Ri Jeremiy 3:1 - Quiché Bible

¹ Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Ri Jeremiy 3:1 Referans Kwoze

Ri Ezequiel 16:26

Xatijoj awib che u banic ri cäquiban ri quech ri nim ch'utin cuc' tak ri e a c'ulja, ri aj Ejipt ri sibalaj c'o qui cuinem che ri macunic jacha ri cäquiban ri quech ri nim ch'utin, xa' walijisaj c'ut ri woyowal cumal tak ri e a macunic che nim ch'utin amak'el.

Ri Jeremiy 4:1

Ri Ajawaxel cujiquiba' u bixic: “We cawaj cattzelejic, Israel, wuc' in rajawaxic cattzelej wi. We quebinajtajisaj ri e xawebal tak e diosib chawe man catas ta c'u awib chwij,

Ri Jeremiy 2:20

“Kas ojer ulok in a c'ulelam ulok, xak'il awib che nu nimaxic. Je xa bij wa': ‘Man quinwaj taj quinpatanijic.’ Puwi' conojel u tza'm ri juyub ri naj elinak chicaj xukuje' chuxe' ronojel che' ri jewel u xak xajach wi awib che ri cuc'axic quib cuc' achijab ixokib che qui banic macunic.

Ri Osey 1:2

Ri Ajawaxel je u chaplexic u ya'ic wa' ri xraj xuya' u bixic ruc' ri u to'banic ri Osey: “Ri winak ri e c'o pa rulew ri Israel quibanom ri qui mac ri e quech ri nim ch'utin, qui tasom quib chwij, in quiyo'm canok. Je c'u chabana' at, jät chac'ama' jun ixok quech nim ch'utin che awixokil, chec'ol c'u a c'ojol ruc'; jeri' we alabom ri' quebux na ral jun ixok quech nim ch'utin.”

Ri Ezequiel 33:11

Are' c'u ri in, ri Ajawaxel, quinban ri chi'nic ri kas cäban na rumal ri nu c'aslemal chi man quinwaj taj ri u cämical ri banal etzelal, xane' chuq'uexa' ri u c'aslemal c'asal c'ut. Israel, chaya' can we c'aslemal ri' ri awuc'am. ¿Jas ta c'u che catcämic?’

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Ri Jeremiy 3:9

Man c'o ta c'u k'atibal xurik che ri u banic, chi xuxok'olij ri ulew. Man jic taj xbin chnuwäch xebuk'ijilaj tak ri abaj xukuje' ri juwi' tak che'.

Ri Jeremiy 2:23

¿Jasche catcuinic cabij: ‘Man nu tz'ajom ta wib mawi e nu k'ijilam subunelalaj tak diosib?’ Chawila' jas ri a c'aslemal ri xawuc'aj pa ri beya', chawila' ronojel ri a banom at, ati't camey ri aninak caxiq'uinilok pa ronojel ri cabe wi;

K'atal tak Tzij 19:2

Xoyowar c'u ri ixok ruc' ri aj Levi, xtzelej c'u ri ixok xec'ol pa Belen ruc' ri u tat. Aretak c'o chi quiejeb ic' chila',

Ri Miquey 2:10

Chixwalijok chitakej ri i be, chi we c'olbal ri man che ta uxlanibal; sibalaj nim ri etzelal ri c'o chupam, chi chuwirinak ronojel.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Jeremiy 2:7

Ri in xixinc'am ulok pa we ulew ri' ri wächinel, rech quebitij tak ri e u wächinic xukuje' ri utzalaj tak jastak ri quequiyao. Xixpe c'ut ix xiwawasij ri wulew, xiban chwe chi xmuluw nu c'u'x che we ulew ri', ri wech.

Ri Isaiy 24:5

Ri ulew awasim cumal ri winak ri e c'o chuwäch, rumal rech chi qui k'ilom quib che qui banic ri caquibij ri pixab, man e qui nimam ta ri takanic, quekle'n ri junalic c'ulwächinic.

U Camulixic ri Pixab 22:21

quesax ulok chuchi' ri rachoch ri u tat cäbuc' chabaj cumal ri e u winakil c'ä cäcäm na, rumal rech ri nimalaj mac ri u banom pa Israel xukuje' resam u q'uixbal ri u tat. Je chibana' wa' rech cäsach u wäch ri etzelal ri cäban chixo'l.

Ri Matey 5:31

“Xukuje' xbix canok: ‘Apachin ri cujach bic ri rixokil, chuya' bic jun wuj che ri cubij wi chi jachom.’

Salmib 106:38

Xequitix quic' ri man e c'o ta qui mac, ri e qui quiq'uel ri e qui c'ojol xukuje' tak ri e qui mia'l xequiya' che tabal tok'ob chquiwäch ri e qui diosib ri aj cananeyib. Ri ulew xtz'ilotaj rumal ri qui quiq'uel,

Ri Jeremiy 22:20

“¡Juda chatpakal puwi' ri juyub Libano charaka' c'u a chi'! ¡Chawalijisaj ri a ch'abal chque tak ri c'ache'laj re Basan! ¡Charaka' a chi' kas paquiwi' tak ri juyub re Abarim, conojel c'ut ri at qui lok' e ch'äcatajinak!

Juyuwem 1:2

Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Ri Osey 2:2

Ri Ajawaxel cubij: “¡Chic'ulelaj ri i nan, chic'ulelaj, rumal rech chi ri are man wixokil ta chic mawi ri in man in ta chi rachajil! ¡Chuk'ila' c'u u c'utic rib jacha' ri quech ri nim ch'utin! ¡Chebupakchi'j tak ri e rach ch'aben cho tak u c'u'x!

Ri Jeremiy 31:22

¿C'ä jampa' xak catwacatilobic, jacha' jun mialaxel ri xak tzokopital u colobal? In, ri Ajawaxel, nu winakirisam jun jasach c'ac' pa we uwächulew ri': jun ixok ri cutaquej jun achi.”

Ri Ezequiel 16:30

In, ri Ajawaxel, quinjiquiba' u bixic: ¡Sibalaj nim ri yabilal ri c'amowinak ri awanima' chi queban conojel ri quebuban jun quech nim ch'utin ri man c'o ta u q'uixbal!

Ri Ezequiel 16:35

Rumal ri', quech nim ch'utin, chatatabej ri nu tzij: