Ri Jeremiy 23:5 - Quiché Bible

⁵ Ri Ajawaxel cujiquiba' u bixic: “Cäpe na jun k'ij aretak quinban na chi ri David cac'oji' na jun kas rija'lil, jun ajawinel ri cajawin na ruc' no'j cuban c'u na ri suq'uilal xukuje' ri colomal chupam ri ulew.

Ri Jeremiy 23:5 Referans Kwoze

Ri Isaiy 4:2

Pa ri k'ij ri, ri tuxaj ri cuq'uiyisaj na ri Ajawaxel, cux na wikbal xukuje' juluwem chque ri quec'asi' na can pa Israel ri e wächinic ri quiquiq'uiyisaj ri ulew, are nimarisabal quib, are nimarisabal qui k'ij.

Ri Isaiy 52:13

Ri pataninel wech cäch'äcan na, cäwalijisax na, cäya' na sibalaj chicaj.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Zacariy 3:8

Kas utz u tatabexic chabana', Jexu, at ri at quinimal ri e cojol tabal tok'ob, xukuje' chi chquitatabej ri e awachil ri e a wäch tak cojol tabal tok'ob, iwonojel c'ut ix ix jacha' jun etal ix k'axal tak tzij: Quinc'am na ulok ri Nu Pataninel, ri Tuxaj.

Ri Isaiy 53:2

Ri Ajawaxel xraj chi ri pataninel rech cäq'uiyic jacha' jun tico'n ri cäloclotic; ri cäbe ri u rab pa ri chaki'j ulew. Man c'o ta u je'lal mawi u juluwem, ri u wächbal man c'o ta ri cärayix ta che;

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Ri Amos 9:11

“Cäpe ri k'ij aretak quinwalijisaj na ri tzakinakalaj u cäbal ri David. Quebenc'ojoj tak na ri e u c'ob, quebenyac na ri e etzeletajinak wi, quinban na u yaquic je jacha' ri u banom canok pa ri ojer tak k'ijol,

Ri Jeremiy 30:9

Quinupatanij c'u na ri in, ri Rajawaxel xukuje' Dios, xukuje' che David, ri quincoj na in che rajawinel.”

Ri Jeremiy 30:3

rumal rech chi cäpe na ri k'ij chi quinq'uex na ri cuc'ulmaj ri nu tinimit Israel xukuje' ri Juda. In, ri Ajawaxel, quinjiquiba' u bixic. In quinban na chque chi quetzelej chupam ri ulew ri xinya' chque ri e qui mam jacha' che quechbal.”

Ri Jeremiy 23:6

Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Hebreos 8:8

Xubij c'u ri Dios aretak xuk'alajisaj ri qui mac ri winak: “Cächa' ri Ajawaxel: ‘Chiwilampe', quepe na ri k'ij, aretak quinban na jun c'ac' c'ulwächinic ruc' ri Israel xukuje' ruc' ri Juda.

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Jeremiy 31:27

Ri Ajawaxel cujiquiba' u bixic: “Cäpe na jun k'ij aretak quinban na chque pok'colij ri winak xukuje' tak ri awaj pa Israel xukuje' pa Juda.

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Xuan 1:49

Ri Natanael xubij che: “Ajtij, lal ri' ri u C'ojol ri Dios. Lal ri' ri Rajawinel ri Israel.”

Ri Matey 2:2

Xquibij c'ut: “¿Jawije' c'o wi ri cajawinel ri aj judeyib ri xalaxic? Kilom ri u ch'imil pa ri elebal k'ij. Uj petinak c'u che u k'ijilaxic.”

Ri Ezequiel 34:29

Quebenya' na qui tico'n ri sibalaj quewächinic, ri e are' man caquicoch' ta chi na wi'jal mawi cätzex chi na qui wäch cumal ri niq'uiaj winak chic.

Salmib 80:15

Ri juwi' uva ri lal xticow la, che ri tuxaj ri lal xjekeban la.

Salmib 45:4

Quiejeninak ruc' nimalil che ch'äcanem che u to'ic u wi' ri kastzij, ri mach'ibalil, ri colomal. ¡Ri iquiak'ab la cuban nimak tak mayibal!

Ri Jeremiy 22:30

Cächa ri Ajawaxel: “Chitz'ibaj ri u bi' we achi ri' chquipam tak ri wuj jacha' jun achi ri man e c'o ta u c'ojol, jacha' jun achi ri xtzakmaj pa ri c'aslemal. Man c'o ta c'u jun chque tak ri rija'lil copan ta na puwi' ri u tem re ajawibal ri David rech cajawin ta chi na pa Juda.”

Ri Jeremiy 22:15

¿La are puch pa a c'u'x chi ri rajawinic jun ajawinel are ta ri c'olem chupam chacalte'? Ri a tat xquicot pa ri c'aslemal; are c'u xuban ri suq'uilal xukuje' ri colomal, rumal ri' utz xel pa ronojel.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Ri Isaiy 42:6

“In, ri Ajawaxel, xatinsiq'uij rech caban ri colomal, xatinyukej c'u che ri a k'ab, rech catux chaconisan rech colobal ib, in xatintac'aba', quinwaj c'ut chi catux u c'utbal ri nu c'utwächinic ruc' ri nu tinimit, qui chäj ri nimak tak tinimit.

Ri Jeremiy 29:11

In e weta'm ri chomanic ri e c'o wuc' chiwe, chomanic che u banic utzil chiwe man che ta etzelal, che u ya'ic jun eyebal c'uxaj ri cäpe na. In, ri Ajawaxel, quinjiquiba' u bixic.

Ri Ezequiel 21:27

Ronojel quinq'uex na pa etzeletajic, etzeletajic puwi' etzeletajic. C'ä chi' c'ut cac'ulmataj wa' aretak cäpe ri', ri cojom wumal, ri pa u k'ab c'o wi ri u banic suq'uilal.”

Ri Ezequiel 45:8

We ulew ri' cux na rech ri k'atal tzij pa Israel; jeri' ri k'atal tak tzij man caquiban ta chi c'ax che ri nu tinimit, xane' quequijach ri culew ri aj israelib pa tak amak'.”

Ri Osey 1:11

Caquimulij c'u na quib ri winak aj Juda xukuje' aj Israel, caquicoj c'u na jun c'amal qui be ri xa' jun, pa conojel c'u c'olbal quetzelej wi na ulok quebeljekel pa Jerusalen. ¡Cux c'u na nim ri u k'ij ri Jezreel!

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Salmib 99:4

Ri lal lal jun ajawinel ri c'o u cuinem; ri culok'ok'ej ri suq'uilal; cäkaj ri suq'uil chwäch la; kas lal xjekeban la ri junamil. Banom la suq'uil xukuje' colomal chque ri e ralc'ual ri Jacob.

Ri Isaiy 9:5

Ri xajäb ri capoc'naj che ri cakan ri ajch'ojab, xukuje' ri atz'iak ri tz'ajtajinak che quic', queporox na, quechajir na rumal ri k'ak'.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Isaiy 33:5

Ri Ajawaxel c'o puwi' ronojel, jekel c'u pa ri caj ri are' u nojisam ri Sion che jicomal xukuje' suq'uilal,

Ri Isaiy 45:24

Cäquibij c'u na: Xuwi ruc' ri Ajawaxel e c'o wi ri colomal xukuje' ri cuinem. Conojel ri cäquetzelaj nu wäch quel na qui q'uixbal.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Ri Miquey 5:3

Camic ri Ajawaxel quebuya' canok ri e rech, xuwi c'u calan na ri ixok ri xak reyem chic ral. C'äte c'u ri' caquijunaj quib cuc' tak ri e qui winakil ri e aj israelib ri e c'o chupam jun ulew chic.