Ri Jeremiy 23:9 - Quiché Bible

⁹ Tzijol ri cäya' u bixic chquij ri e k'axal tzij: kas sibalaj in sachinak; ronojel ri nu cuerp cabirbitic, je ta ne quinpe jun k'abarel, jun a chi ri ramatajinak rumal ri u wa'l uva, rumal rech ri Ajawaxel xukuje' cumal c'u tak ri e suc'alaj tak u tzij.

Ri Jeremiy 23:9 Referans Kwoze

Ri Habacuc 3:16

Aretak xinta' ronojel wa' xinxe'j wib. Ri e nu chi' xequichaplej birbitem, ri e nu ch'ec man caquich'ij ta chic quetaq'ui'c' ronojel c'ut ri nu cuerp xchukchubic. In c'u ne jewa', man quinel ta na ch'u'j che reyexic ri k'ij aretak ri Dios quebucoj pa c'axc'olil ri cajch'ojab ri e banal tak c'ax chke.

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Juyuwem 3:15

Ri Ajawaxel in u nojisam chque c'ayil; c'a ri uq'uia' ri u yo'm chwe.

Ri Isaiy 51:21

Rumal ri', tinimit ri at c'o pa quiäkasakil, chatatabej wa', at ri at k'abarel, man rumal ta c'u u wa'l uva;

Salmib 60:3

Oc'owisam ri tinimit la pa nimak tak c'axc'olil; yo'm la jun u wa'l uva chke pa tijic ri cäch'ujirisanic;

Romanos 7:9

Nabe, xinc'asi' canok man ruc' ta ri pixab. Aretak c'u xpe ri takanic rumal ri pixab, xc'astaj ri mac,

Ri Ezequiel 9:4

xubij c'u che: “Chabinibej ri tinimit Jerusalen, chacojo' jun etal che ri qui palaj ri winak ri caquina' bis xukuje' c'axc'obic qui mac quech ri e xojibalalaj tak jastak ri queban pa Jerusalen.”

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Isaiy 29:9

¡Chixtakenok ix ix taquib! ¡Chixtakenok ix moyab, man c'o ta jas quiwilo! ¡Chitakej na bak'otem jacha' k'abarelab, pune' man c'o tzam i tijom!

Ri Isaiy 28:1

¡Tok'ob u wäch ri Samar, cubanbej nimal xukuje' u corona ri Eprain, we k'abarelalaj tinimit ri'; je'lalaj wikbal re cotz'i'j ri bach'uyirinak chic ri cäq'uiy ulok pa jun räxalaj beya', qui tinimit winak ri e ch'äctajinak rumal ri u wa'l uva!

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Salmib 69:20

Ri yok'obal qui t'okopim ri wanima', ¡in chukchubinak chic man c'o ta chi nu chuk'ab! Xak lok' nu tzucum jachin ta ri cucu'bisaj nu c'u'x xukuje' quel ta u c'u'x chwe.

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Jeremiy 36:16

xuwi c'u xtataj cumal, e nojinak che xe'n ib xquica'yela' quib xquibij c'ut: “Cakaya' na u bixic ronojel wa' che ri ajawinel.”

Ri Ezequiel 13:3

¡Tok'ob qui wäch ri conalaj tak k'axal tzij caquitakej ri xak are' cäbin ri canima' chque ri man c'o ta jun kas c'utwächinic caya' chque!