Ri Jeremiy 26:6 - Quiché Bible

⁶ quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 26:6 Referans Kwoze

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ri Jeremiy 25:18

Xinya' che ri Jerusalen rech caruq'uiaj xukuje' chque ri tinimit tak re Juda, junam cuc' tak ri cajawinelab xukuje' ri c'amal tak be, che u sachisaxic qui wäch xukuje' che qui yojixic canok, ri cuya' xibriquil xukuje' xe'n ib, che u ya'ic c'utbal re c'okonic ri c'ä e takeninak camic.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Ri Malaquiy 4:6

Cuban c'u na ri are' chi ri tataxelab xukuje' ri alc'ualaxelab quebutzir na, quequich'abela' na quib. We ta c'u mat jewa' quinpe na quinc'äjisaj c'u na u wäch ri culew, quinsachisaj c'u na u wäch chnimalaj ronojel.”

Ri Daniel 9:11

Ronojel Israel man xunimaj taj ri tijonic la, xuk'il c'u rib che qui nimaxic tak ri e takanic la; rumal ri' e kajinak pakawi' ri c'okobal xukuje' ri chi'nic ri kas cäban na ri e tz'ibatal chupam ri u pixab ri Moises, ri pataninel ech la rumal rech chi uj macuninak chwäch la.

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 29:22

Jeri' ri e aj Juda ri e c'amom bic pa jun ulew chic ri e c'o pa Babilon cäcaj caquic'okoj jachin jun, quecha' na: Ri Ajawaxel chubana' chawe jacha' ri xuban che ri Sedequiy xukuje' che ri Acab, ri xebusa' ri ajawinel cho k'ak'.

Ri Isaiy 43:28

ri e a k'atal tak tzij xquitz'iloj ri wachoch, rumal ri' xinya' be chi ri Israel, ri u tinimit ri Jacob, chi cäyojixic xukuje' cäyok'ic.”

Ri Josue 18:1

Conojel ri tinimit aj israelib xquimulij quib pa Sil, che u jekebaxic ri Lic'om Ja re rikoj ib ruc' ri Dios. Pa tak ri k'ij ri' ri ulew ch'äctajinak chic,

Ri Zacariy 5:3

Xubij c'u chwe: “Chupam tz'ibatal wi ri c'okobal ri curik ronojel ri ulew. Je jas ri tz'ibatal chupam ri caperajil, man c'o ta jun ri chuban ta eläk' o xak ta lok' chuban ri chi'nic ri kas cäban na ri ma ta chi c'äjisax u wäch.

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Juyuwem 2:15

Aretak catquil ri queboc'ow pa ri be caquipak'apa' qui k'ab che a yok'ic; quexulk'ubic caquislabaj c'ut ri qui jolom che retz'bexic a wäch, je c'u caquibij wa' che ri je'lalaj Jerusalen: “¿La are ta c'u tinimit wa' ri cabinaxic ri tz'akatalaj je'lical re ri uwächulew?”

Juyuwem 2:16

Ri caquiban qui c'ulel chawe xquijak ri qui chi' che a yok'ic. Quexulk'ubic caquibanala' qui palaj caquikuch'uch'ej qui ware, je caquibij wa': “Ketzelam ronojel. Are k'ij wa' ri sibalaj keyem; ¡Xujcuin c'u na che rilic!”