Ri Jeremiy 27:16 - Quiché Bible

¹⁶ Xukuje' xebentzijobej tak ri e cojol tabal tok'ob xukuje' ronojel ri tinimit, xinbij chque: “Are wa' ri cubij ri Ajawaxel: ‘Minimaj ri caquibij ri e k'axal tzij ri caquijiquiba' u bixic chiwe chi chanim quetzelej ulok pa Babilon ri chaconisan tak rech ri wachoch. Wa' we quequibij chiwe xa' banoj tzij.

Ri Jeremiy 27:16 Referans Kwoze

Ri Jeremiy 28:3

pa quieb junab c'ut quinban na chi quebeltzelex chupam we c'olbal ri' conojel ri chaconisan re ri rachoch Dios ri xebuc'am bic ri ajawinel Nabucodonosor pa Babilon.

Ucab Ajawinelab 24:13

Xuchaplej c'ut ri Nabucodonosor quesaxic conojel ri k'inomal ri e c'o chupam ri rachoch ri Ajawaxel xukuje' ri c'o chupam ri rachoch ri ajawinel je, jacha' ri u yo'm u bixic ri Ajawaxel, xebupaxij conojel ri jastak re k'an puak ri xebuban can ri Salomon ri ajawinel re Israel che ri rachoch ri Ajawaxel.

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Jeremiy 27:10

Wa' we cäbix chiwe xa' e banoj tzij, xuwi c'u wa' ri qui ch'äc na ix chi quixelesax bic chupam ri iwulew, chi qui xinjabuj c'ut in quixcäm c'u na.

Ri Jeremiy 27:14

Minimaj ri caquibij ri e k'axal tzij chiwe ri quequicoj i c'u'x chi man qui coj ta iwib chuxe' ri u takanic ri ajawinel re Babilon, rumal rech chi ri caquibij chiwe xa' banoj tzij.

Ri Isaiy 9:15

(Ri jolom are' cäquiq'uexwächij ri nimak tak tatayib xukuje' ri e c'amal tak be, ri je' are' cäquiq'uexwächij ri e k'axal tak tzij. Ri cäquic'ut banoj tak tzij.)