Ri Jeremiy 27:9 - Quiché Bible

⁹ Rumal ri', minimaj ri caquibij we e k'axal tak tzij chiwe, ch'obonelab o e k'alajisal tak ichic', mawi chque tak ri itzinelab ri quesubun che u bixic ri c'ä maja' cäpetic ri cäcoj i c'u'x cumal chi man qui coj ta iwib chuxe' ri u takanic ri ajawinel re Babilon.

Ri Jeremiy 27:9 Referans Kwoze

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Jeremiy 29:8

In, ri Ajawaxel ri c'o ronojel u cuinem, ri u Dios ri Israel, quinya' u bixic wa' chiwe: Miya' iwib chi quixquisub ri e k'axal tak tzij xukuje' ri ch'obanelab ri e jekel chixo'l ix; miya' i xiquin chque tak ri ichic' ri quequibanala'.

Ri Isaiy 8:19

Cäquibij c'u ne na ri winak chiwe: “Chita' i no'j chque ri cuxlabal ri cäminakib, xukuje' chque ri ch'obonelab ri quewululic, ri quelalatic. Jun tinimit ¿la ma ta pa cuta' u no'j chque ri e u diosib, xukuje' chque ri cäminakib che qui pixbexic ri e c'asc'oj,

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

Apocalipsis 9:21

Mawi ne xequitanaba' ta ri cämisanic, ri itzinic, ri xak cäcuc'aj quib cuc' achijab ixokib che qui banic macunic, mawi ne ri e eläk'anic.

Hechos 8:11

Xquitatabej ri u tzij, rumal rech chi e u subum ulok ruc' ri ritzibal.

Ri Miquey 3:7

Wa queca'y pa che' pa abaj ri xukuje' e ch'obonelab quecanaj can pa jun tz'akatalaj conil. Conojel man quech'aw ta chic aretak man catzelex ta u wäch qui tzij rumal ri Dios.

Ri Jeremiy 23:32

Quink'alajisaj wib chi quebenc'ulelaj we e k'axal tak tzij ri' ri quequitzijoj tak ichic' ri xa' e re banoj tak tzij; ri cuc' tak ri qui banoj tak tzij xukuje' tak ri qui no'j quequibano chi ri nu tinimit caquijech'obisaj ri qui be. In man e nu takom ta bic mawi c'o ta jun takanic nu yo'm ta chque, jeri' man e ta ticarel che u to'ic ri tinimit. In, ri Ajawaxel, quinjiquiba' u bixic.”

Ri Jeremiy 23:25

Ri in nu tom ri xquibij tak we e k'axal tak tzij, xquik'axaj banoj tzij pa ri nu bi', je c'u caquibij wa: xtzijon wuc' pa ichic'.

Ri Jeremiy 23:16

Cächa ri Ajawaxel ri c'o ronojel u cuinem: “Aj israelib, miya' i xiquin che ri cäquibij ri e k'axal tak tzij. Ri caquibij xa' e banoj tak tzij, jastak ri xak pa tak qui jolom cäpe wi, chi ri in man nu yo'm ta u bixic chque.

Ri Josue 13:22

Ri aj israelib xquicämisaj c'u ne ri ch'obonel Balaam, ri u c'ojol ri Beor, xukuje' e q'ui niq'uiaj chic.

U Camulixic ri Pixab 18:14

We nimak tak tinimit ri', ri quixoc che rechbexic ri culew, caquiya' qui xiquin chque ri ruc' subunic caquiya' u bixic ri petinak xukuje' chque ri ch'obonelab, are c'u chiwe ix ri Ajawaxel ri i Dios man cuya' ta chiwe chi quiban we etzelal ri'.”

Elem 7:11

Xtakan c'u ri ajawinel che qui siq'uixic ri e u ch'obonelab xukuje' ri rajk'ijab, xquiban c'u que ri mayibal ruc' ri qui tzibal:

Ri Zacariy 10:2

Ri qui tzij ri e diosib xa' e banoj tzij, ri quequil ri ch'obonelab xa e subunic. Ri caquiya' tak qui bixic chi quec'ulmatajic xa' e ichic' ri man c'o ta qui bel, xukuje' tak ri qui tzij ri quequiya' cu'bisabal c'uxaj xak e tetoj qui pam. Rumal ri' ri tinimit xak cätancaric jacha' ta ne jumulaj chij, curik c'ax u mac rech chi man c'o ta rajyuk'.

Efesios 5:6

C'o jun mixsubuw ruc' tak tzij ri man c'o ta qui patan. Cumal c'u we jastak ri' cäpe ri royowal ri Dios paquiwi' ri man queniman taj.

Elem 22:18

Mic'asba' ri ixok ajitz.

E C'ambal tak Tzij 19:27

Nu c'ojol, we man catoc il che ri k'iloj ib catas na awib chquij ri utzalaj tak yo'w no'j.

Ri Ezequiel 21:29

Ri e qui c'utwächinic tak xa' e u cawäch tak, xukuje' ri quequiya' tak u bixic chi quec'ulmatajic xa' e banoj tak tzij. Ri ch'ich' re ch'o'j cäkaj na puwi' ri qui kul we banal tak etzelal ri' e banal tak il. Canakajin chic ri jok'otaj che ri q'uisbal u c'äjisaxic a wäch.

Ri Daniel 4:7

Xepe conojel ri ajk'ijab, ri ajch'obonelab, ri ajno'jab xukuje' ri ajch'imilab aj babilonib, xintzijoj c'ut ri ichic' chque, man c'u xecuin taj xquibij chwe ri quel cubij chwe.

U Camulixic ri Pixab 13:2

we c'u ne je cäc'ulmatajic jas ri u yo'm u bixic, cubij ta c'u chiwe: ‘¡Jo', chekaterenej jule' tak diosib chic ri man iweta'm ta qui wäch, chekak'ijilaj c'ut!’