Ri Jeremiy 26:9 - Quiché Bible

⁹ ¿Jas ri cabano cachajij anima' che u bixic pa ri u bi' ri Ajawaxel chi we rachoch Dios ri' je cäcanajic jacha' ri ja re ri Sil, xukuje' chi we tinimit casachisax na u wäch man c'o ta chi c'u winak quecanaj ta chi can chupam?” Conojel c'u ri winak xquiq'uiak quib chupam ri rachoch Dios, chrij ri Jeremiy.

Ri Jeremiy 26:9 Referans Kwoze

Hechos 22:22

C'ä chi' ri winak xquitatabej wi ri u tzij ri Pawl. C'äte ri' xquirak qui chi', xquibij: “¡Chcämisax we achi ri'! Man utz ta c'ut chi cäc'asi'c.”

Hechos 21:30

Ronojel c'u ri tinimit xutuquij rib. Xquimulij quib ri winak. Xquichap ri Pawl, xquicharchatej bic, xquesaj bic pa ri rachoch Dios. Chanim xquitz'apij ri u chi' ri rachoch Dios.

Hechos 13:50

Are c'u ri aj judeyib xquicoj qui c'u'x ri chuchuyib nimak qui k'ij ri cäquik'ijilaj ri Dios xukuje' ri achijab ri nimak qui banic pa ri tinimit, xecokataj ri Pawl xukuje' ri Bernabe, xequesaj bic pa ri qui tinimit.

Hechos 6:14

Ka tom chi cubij, chi we Jesus ri' ri aj Nazaret cuwulij na ri rachoch Dios ri', quebuq'uex na ri nak'atisabal ri e u yo'm can ri Moises chke.”

Hechos 5:28

“Ri uj xekabij chiwe chi man quebitijoj ta chi ri winak pa ri u bi' ri Jesus. ¿Jas c'ut ri i banom ix? Chiwilampe', e i tijom chi conojel ri winak pa Jerusalen, quiwaj c'ut chi cäkekle'j ri u quiq'uel we achi ri'.”

Ri Xuan 8:59

C'äte ri' xequic'am abaj che u q'uiakic che. Chic'uyal c'ut xel ubic ri Jesus pa ri rachoch Dios.

Ri Xuan 8:20

We tzij ri' xutzijoj ri Jesus jawije' cäya' wi ri cuchuj, aretak quebutijoj ri winak pa ri rachoch Dios. Man c'o ta jun xchapowic, maja' c'u copan ri u jok'otaj.

Marcos 15:11

Ri qui nimakil ri e cojol tabal tok'ob xquicoj qui c'u'x ri winak, chi are sibalaj utz cätzokopix bic ri Barabas chuq'uexwäch ri Jesus.

Ri Matey 27:20

Ri e qui nimakil ri e cojol tabal tok'ob cuc' ri nimak tak tatayib xquicoj qui c'u'x ri winak, rech cäquita' che ri Pilat chi are cätzokopix bic ri Barabas, cäcämisax c'u ri Jesus.

Ri Matey 21:23

Xopan ri Jesus pa ri rachoch Dios. Aretak cätajin catijon chila' xenakajin c'u ri e qui nimakil ri e cojol tak tabal tok'ob ruc' xukuje' ri e nimak tak tatayib re ri tinimit. Xquic'ot u chi': “¿Ruc' jachique takanic quebaban we jastak ri'? ¿Jachin xyo'w wa' we takanic ri' pa a k'ab?”

Ri Miquey 2:6

Quecha' ri e are: “¡Mixpe che u k'axexic tzij chke! ¡Ri quiäkasakil man cacuin taj cujuriko!”

Ri Amos 5:10

¡Tok'ob i wäch ix, ri quiwetzelaj u wäch ri cuto' u wi' ri suq'uilal xukuje' c'u ne quixutuj c'ut ri k'alajisanel ri tz'akat pa ronojel!

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Ri Isaiy 29:21

ri quequik'abaj il patan chquij niq'uiaj winak chic, ri cäquicoj c'amibal pa ri u be ri k'atal tzij, ri ruc' subunic cäquik'il ri u banic suq'uilal che ri man c'o ta u mac.

Ucab Tzijobelil 25:16

Aretak c'u ri k'axal tzij cätajin cubij wa', ri ajawinel xc'ulelaj: “¿La xa' pa at ka cojom che ya'l u no'j ri ajawinel? ¡Chak'ila' awib chatz'apij u pa a chi'! ¿O are cawaj catcämisaxic?” Ri k'axal tzij man xutakej ta chic u cojic u chuk'ab, xubij c'ut: “In weta'm chi ri Dios xa jumul u bim chi cusachisaj wäch la rumal rech ri u banic wa' xukuje' ri man u takexic taj ri nu no'j.”

Hechos 3:11

Ri ch'oco'j ri xcunaxic e u chapom ri Lu' xukuje' ri Xuan. Conojel ri winak xexiq'uinic, xebe cuc' pa ri u rakan ja ri Salomon. Conojel xemayinic.

Hechos 5:12

E q'ui c'ut etal xukuje' mayibal queban chquixo'l ri winak cumal ri takomxenlab. Conojel cäquimulij quib chupam ri u rakan ja ri Salomon.

Ri Josue 18:1

Conojel ri tinimit aj israelib xquimulij quib pa Sil, che u jekebaxic ri Lic'om Ja re rikoj ib ruc' ri Dios. Pa tak ri k'ij ri' ri ulew ch'äctajinak chic,

Ri Jeremiy 32:3

Xtak c'u u tz'apixic rumal ri ajawinel Sedequiy, rumal rech chi u bim ri Jeremiy: “Cächa ri Ajawaxel: ‘Quenbana' chi we tinimit ri' cakaj pa u k'ab ri ajawinel re Babilon,

Ri Jeremiy 33:10

Cächa ri Ajawaxel: “Quixcha' ix chi tolon we c'olbal jamalic chi man e c'o ta winak chupam mawi awaj; chi ri u xo'l tak ja re ri Jerusalen xukuje' ri quech tak ri tinimit tak e aj Juda e tolonic; chi man c'o ta jachin jun, mawi winak mawi awaj, e jekel ta chila'. Pune' c'u je cabij wa',

Ri Jeremiy 36:29

Chabij c'u wa' che: ‘Je' wa' cubij ri Ajawaxel a Dios: At xaporoj ri botobic wuj xukuje' xayaj ri Jeremiy rumal rech chi xutz'ibaj chupam chi man c'o ta queblan c'uxaj cäpe na ri ajawinel re Babilon che u sachisaxic u wäch ri ulew chi man e c'o ta winak quebuya' ta can chupam mawi ta ne awaj.

Juyuwem 4:13

¡Ronojel u mac rech ri qui mac ri e k'axal tzij ri e c'o cuc', qui mac ri quetzelal tak ri e cojol tabal tok'ob, ri xquitix quic' kas chupam ri nimalaj tinimit ri man c'o ta u mac!