puwi'.”

Aj Levitib 26:40

Pune' ri ix quicoj na iwib chupam ri iwetzelal, xukuje' ri quetzelal ri e i mam, xukuje' ri man qui jiquil taj xukuje' ri qui c'ulelanic chwe,

Salmib 103:9

Man xak ta amak'el cujuyajo xukuje' ri royowal man cäbeytaj taj;

Ri Jeremiy 11:6

Xubij c'ut ri Ajawaxel chwe: “Chaya' u bixic we tzijol ri' pa tak ri tinimit re Juda xukuje' xo'l tak ri ja pa Jerusalen. Chabij chque ri winak: ‘Chebitatabej jachique tak ri cubij ri c'ulwächinic, chebitz'akatisaj c'ut qui banic.

Ri Jeremiy 12:15

Aretak c'u e boktajinak chic quel chi na nu c'u'x chque, quinban c'u na chque chi quetzelej chupam ri kas quechbal xukuje' chupam ri culew.

Juyuwem 3:22

Ri u lok'ok'ebal c'u'x ri Ajawaxel man c'o ta u q'uisic, mawi quetzaj taj ri e rutzil.

Ri Ezequiel 11:17

Chabij chque xukuje': ‘Are' wa' ri cubij ri Ajawaxel: Ri in quinban na chque chi quebel ulok pa tak ri ulew, pa ri e nimak tak tinimit jawije' tak ri e nu jabum wi, quebenmulij c'u na quinya' chi c'u na ri rulew ri Israel chque.

Ucab Tzijobelil 29:10

Je c'u ri' nu yo'm nu tzij che u banic jun c'ulwächinic ruc' ri Ajawaxel, ri u Dios ri Israel, rech cupac ri royowal pakawi'.

Ri Isaiy 31:6

Ralc'ual tak ri Israel, chixtzelej ruc' ri c'ax ix ch'awinak che.

Ri Jeremiy 31:21

Israel, chebacojo' retal ri be, rech man c'ax ta caban chic che u rikic; kas utz rilic ri be chabana' ri xabinibej. ¡Chattzelejok, tinimit re Israel, chattzelej chquipam ri e a tinimit!

Ri Zacariy 1:4

Miban iwe ri xquiban ri e i mam, ri xbix chque cumal ri ojer tak k'axal tzij chi in xinbinic chi chquitzaka' canok ri itzel qui c'aslemal xukuje' ri e itzel tak qui banoj, e are tak c'u wa' man xcaj taj, xinquitatabej taj, mawi xquiya' ta qui xiquin chwe. In, ri Ajawaxel, quinjiquiba' u bixic.