Ri Jeremiy 24:10 - Quiché Bible

¹⁰ Quintak na ri ch'o'j paquiwi', ri wi'jal xukuje' ri cämisanel yabil, c'ä man c'o ta jun cäcanaj ta na canok chque chupam ri ulew ri xinya' chque e are' xukuje' chque ri e qui mam.”

Ri Jeremiy 24:10 Referans Kwoze

Ri Isaiy 51:19

We quieb c'axc'ol ri' xepe pawi': ri a tinimit xyojixic xukuje' xeläk'ax bic ri c'o chupam, ri e a winak xecäm rumal ri wi'jal xukuje' rumal ri ch'o'j. ¿Jachin ta ri cätok'obisan a wäch? ¿Jachin ta ri cäcu'bisan a c'u'x?

Ri Ezequiel 33:27

Chabij chque xukuje': ‘Je' wa' cubij ri Ajawaxel: Quinban ri chi'nic ri kas cäban na rumal ri nu bi' chi ri e jekel chquipam tak ri tinimit ri e etzeletajinak xukuje' quecämisax na, e are' c'u ri e jekel pa tak ri juyub quinban na chi quetij cumal ri juyubal tak awaj, e are' c'u ri e jekel chquipam tzac'atzak tak abaj xukuje' pa tak pec quecäm na cumal yabilal.

Ri Ezequiel 7:15

Chrij ri ulew c'o ch'o'j, chupam ri tinimit e c'o yabil wi'jal. Ri e c'o pa tak ri juyub quecäm na pa ri ch'o'j, ri e c'o pa ri tinimit quecäm na rumal wi'jal xukuje' yabil.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Jeremiy 27:8

We c'u e c'o jujun nimak tak tinimit, o ajawinelab ri man caquicoj ta quib chuxe' ri reka'bal ri Nabucodonosor, quinc'äjisaj na qui wäch ruc' ch'o'j, wi'jal xukuje' cämisanelalaj yabil, c'ä conojel quec'oji' na chuxe' ri u cuinem. In, ri Ajawaxel, quinjiquiba' u bixic.

Ri Jeremiy 19:7

Chupam we c'olbal ri' quinban na ch'akatak che ri u chomam u banic ri Juda xukuje' ri Jerusalen. Quinban na chi ri e qui c'ulel quech'äcan na paquiwi' quequicämisaj c'ut, e are' c'ut we cäminak tak winak ri' quebajwataj na che qui ti' tak ri c'uch xukuje' che qui ti' ri juyubal tak awaj.

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Ri Jeremiy 15:2

We c'u ne caquicot a chi' jawije' ri quebe wi na, chabij wa' chque ri quinbij: ‘Ri xya' u bixic chi quecäm rumal cämisanel yabilal quecäm na rumal cämisanel yabilal; ri xya' u bixic chi quecäm chupam ri ch'o'j, chupam ri ch'o'j quecäm wi na, ri xya' u bixic chi quecäm rumal wi'jal, rumal wi'jal quecäm na; ri xya' u bixic chi quec'am na bic pa jun ulew chic, quec'am na bic pa jun ulew chic.’

Ri Jeremiy 9:16

Quebenjabuj chquixo'l ri nimak tak tinimit ri mawi ri e are' mawi ri e qui tat xquetamaj ta qui wäch; quinban na chi quebokatax ruc' ch'ich' re ch'o'j pa k'abaj, c'ä man c'o ta jun cacanaj ta canok.”

Ri Jeremiy 5:12

Ri Israel xukuje' ri Juda qui xutum ri Ajawaxel; quibim: “Man c'o ta cuban ri Dios. Man c'o ta lawaloyil quekataklebej, man cäpe ta ch'o'j pakawi' mawi wi'jal.”

Apocalipsis 6:8

Xinca'yic, xinwil jun k'an rij quiej. Ri t'uyul chrij, “Cämical” u bi'. Terenem rumal jun ri cuq'uexwächij ri qui c'olbal ri cäminakib. Xya' takanic pa qui k'ab puwi' ri u cajil ri uwächulew, che u cämisaxic ruc' ch'ich' re ch'o'j, ruc' wi'jal, ruc' yabil, xukuje' cumal ri juyubal tak awaj re ri uwächulew.

U Camulixic ri Pixab 28:21

Ri Ajawaxel cutak na ulok jun cämisanel yabil ri cusach na a wäch pa ri ulew ri catejekel wi na.

Ri Jeremiy 21:9

Ri cacanaj can chupam ri tinimit cäcäm na pa ri ch'o'j, o rumal wi'jal o rumal cämisanel yabil. Are' c'u ri quel bic, cujach c'u rib pa qui k'ab ri aj caldeyib ri cätajin quech'ojin ruc' ri tinimit, man cäcäm ta na; cuto'tajisaj c'ut ri u c'aslemal.

Ri Jeremiy 42:17

Conojel c'ut ri benak qui c'u'x chi quebejekel pa Ejipt, quecäm na chila' rumal ri ch'o'j, ri wi'jal, o ri cämisanel yabilal. Man c'o ta jun cac'asi' ta na canok; man c'o ta jun ri ma ta cutaklebej ri nimalaj c'axc'ol ri quintak na piwi'.’

Nabe Ajawinelab 14:15

ri Ajawaxel cutota' na ri Israel jacha' cuban ri nima' quebutota' tak ri aj. Cubok c'u na chupam we utzalaj ulew ri' ri xuya' chque ri e qui mam, cuq'uiaka' c'u c'ä jela' che ri nima' Euprats, rumal rech chi xebuban qui wächbal tak ri Astarte, are c'u xbanow wa' chi xyactaj royowal ri Ajawaxel.

Ri Jeremiy 9:15

Rumal ri' in, ri Ajawaxel ri c'o ronojel u cuinem, ri u Dios ri Israel, quinbij: Quenya' jun c'ayalaj qui wa, quenya' cuq'uia' ri c'o cämisabal ruc'.

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ri Jeremiy 29:17

‘In, ri Ajawaxel ri c'o ronojel u cuinem, quinbij: Quentaka' ulok ch'o'j, wi'jal xukuje' cämisanel yabil. Quenbana' chi je quecanajic e jacha' we k'ayinak tak higo ri', rumal c'u rech chi sibalaj man e utz taj man cuya' taj quetijic.

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 32:24

Are c'u ri aj caldeyib e qui banom ak'anibal che u banic c'ax che ri tinimit, ri ch'o'j, ri wi'jal ri cämisanel yabil caquiban na chi ri tinimit cäkaj pa qui k'ab ri e banal tak c'ax. Ajawaxel, quil la chi cätajin cätz'akat ri xya' la u bixic.

Ri Jeremiy 32:25

Xintakchi'j c'u ne la, Ajawaxel, chi quinlok'o' xukuje' quintoj we ulew ri' chquiwäch k'alajisanelab, pune' ta c'u ne cäkaj ri tinimit pa qui k'ab ri aj caldeyib.’ ”

Ri Jeremiy 42:22

Rumal c'u ri', kas ba' utz retamaxic chi bana' chi rumal rech ri ch'o'j, ri wi'jal xukuje' ri cämisanel yabilal, ri ix quixecäma na pa ri ulew jawije' ri qui waj quixejekela wi na.”

Ri Ezequiel 6:11

Ri Ajawaxel xubij chwe: “Chatjuyuwok chatt'ocon cuc' tak ri a k'ab, chatyok'on cuc' tak ri awakan; chebaraka' tak a chi' re k'oxomal cumal ri xojibalalaj tak retzelal ri e u banom ri tinimit Israel, quecäm c'u na rumal ri ch'o'j, ri wi'jal xukuje' ri yabil.