Ri Jeremiy 23:6 - Quiché Bible

⁶ Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Ri Jeremiy 23:6 Referans Kwoze

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Ri Jeremiy 33:16

Pa we k'ijol ri' ri Juda man c'o ta cuc'ulmaj na xukuje' ri Jerusalen cajeki' na pa jiquiban c'uxaj. Are c'u bi'aj wa' ri caquinatabej rech: ‘Ri Ajawaxel Dios are' ka ch'äcanem.’

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Jeremiy 32:37

Quebenmulij ri e u winakil chquixo'l tak ri ulew jawije' tak ri xebenjabuj wi aretak xinnoj che c'anal, oyowal xukuje' k'ak'al, quebentzelej c'u na ulok chupam we c'olbal ri' rech quec'oji' pa utzil chupam.

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Zacariy 10:6

Cacha' ri Ajawaxel: “In quinya' na qui chuk'ab ri e rija'lil ri Juda quebento'tajisaj c'u na ri e rija'lil ri Jose. Quinc'am na qui be quebentzelej na chupam ri culew, rumal rech chi quel nu c'u'x chque. Quebux c'u na jacha' ta ne ri ma ta c'o jubik' ri xinwetzelaj ta wi qui wäch, in c'ut ri Ajawaxel ri qui Dios, ri quebench'ob tak ri e qui bochi'nic chwe.

Ri Zacariy 3:10

Aretak chopan we k'ij ri', quixcuinic ix quiwulala' tak iwib chixc'ol c'u pa jamaril chquixe' tak ri qui mujal tak ri juwi' tak i uva xukuje' chquixe' ri juwi' tak i higo. In, ri Ajawaxel ri c'o ronojel u cuinem, quinjiquiba' u bixic.’ ”

Ri Soponiy 3:13

Ri queto'taj can che ri tinimit Israel man caquiban ta chi c'ut ri man suq'uilal taj, mawi quequibij chic banoj tak tzij, mawi quequinojisaj ta chic ri qui chi' chque tak jech'balil. Cuya' qui tzuktzubej iwib xukuje' quixuxlanic man c'o ta chi jun xe'n ib.”

Ri Abdiy 1:21

Ruc' ch'äcanic quepaki' na pa ri juyub Sion che u k'atic tzij paquiwi' ri e c'o chupam ri e aj u c'ache'laj ri rulew ri Esau, are' c'u ri Ajawaxel are ri cajawin na.

Ri Abdiy 1:17

Are c'u ri juyub Sion cux na jun c'olbal ri tastalic jawije' ri quecuin wi na jujun caquito'tajisaj wi na quib. Ri e rija'lil ri Jacob quetzelej chi na pa tak ri culew;

Ri Osey 2:18

Pa ri k'ij ri' quinban na che u tok'obisaxic u wäch ri Israel jun c'ulwächinic cuc' tak ri juyubal tak awaj, cuc' tak ri chicop ri e c'o qui xic' xukuje' cuc' tak ri cumätz; quinc'äjij na xukuje' quinwesaj na che we ulew ri' ri q'uiakbal ch'ab, ri ch'ich' re ch'o'j xukuje' ri ch'o'j, rech cuxlan ri nu tinimit pa jamaril.

Ri Osey 1:7

Are' c'u quel na nu c'u'x che ri rajawinic ri ri Juda: kas in, ri Ajawaxel ri u Dios, quinto'tajisaj na. Man quebeto'tajisaj ta c'ut rumal ri ch'o'j, xane' quinban na man ruc' ta q'uiakbal ch'ab, mawi ch'ich' re ch'o'j, mawi tak quiej, mawi tak ajquiejab.”

Ri Isaiy 54:17

man c'o ta c'u jun banowinak ta ri ch'ojibal ri cacuin ta che u sachisaxic a wäch. Catz'apij na u pa qui chi' ri quebanow tzij chawij. Are wa' ri quinya' na chque ri quinquipatanij: quinya' na ri ch'äcanic chque.” Ri Ajawaxel are cäjiquiban u bixic.

Ri Isaiy 35:9

Chila' man c'o ta coj e c'olic mawi quekeb ri juyubal tak awaj chila'. Pa ri be ri' quepe wi na ri quetorotaj ulok,

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Isaiy 2:4

Ri Ajawaxel cuk'at na tzij chquixo'l ri nimak tak tinimit, cujamarisaj na ri qui ch'o'j ri q'uialaj tak winak. Ri e qui ch'ich' re ch'o'j cäquiban na asaron chque, ri e qui tz'imaj ch'ich' cäquiban na jos chque. Man c'o ta jun tinimit quebumajij ta chic ri e u ch'ojibal chrij jun chic, mawi cätijox ta chi che u banic ch'o'j.

Nabe Ajawinelab 4:25

Joropa' c'u k'ij xc'asi' ri Salomon, ri e u winakil ri Juda xukuje' ri e rech ri Israel, cachapletaj pa Dan c'o pa Beerseb, xejeki' pa utzil, chquijujunal xec'oji' chquixe' tak ri qui uva xukuje' chquixe' tak ri qui higo,

Ri Isaiy 42:6

“In, ri Ajawaxel, xatinsiq'uij rech caban ri colomal, xatinyukej c'u che ri a k'ab, rech catux chaconisan rech colobal ib, in xatintac'aba', quinwaj c'ut chi catux u c'utbal ri nu c'utwächinic ruc' ri nu tinimit, qui chäj ri nimak tak tinimit.

Ri Jeremiy 29:11

In e weta'm ri chomanic ri e c'o wuc' chiwe, chomanic che u banic utzil chiwe man che ta etzelal, che u ya'ic jun eyebal c'uxaj ri cäpe na. In, ri Ajawaxel, quinjiquiba' u bixic.

Ri Jeremiy 33:15

Aretak chopan we k'ijol ri' xukuje' we k'ij ri', quinban na chi ri David c'o na jun kas rija'lil, ri cujekeba' na ri suq'uilal xukuje' ri colomal chupam ri ulew.

Ri Ezequiel 21:27

Ronojel quinq'uex na pa etzeletajic, etzeletajic puwi' etzeletajic. C'ä chi' c'ut cac'ulmataj wa' aretak cäpe ri', ri cojom wumal, ri pa u k'ab c'o wi ri u banic suq'uilal.”

Ri Ezequiel 28:26

Chila' quejeki' wi na, man c'o ta queslabenic xukuje' man c'o ta quebesan ch'u'j, quequiyac tak na cachoch xukuje' quequitic tak na uva. Ri in quiya' na ri c'äjisabal wächaj chque conojel ri c'ultakja ri caquetzelaj u wäch ri Israel. C'äte c'u ri' quetamax na chi in ri' ri Ajawaxel, ri u Dios ri Israel.”

Ri Ezequiel 38:14

Rumal ri', chach'abej ri Gog pa ri nu bi', chabij c'u che: ‘Are wa' cubij ri Ajawaxel: Aretak ri nu tinimit Israel c'o chic pa utzil, ri at catwalij na ulok

Ri Ezequiel 48:35

Ri nimalaj tapia quetan na chi ronojel quieb legua u rabic, are' c'u ri u bi' ri tinimit ri cätakex u bixic: ‘Ri Ajawaxel C'o Waral’.”

Ri Daniel 9:7

Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Ri Osey 1:11

Caquimulij c'u na quib ri winak aj Juda xukuje' aj Israel, caquicoj c'u na jun c'amal qui be ri xa' jun, pa conojel c'u c'olbal quetzelej wi na ulok quebeljekel pa Jerusalen. ¡Cux c'u na nim ri u k'ij ri Jezreel!

Elem 9:26

Pa ronojel c'u ri ulew Gosen ri e c'o wi ri aj israelib, mawi jun sakbach xkajic.

Salmib 45:5

Ri tinimit tak cäquimej quib chwäch la ajawinel; ri t'ist'ak tak ch'ab la, quech'iqui' na puwi' tak canima' ri e c'ulel la.

Ri Isaiy 32:1

Coc na jun ajawinel ri cajawin na ruc' jicomal xukuje' k'atal tak tzij ri cäquiban na suc'alaj k'atan tzij.

Ri Isaiy 32:18

Ri nu tinimit cäjeki' na pa jun c'olbal aj jamaril, pa tak ja ri co e jekelic, pa tak c'olbal ri man c'o ta wi elem ch'u'j,

Ri Isaiy 33:5

Ri Ajawaxel c'o puwi' ronojel, jekel c'u pa ri caj ri are' u nojisam ri Sion che jicomal xukuje' suq'uilal,

Ri Jeremiy 31:23

Ri Ajawaxel ri c'o ronojel u cuinem, ri u Dios ri Israel, cacha': “Aretak chenq'uexa' ri caquitaklebej ri winak aj Juda, e c'o chi c'u jumul chupam ri culew xukuje' chquipam tak ri qui tinimit, caquibij chi c'u na jumul: ‘¡Chtewichi'x we juyub ri' ri tasom rumal ri Ajawaxel jawije' ri jekel wi ri suq'uilal!’