Ri Jeremiy 23:8 - Quiché Bible

⁸ xane' queban na chi'nic ri kas cäban na, quecha': ‘Rumal ri u c'aslemal ri Ajawaxel, ri xebesan ulok ri e rija'lil ri Israel, pa ri ulew re ri riquiak'ab ri elebal k'ij xukuje' pa conojel ri jule' tak ulew chic jawije' tak ri xeben jabuj wi' tak.’ Quejeki' c'u na chupam ri kas culew.”

Ri Jeremiy 23:8 Referans Kwoze

Ri Ezequiel 34:13

Quebenwesaj na ulok pa tak ri ulew ri man e culew taj, quebenmulij na, quebenc'am na bic chupam ri kas culew. Quebenc'am na bic, quebewok na pa tak ri u juyub ri Israel, chquichi' tak ri nima', xukuje' pa conojel tak ri c'olbal pa ri ulew ri utz c'olem chquipam.

Ri Soponiy 3:20

Pa ri k'ijol ri' quixinc'am na ulok ix, quixinmulij na; quinban na chi caq'uextaj ri qui taklebej, quinya' c'u na utzalaj i tzijol xukuje' nim iwilic chquixo'l tak ri tinimit ri e c'o chuwäch ri uwächulew. In, ri Ajawaxel, nu bim.”

Ri Ezequiel 39:28

In xebentak bic xebe chquixo'l ri nimak tak tinimit ri man e qui winakil taj, are c'u ri in quebenmulij chi na chupam ri culew. Man c'o ta jun quintzak ta can chque. C'äte ri' caquich'ob chi na chi in ri' ri Ajawaxel ri qui Dios.

Ri Ezequiel 37:25

Quejeki' na pa ri ulew ri xinya' che ri pataninel wech ri Jacob, ri xejeki' wi xukuje' ri e qui mam. Chila' quejekel wi na amak'el xukuje' tak ri e qui c'ojol xukuje' conojel ri quija'lil; are c'u ri pataninel wech ri David are' cux c'amal qui be amak'el.

Ri Ezequiel 36:24

In quixinwesaj na chquixo'l tak we nimak tak tinimit ri' xukuje' tak ulew; quixinmulij na quinban na chiwe chi quixtzelej pa ri iwulew.

Ri Jeremiy 23:3

Kas in c'ut quebenc'am na ulok tak ri e nu chij ri e to'tajinak pa tak ri ulew ri xinban wi chque chi xebanimaj wi bic, quebenmulij na quinban c'u na chque chi quetzelej na ulok chquipam tak ri quecha', rech sibalaj queq'uiyir tak na ri cal.

Ri Isaiy 14:1

Je, ri Ajawaxel quel na u c'u'x che ri Jacob. Cuc'am chi na ri Israel jumul jas ri nabe, cuban na chi ri aj israelib quetzelej chi na pa ri culew. Ri man aj israelib ta quepe na cuc', caquijunaj na quib ruc' ri u tinimit ri Jacob.

Ri Jeremiy 8:3

Ri quec'asi' can chque we itzel tak winak ri', pa apachique ta c'u ne c'olbal ri querik taj wi aretak e nu jabum chic, are caquirayij na quecämic chuwäch chi quec'asi'c. In, ri Ajawaxel Dios ri c'o ronojel nu cuinem, quinjiquiba' u bixic.”

Ri Jeremiy 16:15

xane' caquibij na: ‘Rumal ri u c'aslemal ri Ajawaxel ri xebesan ulok ri aj israelib chupam ri ulew ri c'o pa ri iquiak'ab xukuje' chquipam ri niq'uiaj tak ulew chic ri e u jabum tak wi'’. In quinban na chi quixtzelej chupam ri iwulew, chupam ri ulew ri xinya' chque ri e i mam.

Ri Jeremiy 29:14

Je, in quinya' c'u na c'olbal chiwe chi quiniriko, quinban c'u na chi quinq'uex ri qui taklebej: quixinwesaj na chquixo'l ri nimak tak tinimit xukuje' pa tak ri c'olbal jawije' tak ri xixinjabuj wi, quixinmulij c'u na quinban c'u na chi quixtzelej chupam we c'olbal ri' ri xixinwesaj wi bic. In, ri Ajawaxel, quinjiquiba' u bixic.’

Ri Jeremiy 30:3

rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Ri Jeremiy 32:37

Quebenmulij ri e u winakil chquixo'l tak ri ulew jawije' tak ri xebenjabuj wi aretak xinnoj che c'anal, oyowal xukuje' k'ak'al, quebentzelej c'u na ulok chupam we c'olbal ri' rech quec'oji' pa utzil chupam.

Ri Ezequiel 28:25

“In, ri Ajawaxel, quinbij: Quinmulij na ri tinimit Israel chquixo'l ri nimak tak tinimit jawije' ri e jabutal wi, quinc'ut c'u na ri nu tastajic chquiwäch tak ri winak. Ri Israel cäjeki' na pa ri rulew, ri ulew ri xinya' che ri Jacob, ri pataninel wech.

Ri Joel 3:7

Are c'u ri in quebenwesaj ulok chupam ri c'olbal jawije' tak ri xebic'ayij wi, quenbana' c'u na' chiwe ix chi quebicoch' na ri junam taklebenic.

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Ri Jeremiy 16:14

In, ri Ajawaxel quinjiquiba' u bixic, cäpe c'u na jun k'ijol ri man cäquiban ta chic ri chi'nic ri kas cäban na, man cäquibij ta chic: ‘Rumal ri u c'aslemal ri Ajawaxel, ri xebesan ulok ri aj israelib pa Ejipt’,

Ri Ezequiel 36:35

Cäbix c'u na: We ulew ri' ri canajinak can chaki'j uwo sak, camic cäjunamataj chic ruc' ri ticonibal cotz'i'j aj Eden; tak ri tinimit ri e etzeletajinak, ri xekaj cho ri ulew e etzeletajinak xeya' canok, camic e uxinak jun ya'l chuk'ab e c'o chi winak chquipam.

Ri Miquey 7:15

Bana' la chque chi quequil mayibal, jacha' ri pa tak ri k'ij ri xebesaj la ulok pa Ejipt.