Ri Jeremiy 27:7 - Quiché Bible

⁷ Conojel ri nimak tak tinimit quec'oji' na chuxe' ri u takanic ri are', ri u c'ojol, ri ri' u mam, c'ä copan c'u na ri k'ij aretak ri u nimak tak tinimit cac'oji' na chquixe' ri qui takanic nimak tak tinimit xukuje' tak ajawinelab ri e c'o tak qui cuinem.

Ri Jeremiy 27:7 Referans Kwoze

Ri Jeremiy 52:31

Pa ri k'ij juwinak job (25) re ri ucablajuj (12) ic' re ri junab juwinak wuklajuj (37) re ri resaxic bic ri Joaquin ajawinel re Juda, xuchaplej ajawinic pa Babilon ri ajawinel Ebil-merodac, ri xutok'obisaj u wäch ri Joaquin xresaj c'u pa ri che',

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Ri Habacuc 2:7

Aretak man aweyem taj, quebopan na ri tok'il tak a c'as, cac'astaj c'u na qui wäch ri are cacaj catquic'axc'obisaj catquich'anaba' c'u canok.

Ri Isaiy 21:9

Quinwil c'ut chi petinak jun carwaj jururem cumal quieb quiej.” C'o c'u jun je xubij wa': “¡Xkaj ri Babilon, xkaj ri Babilon! Conojel tak ri e qui wächbal ri e qui diosib xecanaj cho ri ulew xquiban ch'akatak.”

Ri Isaiy 13:1

Tzij tak ri caquiya' u bixic ri cuc'ulmaj na ri Babilon, ri xek'alajisax che ri Isaiy, u c'ojol ri Amoz:

Salmib 37:13

Ri Ajawaxel xa cutze'j u wäch reta'm c'ut chi ri banal etzelal cänakajin ri u k'ij.

Ri Jeremiy 27:22

‘Quec'am na bic pa Babilon, chila' c'u quecanaj wi na c'ä jampa' ri quinwaj queben c'am na ulok quebentzelej c'u pa we c'olbal ri'. In, ri Ajawaxel, quinjiquiba' u bixic.’ ”

Ri Jeremiy 34:1

Aretak ri Nabucodonosor, rajawinel re Babilon, e rachil conojel ri rajch'ojab e re conojel qui wäch winak e re conojel ri nimak tak tinimit re ri ulew ri e c'o chuxe' ri u takanic, cätajin quech'ojin ruc' ri Jerusalen xukuje' cuc' conojel ri c'ulja nimak tak tinimit, ri Ajawaxel xutzijobej ri Jeremiy, xubij c'u che:

Ri Jeremiy 44:30

In quinjach na ri paraon Opra, ajawinel re Ejipt, pa qui k'ab ri e u c'ulel ri e cämel, je jacha' ri u jachic ri Sedequiy, ajawinel re Juda, pa u k'ab ri Nabucodonosor, ajawinel re Babilon, ri cämelalaj u c'ulel.’ ”

Ri Jeremiy 46:13

Ri Ajawaxel xutzijobej ri Jeremiy, k'axal tzij, aretak ri Nabucodonosor, ajawinel re Babilon, chpe che u banic ch'o'j ruc' ri Ejipt:

Ri Daniel 2:37

Ri lal, are' ri sibalaj lal nim na chquiwäch conojel tak ri ajawinelab, rumal rech chi are' ri Dios ri c'o pa ri caj yowinak ajawinic che la, ri cuinem, ri chuk'ab, ri u nimarisaxic k'ij la.

Ri Daniel 4:22

we che' ri', kas lal ri' ajawinel, ri q'uiyinak la, ri uxinak sibalaj nim chuk'ab la. Ri nimalil la, nimarinak ri u rikom ri u chicajil ri caj, ri ajawinic la u lic'om rib c'ä puwi' ronojel ri uwächulew.

Ri Habacuc 2:8

Ri nimak tak tinimit caquimulij na quib chawij che u banic c'ax chawe catquitoloba' c'u na canok jacha' ri xaban at che qui tolobaxic ri e are'. Caquiban na chawe chi quebatoj tak ri il patan ri e a banom, ri tokinic tak ri xebaban pa ri ulew che u banic c'ax chque ri tinimit tak xukuje' ri winak ri e c'o chquipam.

Ri Ezequiel 30:24

Quenya' qui chuk'ab ri e u k'ab ri ajawinel aj Babilon, quenya' ri nu ch'ich' re ch'o'j pa u k'ab ri ajawinel aj Babilon, quenya' ri nu ch'ich' re ch'o'j pa u k'ab. Quebenk'aja' ri u k'ab ri paraon, cäch'ach'at c'u na aretak cuna' rib chi socotajinak chuwäch ri c'ulel.