Ri Jeremiy 3:10 - Quiché Bible

¹⁰ Bantajinak chi c'u ronojel wa', ri Juda ri man jic taj mawi xutzelej ta rib wuc' ruc' ronojel ri ranima', xane' xa' subunic xuban chnuwäch. In, ri Ajawaxel quinjiquiba' u bixic.”

Ri Jeremiy 3:10 Referans Kwoze

Ri Osey 7:14

Pune' ta c'u ne caquirak qui chi' aretak e kajinak pa ch'at, man ruc' ta c'ut ri canima' quinquinataj. Che u tz'onoxic trico xukuje' u wa'l uva quequisocola' tak quib ¡Quiwalijisam quib chwij!

Ri Jeremiy 12:2

Lal xelic la caquitzokopij c'ut ri qui ra'b pa ri ulew, queq'uiyic, caquiya' c'ut wächinic. Che ri qui chi' nakaj lal c'o wi chque are c'u ri che ri canima' naj e c'o wi che la.

Ri Isaiy 10:6

Quintak c'u che u banic c'ax che jun tinimit ri man nimanel taj, che u banic c'ax che jun nim tinimit ri cuyac woyowal, rech cäreläk'aj xukuje' cäresaj ronojel ri u k'inomal, rech cuxak'alej jacha' ri t'ac pa tak ri be.

Salmib 66:3

chibij che ri Dios: “Ri jastak ri e banoj la e mayibal. Rumal ri nimalaj cuinem la ri e c'ulel la quixe'n quib quetzak na chwäch la;

Salmib 18:44

Aretak cäquita' ri nu ch'abal queniman chwe; winak ri man e nu winakil taj cäquiya' nu k'ij,

Ucab Tzijobelil 34:33

Ri Josiy xuk'il qui banic ri xawebalalaj tak banoj ri queban pa ronojel ri culewal tak ri aj israelib, xuban c'ut chi conojel ri queriktaj pa Israel chiquiya' k'ijilaxic che ri Ajawaxel ri qui Dios. Joropa' c'u k'ij xc'asi' ri are', man xquitas ta quib chrij ri Ajawaxel, ri qui Dios ri e qui mam.

Ri Isaiy 31:6

Ralc'ual tak ri Israel, chixtzelej ruc' ri c'ax ix ch'awinak che.

Ri Jeremiy 11:10

E tzelejinak che quibanic ri junam tak macaj ri xequiban ri e qui mam, ri xquik'il quib che nu nimaxic, are' c'u xebequiterenej diosib xequik'ijilaj c'ut. Ronojel ri Israel xukuje' ronojel ri Juda quiyojim ri c'ulwächinic ri xinban cuc' ri e qui mam.

Ri Amos 4:9

“K'ak'alaj tak quiakik' xinrapubej quech che u c'äjisaxic qui wäch xukuje' banbal tak c'ax, xinbano chi xechaki'jar tak ri e iwichaj xukuje' tak ri e i uva ri e i ticom ri sac' xequitij tak ri e u che'al tak ri i higo xukuje' tak ri e u che'al tak ri iwaseitun, ¡e are' tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Isaiy 29:13

Ri Ajawaxel xubij chwe: “We tinimit ri' xak caquitzijoj chi quinquipatanij cäquiya' c'u nu k'ij xak ruc' ri qui chi' naj c'u c'o wi ri canima' chwe, ri k'ijilanic ri cäquiya' chwe xak winak e chomaninak, quicojom c'u pa qui jolom.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Malaquiy 2:11

Ri Juda man jic taj xbin chuwäch ri Dios, queban c'u xibibalalaj tak jastak pa Jerusalen xukuje' pa Israel. Ri Juda rawasim ri u tastajic ri rachoch Dios ri lok' chuwäch ri Ajawaxel, e are tak c'ut ri achijab aj Juda e qui c'amom tak ixokib che quixokil ri quequik'ijilaj tak diosib ri e subunelab.