Ri Jeremiy 26:15 - Quiché Bible

¹⁵ Are c'u kas utzalaj retamaxic chi bana': We quinicämisaj, ri ix, xukuje' ri e u winakil we tinimit ri' e are' aj chak' tak mac che u cämisaxic jun ri man c'o ta u mac; kas c'u tzij are' ri Ajawaxel in takowinak che kas quiya'ic qui k'alajisaxic chiwe conojel tak we jastak ri'.”

Ri Jeremiy 26:15 Referans Kwoze

E C'ambal tak Tzij 6:17

ri bak'wächaj ri quequiban nimal, ri ak'aj ri banal tzij, ri k'abaj ri quebucämisaj winak ri man c'o ta qui mac,

Ajilanic 35:33

Miwawasij ri ulew ri quixxejekel wi na cuc' tak cämisanic, ri cämisanic cärawasij ri ulew man c'o ta c'u jas caya' ta che u q'uexwäch ri cämisanel we ta ma ta are ri u cämisaxic ri xbanow ri cämisanic.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

Hechos 7:60

Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

Ri Matey 26:25

Xch'aw c'u ri Judas ri cäjachowic, xubij: “¿La ma xa' in, Ajtij?” Ri Jesus xubij che: “At atbininak.”

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Jeremiy 7:6

we man quebit'orij ri man e i winakil taj, ri minorib xukuje' ri malca'nib, mawi quebicämisaj ri winak ri man c'o ta qui mac chupam we c'olbal ri', mawi quebik'ijilaj jule' diosib chic, ri rumal wa' kas ix quixbanow ri c'ax chiwe chbil iwib,

Ri Matey 26:4

Xquiban chomanic ruc' subunic rech cäquichap ri Jesus che u cämisaxic.

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Ri Jeremiy 2:34

Tz'ajtajinak ronojel ri awatz'iak cumal ri qui quiq'uel ri mebayib ri man c'o ta qui mac, quech winak ri man xebarik taj ri cätajin ta caquiban jun il.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ucab Ajawinelab 24:4

xukuje' rumal ri quic' ri xutixo ri man c'o ta u mac ri xunojasibej rech ri Jerusalen. Rumal rech wa' ri Ajawaxel man xraj ta chic xusach ta chic u mac.

U Camulixic ri Pixab 19:10

Jewa' cäbanic rech man cätix ta ri quic' ri man c'o ta u mac pa we ulew ri' ri quebuya' ri Ajawaxel ri i Dios chiwe che iwechbal, man cäkaj ta c'ut puwi' ri ekle'n re ri u cämisaxic jun winak.

Chapletajic 42:22

Ri Ruben xubij chque: “Nataj chiwe ri xinbij chi miban c'ax che ri ka chak': man xinimaj ta c'ut ri xinbij, rumal c'u ri' cätok'ix ri u cämical chke camic.”

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

E C'ambal tak Tzij 6:16

E c'o wakib jastak, c'ä e wukub c'u ne ri quetzelax qui wäch rumal ri Ajawaxel:

Ri Jeremiy 26:12

Ri Jeremiy xebutzijobej ri c'amal tak be xukuje' ri tinimit, xubij c'u chque: “Ri Ajawaxel are' xintakowic chi chinch'aw pa ri u bi', che u bixic ri cuc'ulmaj na we rachoch Dios ri' xukuje' we tinimit ri' ronojel ri i tom u bixic.

Ucab Tzijobelil 24:22

Ri ajawinel Joas xsach pa u jolom ri elebal c'uxaj ri xucoj ri Joiad, ri u tat ri Zacariy che ri ajawinel, xucämisaj c'ut ri Zacariy, ri u c'ojol, ri pa ri jok'otaj ri xcämic je xubij can wa': “¡Are' ba' ri Ajawaxel chilow wa' chutok'ij c'u na wa'!”

Ri Jeremiy 30:1

Are tzijol wa' xuya' ri Ajawaxel che ri Jeremiy aretak xtzijon ruc'. Xubij che: