Ri Jeremiy 26:18 - Quiché Bible

¹⁸ “Pa tak ri u k'ijol ri Ezequiy, ajawinel re Juda, ri Miquey aj Moreset xutzijobej ronojel ri tinimit Juda pa ri u bi' ri Ajawaxel, je xubij wa' che: ‘Ri Ajawaxel ri c'o ronojel u cuinem je cubij wa': Ri Sion caq'uextaj pa jun ulew c'upum, Ri Jerusalen cux na jumulaj etzeletajic, ri u wi' ri juyub ri c'o wi ri rachoch Dios cänoj na che patzapak tak k'ayes.’

Ri Jeremiy 26:18 Referans Kwoze

Ri Zacariy 8:3

Quintzelej c'u na pa Jerusalen, rech quinjekel chila'. Jicalaj Tinimit cuchi'x c'u na ri Jerusalen, are c'u ri u juyub ri Ajawaxel, ri c'o ronojel u cuinem, Juyub Tastalic cuchi'x na.

Ri Miquey 1:1

Are tzijol wa' ri xuya' u bixic ri Ajawaxel che ri Miquey aj Moreset xukuje' ri rumal c'utwächinic xuk'alajisaj chuwäch che ri cuc'ulmaj na ri Samar xukuje' ri Jerusalen, pa ri k'ijol aretak ri Jotam, ri Acaz xukuje' ri Ezequiy xebajawin pa Juda.

Ri Nehemiy 4:2

Jewa' xubij chquiwäch ri e rachil xukuje' chquiwäch ri ajch'ojab aj Samar: “We aj judeyib ri' ri cämic caquiban rumal wi'jal, ¿la caquichomaj chi c'o qui banic? ¿La are ta c'u lo pa qui c'u'x chi queyok ta chque chi quequichi'j ta chi jumul tabal tak tok'ob? ¿O chi quecuin ta che u q'uisic ri qui chac pa jun k'ij? ¿O chque ta ri jujun tak mulaj ch'akatak tak abaj ri xekawic quequesaj ta wi c'ac' tak abaj?”

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Jeremiy 17:3

xukuje' paquiwi' tak juyub ri e c'o pa tak ri ulew. Qui mac tak quech ri e a mac, quinban na chi quebeläk'ax tak ri e a k'inomal xukuje' ri jastak awech ri pakal tak cajil, chi chetolobax tak ri e qui wi' tak ri tastalic tak a juyub pa conojel tak ri e awulew.

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Salmib 79:1

¡Nu Dios, ri quequik'ijilaj tak diosib qui majim ri jastak ech la! ¡Cawasim ri tastalicalaj achoch la quiyojyobisam c'ut ri Jerusalen!

Ri Jeremiy 51:37

cäjalwächitaj c'u na pa jumulaj etzeletajic, pa qui jekelibal ch'ich'alaj tak chicop, pa jun c'olbal ri man cuya' ta chic c'o ta jachin cajeki' chupam cuya' c'u na xe'n ib chque conojel xukuje' xibibal ib.

Ucab Ajawinelab 19:25

¿La ma ta pa u aweta'm chi in ri' ri Ajawaxel, ri e u chomam qui banic tak we jastak ri'? Kas ojer ulok nu chomam qui banic ulok, camic c'ut nu banom ri nu chomam ulok; rumal ri' ri at casachisaj qui wäch tak ri tinimit ri e kasan pa nimak tak tapia xaban c'u chque chi xebux jumulaj tak abaj.

Ucab Tzijobelil 32:26

Pune' c'u ne xuban nimal, ri Ezequiy xumach'irisaj rib chuwäch ri Dios, xukuje' junam xquiban ri winak aj Jerusalen, ri Ajawaxel man c'u xukasaj taj ri royowal paquiwi' pa tak ri u k'ijol ri Ezequiy.

Ri Miquey 4:1

Chquipam ri q'uisbal tak k'ijol co cacanaj na ri juyub ri cäriktaj wi ri rachoch ri Ajawaxel. Are c'u juyub wa' ri sibalaj naj elinak na chicaj; ri sibalaj naj elinak na chicaj chuwäch apachique chi jun juyub. Conojel ri nimak tak tinimit quepe na ruc';