Ri Jeremiy 27:11 - Quiché Bible

¹¹ Are c'u ri nim tinimit, ri cucoj rib chuxe' ri u cuinem ri ajawinel re Babilon, ri in quinya' na che chi cäcanaj chupam ri rulew rech cajeki' chupam cutic c'u u wäch. In, ri Ajawaxel quinjiquiba' u bixic.”

Ri Jeremiy 27:11 Referans Kwoze

Ri Jeremiy 27:8

We c'u e c'o jujun nimak tak tinimit, o ajawinelab ri man caquicoj ta quib chuxe' ri reka'bal ri Nabucodonosor, quinc'äjisaj na qui wäch ruc' ch'o'j, wi'jal xukuje' cämisanelalaj yabil, c'ä conojel quec'oji' na chuxe' ri u cuinem. In, ri Ajawaxel, quinjiquiba' u bixic.

Ri Jeremiy 27:2

xubij c'u che: “Chebabana' jujun tak jat'ibal xukuje' jun eka'bal, chacojo' c'u chrij a wi'.

Ri Jeremiy 21:9

Ri cacanaj can chupam ri tinimit cäcäm na pa ri ch'o'j, o rumal wi'jal o rumal cämisanel yabil. Are' c'u ri quel bic, cujach c'u rib pa qui k'ab ri aj caldeyib ri cätajin quech'ojin ruc' ri tinimit, man cäcäm ta na; cuto'tajisaj c'ut ri u c'aslemal.

Ri Jeremiy 38:2

“Ri Ajawaxel je cubij wa': ‘Ri cacanaj chupam ri nimalaj tinimit cäcäm na pa ri ch'o'j o rumal wi'jal o rumal cämisanel yabilal. Are c'u ri quebel bic cujach c'u rib pa qui k'ab ri aj caldeyib, cäcuin ri' pune' xuwi che u to'tajisaxic ri u c'aslemal.’

Ri Jeremiy 27:12

In, Jeremiy, xinbij ronojel wa' che ri Sedequiy, ajawinel re Juda, xinbij c'u che xukuje': “Chicojo' iwib chuxe' ri u cuinem ri ajawinel aj Babilon xukuje' che ri u tinimit, quixc'asi' c'u na.

Ri Ezequiel 28:25

“In, ri Ajawaxel, quinbij: Quinmulij na ri tinimit Israel chquixo'l ri nimak tak tinimit jawije' ri e jabutal wi, quinc'ut c'u na ri nu tastajic chquiwäch tak ri winak. Ri Israel cäjeki' na pa ri rulew, ri ulew ri xinya' che ri Jacob, ri pataninel wech.