Ri Jeremiy 27:5 - Quiché Bible

⁵ Ruc' nimalaj u liq'uic cuinem xinban ri uwächulew, ri winak xukuje' ri awaj ri e c'o puwi', quincuin c'ut quinya' che apachin che ri quinwaj wi.

Ri Jeremiy 27:5 Referans Kwoze

Ri Jeremiy 51:15

Ri Ajawaxel ruc' ri u cuinem, xuban ri ulew; ruc' ri u no'j xutiq'uiba' ri uwächulew ruc' ri retamanic xulic' ri caj.

Ri Jeremiy 32:17

‘Lal, Ajawaxel, ruc' nimalaj u liq'uic ri cuinem la xban la ri caj xukuje' ri ulew. Man c'o ta jun jasach ri ma ta cacuin la chubanic.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Isaiy 45:12

In xinq'uiyisam ri uwächulew xukuje' conojel ri winak ri e c'o chuwäch, xinlic' ri caj cuc' ri nu k'ab xinya' c'u takanic chi quec'utun conojel tak ri ch'imil.

Colosenses 1:16

Rumal c'ut are' xeban conojel ri jastak ri e c'o pa ri caj xukuje' ri e c'o cho ri uwächulew, ri queilitajic xukuje' ri man queilitaj taj, we ajawibal, we takanic, we e camal be, xukuje' we aj cuinem; conojel wa' xebantaj rumal ri are' xukuje' che u nimarisaxic u k'ij.

Ri Isaiy 42:5

Ri Dios, ri Ajawaxel, ri xbanow ri caj xulic' c'ut, ri xnuc'uw ri ulew xukuje' ri c'o chuwäch, ri cuya' qui c'aslemal xukuje' cuxlab ri winak ri e jekel chuwäch, cubij c'u che ri pataninel rech:

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

Hechos 17:24

Ri Dios ri xbanow ri uwächulew xukuje' ronojel ri c'o chuwäch, are' ri Rajaw ri caj ulew. Man cäc'oji' ta pa tak ja ri e banom che qui k'ab winak.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Ri Isaiy 51:13

¿La cäsach ri Ajawaxel pa a jolom ri xatwinakirisanic, ri xlic'ow ri caj xukuje' ri xjekeban ri uwächulew? ¿La catbirbit na chi pa k'ij chi chak'ab, rumal ri coyowal ri banal tak c'ax ri xak at queyem jampa' quecuin che u sachisaxic a wäch? ¿Jawije' ta c'u c'o wi we oyowal ri'?

Ri Isaiy 48:13

Ruc' ri nu k'ab xinjekeba' ri uwächulew, ruc' ri nu k'ab xinlic' ri caj, xuwi xinbij ri qui bi' xec'utunic.

Ri Isaiy 44:24

Are wa' cubij ri Ajawaxel ri torol awech, ri xatnuc'uwic c'ä majok chatalaxok: “In ri Ajawaxel, ri banowinak conojel ri jastak, in xinlic'ow ri caj xukuje' co xinjekeba' ri uwächulew man c'o ta c'u jachin jun xinto'wic.

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

U Camulixic ri Pixab 2:7

Ri Ajawaxel ri i Dios ix u tewichi'm pa ronojel ri i banom, cawinak junab c'ut c'olinak iwuc'. Ix u chajin pa ronojel ri i binem pa we nimalaj chaki'j uwo sak ri', man c'o ta c'u xajwataj chiwe.

Salmib 102:25

Co xtiq'uiba' la ri uwächulew kas pa ri qui tiquitajic; lal xbanow la ri caj.

U Camulixic ri Pixab 32:8

C'o jumul ri aj chicajil xujach qui wäch ri e winak tak xukuje' xujach qui wäch ri e nimak tak tinimit xucoj c'u ri qui c'ulbatil ri e tinimit tak Man c'u xesach ta ri aj israelib pa u jolom,

U Camulixic ri Pixab 9:29

E tinimit c'u la xukuje' e ech la; xebesaj c'u la ulok pa Ejipt ruc' ri nimalaj cuinem la ri xc'ut la.’ ”

U Camulixic ri Pixab 5:16

Nim chawila' wi ri a tat xukuje' ri a nan, jacha' ri at u takom wi ri Ajawaxel ri a Dios, rech naj catc'asi' na xukuje' utz c'u catel na pa ri ulew ri cuya' na ri Ajawaxel ri a Dios chawe.

U Camulixic ri Pixab 4:35

C'utum wa' chiwäch rech quiwetamaj chi ri Ajawaxel are ri kas Dios, chi man c'o ta chi c'u jun chuwäch ri are'.

U Camulixic ri Pixab 4:32

Chebitzucuj chquipam ri ojer tak k'ijol ri e oc'owinak can chiwäch, kas pa ri ojer tak k'ijol, aretak ri Dios xuwinakirisaj ri winak cho ri uwächulew; jix cho ronojel ri uwächulew, chixc'otow chi'aj we c'o jumul c'ulmatajinak o tatajinak u tzijol jun jasach ri sibalaj ta nim u banic ri junam ta ruc' wa'.

U Camulixic ri Pixab 4:25

Aretak ri ix e c'o chic iwalc'ual xukuje' e u wi' tak i mam, ix ri'jobinak chic pa we ulew ri', we c'u quiwetzelaj iwib, quebiban c'u tak wächbal o ca'yebal ri quequic'ut apachique jasach, mac c'u ri' ri quiban chuwäch ri Ajawaxel ri i Dios, quiyac c'u royowal ri',

U Camulixic ri Pixab 4:17

mawi qui bantajic awaj, chicop ri e aj xic',

U Camulixic ri Pixab 2:21

jun tinimit wa' ri nim, ri sibalaj man ajilatal taj xukuje' e tac'atak e jacha' ri e rija'lil ri tac'atic Anac, xsach c'u qui wäch rumal ri Ajawaxel cumal ri aj amonib, xejeki' c'u can ri e are' pa ri ulew.

U Camulixic ri Pixab 2:19

aretak c'u quebarik ri aj amonib ri xukuje' e rija'lil can ri Lot, maya' latz' chque, mawi quebachapo, man quinya' ta jun ch'akap che ri culew chawe, nu yo'm chi c'u chque che quechbal.’

U Camulixic ri Pixab 2:9

Xubij c'u ri Ajawaxel chwe: ‘Maban c'ax chque mawi match'ojin cuc' ri aj Moab, e rija'lil c'u ri Lot wa', in nu yo'm che quechbal ri ulew re Ar.’

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Chapletajic 9:6

“We c'o jun cucämisaj jun winak, jun winak chic cacämisan na ri are', ri winak c'ut xwinak'irisaxic che ri u banic ri u ca'yebal ri Dios.

Hechos 17:26

Xa' c'u che jun achi xeresaj wi conojel ri nimak tak tinimit, rech quec'oji' cho ronojel ri uwächulew. U c'utum chi ulok ri k'ij xukuje' ri c'olbal ri cäcoc'owisaj wi ri qui c'aslemal waral cho ri uwächulew,

Chapletajic 1:25

Ri Dios xebuban conojel we awaj ri', xril c'ut chi ronojel utz xcanajic.

Salmib 96:5

Ri e qui diosib ri jule' tak tinimit chic man c'o ta jas ri quecuin ta che u banic, are' c'u ri Ajawaxel, are' xebanow ri caj.

Ri Jeremiy 27:4

Chaya' takanic chque chi chiquibij chque ri e qui nimakil chi ri in, ri Ajawaxel ri c'o ronojel u cuinem, ri Dios re Israel, quinbij:

Ri Daniel 4:25

Are' c'u, ri lal quesax na la bic chquixo'l ri winak cäjeki' na la chquixo'l ri awaj; catij na la k'ayes, e jacha' tak ri wacax, are c'u ri räxk'ab cäch'akaban na ri cuerp la. Je c'u c'aslemal la wa', wukub junab c'ä cach'ob na la, chi ri Dios aj chicaj c'o u cuinem paquiwi' conojel tak ri ajawibal aj winak, chi are c'ut ri are' ri cäcojow jacha' che k'atal tzij jachin ri cuchomaj chi takal che.

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Nabe Ajawinelab 8:42

cuban c'u ch'awem uc' la chusuq'uil we achoch la ri' (cätataj c'u ya' u tzijol ri bi' la ri sibalaj nim u banic xukuje' ri nimalaj u jabuxic ri cuinem la),

Ri Nehemiy 9:22

Xejach la ajawibal xukuje' nimak tak tinimit pa qui k'ab, xejach c'u la pa ch'akatak chquiwäch, xquiban c'u quech che ri Hesbon, rulew ri ajawinel Sehon; xukuje' xquiban c'u quech che ri Basan, rulew ri ajawinel Og.

Ri Daniel 2:38

Xukuje' ri ajawinic conojel c'olbal ri e jekel wi winak, awaj xukuje' chicop ri e c'o qui xic'; are' u yo'm ronojel chuxe' ri takanic la, are c'u jolomaj wa' re k'an puak.

Ri Daniel 4:14

ri co xurak u chi' je xubij wa': Chikasaj ri juwi' che, chebit'oyo tak ri u k'ab, chebijolij tak ri u xak chebijabuj tak ri e u wächinic. Chebanimaj tak ri juyubal tak awaj ri e c'o chuxe' ri u mu'jal xukuje' tak ri chicop ri e c'o ri qui xic' ri e c'o pa tak ri u xak.

Ri Daniel 4:22

we che' ri', kas lal ri' ajawinel, ri q'uiyinak la, ri uxinak sibalaj nim chuk'ab la. Ri nimalil la, nimarinak ri u rikom ri u chicajil ri caj, ri ajawinic la u lic'om rib c'ä puwi' ronojel ri uwächulew.