Ri Jeremiy 26:16 - Quiché Bible

¹⁶ E are' tak c'ut ri e c'amal tak be xukuje' ri tinimit xquibij chque ri e cojol tabal tok'ob xukuje' chque tak ri e k'axal tzij: “Man c'o ta rumal rech cäc'okox ta we achi' ri' rech cäcämisaxic; uj u tzijobem pa ri u bi' ri Ajawaxel ri ka Dios.”

Ri Jeremiy 26:16 Referans Kwoze

Hechos 23:29

Xinwetamaj c'ut chi ri mac ri cäquicoj chrij are jastak rech ri qui pixab. Man ya'tal ta c'u u cämisaxic mawi ne u cojic pa che'.

Hechos 23:9

Conojel xquirak qui chi'. Xetaq'ui' c'u jujun ajtijab re ri pixab chquixo'l ri pariseyib, xquibij: “Man c'o ta jun itzelalaj jasach cäkarik chrij we achi ri'; we ne xch'abex rumal jun uxlabal o rumal jun tako'n aj caj.”

Hechos 25:25

Are c'u ri in xinwetamaj chi man c'o ta jun jasach u banom rech takal ta che chi cäcämisaxic. Ri are' c'ut xutz'onoj chwe chi quintak bic chuwäch ri nimalaj k'atal tzij August Sesar. Nu chomam c'u u takic bic.

Ri Jeremiy 36:25

Ri Elnatan, ri Delaiy xukuje' ri Jemariy xquibochi'j ri ajawinel chi man cuporoj taj ri botobic wuj, are c'u ri are' man xunimaj taj ri quibij che.

Ri Jeremiy 36:19

Xquibij c'u che ri Baruc: “¡Are c'u ri at xukuje' ri Jeremiy jix jic'u' iwib, ma ta c'u c'o jun chetamanic jawije' ri quixc'oji' wi!”

Ri Lucax 23:47

Aretak ri qui nimal ri jun sient ajch'ojab xril ri xc'ulmaxic, xunimarisaj u k'ij ri Dios, xubij: “Kastzij ba' we achi ri' kas suc'.”

Ri Lucax 23:41

Ri ke ri uj kastzij takal chke chi cäc'äjisax ka wäch, rumal rech ri ka banom. Are c'u we achi ri' man c'o ta etzelal u banom.”

Ri Matey 27:54

Ri qui nimal ri jun sient ajch'ojab e rachil ri chajil tak re ri Jesus, aretak xquil ri cabrakan, aretak xquil ronojel ri xc'ulmaxic, sibalaj xquixe'j quib, xquibij: “Kastzij we achi ri' u C'ojol ri Dios.”

Ri Jeremiy 26:11

E are' tak c'ut ri e cojol tabal tok'ob xukuje' tak ri e k'axal tak tzij xquibij chque ri c'amal tak be xukuje' che ronojel ri tinimit: “We achi ri' takalic chi cäc'okox che cämical rumal rech chi u bim chi c'ax ri cutaklebej na we tinimit ri'. Ix xita' ruc' tak ri i xiquin.”

E C'ambal tak Tzij 16:7

Aretak ri Ajawaxel cäkaj ri u c'aslemal jun winak chuwäch, xukuje' ne cuc' ri qui banom qui c'ulel che quebucoj pa jamaril ruc'.

Ri Ester 4:14

We catz'apij ri u pa a chi' camic man c'o ta c'u jas cabij, ri quito'ic ri aj judeyib cäpe chi na pa jun c'olbal chic, are c'u ri at xukuje' ri e rachalaxic ri a tat quixcäm na. ¡Craj ne ri at, at uxinak ixok ajawinel xa rech cujato' cujawesaj c'ut chupam we c'ax ri'!”

Ri Jeremiy 34:10

Conojel ri c'ämal tak be xukuje' ronojel ri tinimit xquic'amowaj ri cubij ri c'ulwächinic, xequitzokopila' c'ut ri e qui lok'om tak pataninelab man xquicoj ta chi chuk'ab chque chi chepatanix cumal.

Ri Jeremiy 37:15

Wa' xquiban coyowal che ri Jeremiy, xetakanic chi ch'ayok chcoj c'u pa che' chorachoch ri Jonatan, ri tz'ibal tzijol, ri banom u pa che' che.

Salmib 94:16

¿Jachin ta ri cäwalij che nu to'ic pa qui k'ab ri e banal tak etzelal xukuje' ri itzel tak winak?